مرثية ابن سكران.....؟؟

[معلومات العضو ابوعبدالله الخييلي]

بسم الله الرحمن الرحيم

مرثية ابن سكران التميمي في زوجته منيرة.....

ياالله المعبود ياربنا العالـي= محصـي الأعمـال باللـوح كاتبهـا
دمعي اللي فوق الأوجان همّالي= مثـل نـوّ يـوم هلّـة سحايبهـا
من مريض طايح عندي اقبالي = يوم جـاه الحـق روحـه يجاذبهـا
يوم اخذه الله ونـزل بمنزالـي= وادفنـوا خلّـي ورزوا نصايبهـا
الله يثقّل موازين الأعمالي= يـوم والـي العـرش خلّـي يحاسبهـا
يوم قفّوا قلت يامشتكى حالي= مشتكى حالي علـى اللـي يجاوبهـا
يوم جيت الدار وامرحت بلحالي =والبزور صغار مااكثر نشايبهـا
قالوا الأبزور لي وش ذا الأزوالي=؟قلت ماادري ياعلي وش سبايبها
قال عبدالله يبي أمه وانا سالي= خابر وش صار ماأحسن عجايبهـا
قلت ياالله بدّل الغالـي بغالـي= بـدّل الغالـي لنـا مـن قرايبهـا
قالوا الابـزور ماعـاد بـه والـي= والقرابـة ماتساعـد قرايبهـا
هذي الدنيـا عـذاب وغربالـي= ياكثـر عذابهـا مـن مصايبهـا
ليت خلي قاعد ولانبي مالي= هو طراتـي يـوم عينـي تلـد ابهـا
حسنة الأطباع ماتلفـي المالـي= مابعـد دورتهـا مـن صحايبهـا
باليقظ والنوم هي دايم قبالي= وان غفت عيني فقلبـي يحـس ابهـا
وعذاب العين مـن ليلهـا طالـي= كـل مايطلـع نجـوم نحسبهـا
يوم بان الصبح ثم أذّن التالي= هل دمـع العيـن واحـرق مذانبهـا
قاموا البزور ثم انثوى الغالي= يايبـه ويـن أمنـا يايبـه جبهـا ؟!
مابكيتوا ربع ماابكيه ياعيالي= وامكم والي السمـاء اليـوم طالبهـا
ثـم لجّـو بالبكـاء بيتهـم خالـي= والليالـي ماترجّـع بغايبـهـا
كبدي اللي حرّها واهج الصالي= كـن كبـدي بالمناشيـر تشذبهـا
مـن سبايـب قلّـة المـال وعيالـي= والليالـي فرقتنـا مخالبهـا
لو اصوّت للغضي قالوا اهبالي= جعل مـن يلومنـي فـي لهايبهـا
مامثل ( منيره) أول ولا تالـي= والصـلاة اعـداد ذاري هبايبهـا

 

 

 

 

[معلومات العضو نايف الخييلي]

الله يعافيك يابو عبدالله على هذا الاختيار الجميل

وابن سكران له مراثي رائعه في اخوه سعد وفي زوجته والله يرحمه ويغفر له

تحياتي لك

 

 

 

 

[معلومات العضو ابن شميعان]

صح لسان ابن سكران


ولا هنت يابو عبد الله ع نقلك للقصيده


تحياااااااااااااااااااتي لك



نايف ابن شميعان

 

 

 

 

[معلومات العضو ابو عمر الشمري]

صح لسانه مرثية قليل زيهااا

 

 

 

 

[معلومات العضو ابوعبدالله الخييلي]

لاهنتو على المرور الطيب ....

تقبلوا تحياتي.....