الجود والكرم موش تمثيل .. قصيدة

[معلومات العضو زنتاني]

الجود والكرم موش تمثيل= ولاهو كلام وتسالي
ولاهو سريب وتوشحيل= وتقدير في ليل تالي
ولاهو تماني وتهليل = ولا رزق في وطن فالي
ولاهو تبوزيع عالخيل =وتكوبيط لبس وبدالي
الجود والكرم في رجاجيل = شامخين كيف الجبالي
عزامه ومالهم قليل =ايجودوا بما فالمخالي
شيالة اللي صعب فالشيل = حماية اللي جاي جالي
اصحاب راي ماهم مهابيل= وحتى صبيهم اهلالي
كلام ما يبي كثر تحليل = كلام حق ماهو خيالي
والدنيا خبرها تشوكيل = خذت غدر مامن غوالي
كم كبرت من رزيل = ابقي من اصحاب المعالي
وكم ودرت من عناتيل= وبقي صيتهم فوق عالي
اللي عاش فيها بخيل =يموت لاخبر لا سوالي
ومامن اللي جيل من جيل= شهير صيت وهو عظم بالي
الجود والكرم موش تخييل =الجود والكرم بالفعالي

 

 

 

 

[معلومات العضو عبدالله الثاقبي]

صح لسنك الله لايهينك على القصيدة
ولآ تحرمنأ من جديدك والله يعيطك العافيه
وتقبل مروري اخوك عبدالله الثاقبــــــــــي

 

 

 

 

[معلومات العضو محمد بن سالم الخضراني]

صح لسنك الله لايهينك على القصيدة ولآ تحرمنأ من جديدك والله يعيطك العافيه

 

 

 

 

[معلومات العضو دغش محمد الصخابرة]

صح لسنك الله لايهينك على القصيدة
ولآ تحرمنأ من جديدك والله يعيطك العافيه