مداهيل الأنفاس

**معلومات** **العضو** · 13-09-2009, 12:00 AM

لو المسافة بيـن الأحبـاب تنقـاس=كان القلوب تمـوت بيـن المسافـه
ماهي مسافة درب لا بالله إحسـاس=شعور يسري فـا القلـوب وتخافـه
شعور ضاقت به مداهيـل الأنفـاس=زفـره ترحبـه وزفــره تعـافـه
مسافةٍ تطوي غلا الناس فا النـاس=وتبعد ما بين قلوبهـا يـا حسافـه
هي لحضة الفرقى كما السم فا الكاس=وهي دمعة المقفي بعيـن الضعافـه
وهي حسرة أعماق المشاعر بقرطاس=نزف الحـروف الضاميـات بكثافـه
وهي سيل جارف ما يقدر بمقيـاس=أخذت مجاريـح الهـوى بانجرافـه
يا كم بكت منها عيون وطوت نـاس=خلف المواجع صـار يرثيـه قافـه
يطرد سراب الحب لا هـب نسنـاس=زيفـه فـراش ومبهماتـه لحـافـه
ليل وبقايا دمـع وشعـور حّسـاس=يبحر بها العاشـق قليـل الحصافـه
لو كان يدري ساري الحب مـا داس=درب الهوى اللي في مسيـره كلافـه
ولا حد عمره بيـن جافـي وبـلاس=تضحك عليـه بكـل فـن وحرافـه
ترى قلوب أخر زمن صارت نحـاس=لو قـال قايـل بـس فيهـا لطافـه
أقول فيـه وفيـه والعـرق دسـاس=اسأل مجرب فا الهـوى بعـد شافـه
قصرٍ مزيـن خارجـه در والمـاس=واليا دخلت اقصاه ضيـق ومخافـه
دام الشعور بزيف الاحساس ينقـاس=الله يعيـن اللـي طوتـه المسافـه