![]() |
#1 | ||
|
![]()
لاحت سهوم النـور بالفجـر و انجـال= جنـح الظـلام وفاختـنـى نجـومـه وقلبـي يتلـه مـن عراويـه تــلال= وأنـا بقلبـي داري ويــش قـومـه جاله مـن الهاجـوس ماخبـث البـال= والقلـب يالاجـواد عــرق وثـومـه قلـب عطـوف يـم الأجـواد مـيـال=ومـن كـان مثلـي فالعـرب ماتلومـه لجواد عز الجـار و زمـول الأحمـال=مثل السهـل فيـه الدمـث و النعومـه لجـواد وافيـن العهـد قـول وأعمـال=طبـايـع ماهـيـب درس اعلـومـه رجالهـم عنـد المـلازيـم رجــال=مـن هيـن الموقـف تـرده سلـومـه ورجالهم لـو هـو فقيـر مـن المـال=يفـدي بـدمـه دون ذمــه ولـومـه هات القلـم واكتـب تحيـات وامثـال=ومعانـي بأقصـى الضميـر محكومـه ماهـاوت الهيـن ولا هافـي الـخـال=ولاهيـب لـلـي يوهمـنـه حلـومـه وحاشـا ولايـوم لهـا جـات لسـوال=عليا ومن طـاري الزهيـد محشومـه تاقـت لشغمـوم ورا بعـد الامـيـال=والبعـد مايثنـى الفتـى فـي لزومـه قـم يانديبـي دن مايـطـوي الــلال=الى اشهب من دون الحبايـب ردومـه مكينتـه نـوع مـن الجوهـر العـال=صلب الحديد اللـي نضـاف جرومـه لكيـن حفيـف بلوفهـا حـث شــلال=لاهـيـب ماتسـمـع ولاب مكتـومـه لونه زهـي زل علـى سيتـه اشكـال=روعه ومن غالـي الحريـر مخدومـه اسمر حمر كانـه تحـت فـي وظـلال=وبالشمـس لونـا يوهمنـك سهـومـه هبـاع قطـاع الريـادي و الاسـهـال=كدلـك وتـوه مـن امريكـه قـدومـه مـن جوبـة الدمـام يابـدر لا مــال=الفـي و الصحـراء تلاشـى سمومـه سربـه بتوفيـق الولـي عالـم الحـال=العالـي الـلـي مانعـلـم معلـومـه يم الرياض العاصمـه مهـد الأبطـال=جيـل علـى عليـاه تشهـد خصومـه لا حل خلـف قطيهـن هـوش وكتـال=وشـوق الفتيـة وهقـنـه و هـومـه اخـوان نـوره عنـد تاليهـن ثـقـال=لاخـوع الجيـد وخـارت عـزومـه ومن الرياض اسرح عسى الرشد لك فال=سـنـد وقيـعـان الخفـية يمـومـه ومنصـاك بيـت للمراكيـب مـدهـال=بيت الثنا و المجـد مـن فجـر يومـه بيت الحسب بيت النسب بيت من طـال=صيتـه ورا نجـد وجتـنـا علـومـه بيت السديـري بيـت كسـاب الأنفـال=زبـن اللهيـف وريـف بـده وقومـه المحتسـي للمرجلـه كـار ورجــال=لاجـات مـن يـم الشحيـح مهزومـه محمـد ذرب النـبـا ذرب الأفـعـال=رمـز الزمـان اللـي تنحـوا قرومـه عصر مضـى زلـت سنينـه ولا زال=العصـر فـات وباقـيـات رسـومـه سلـم عليـه اعـداد ماهـل هـطـال=وبـل مـن المنشـى تـرادف غيومـه غطا الوطا ديمـه ومـن وابلـه سـال=سيـل يغبـي مانبـى مـن حـزومـه وقل له لفنا منـه طـارش ومرسـال=وهديـة باعلـى الـوقـار مختـومـه هديـة عنـدي لهـا كـار واجــلال=هديـة فــي ذا السنـيـن معـدومـه سيرة وفا ما سايـرت عصـر الأنـذال=وان جـات سـذاج العقـول مهضومـه وهاذي بعصر فـات يالقـرم ومحـال=يرجـع لنـا الفايـت وننسـى همومـه وافـا وشيمـه يـوم لجـواد عـقـال=يـوم النسـب مافيـه عيـب يشومـه يـوم النسـب للـي يعجـون لـتـال=لا جـا نهـار فيـه للمـوت حـومـه والا لمـن ينـزل علـى بيتـه انـزال=بيـت مـن الميـره وسـاع وضومـه ماهيـب سلعـة واحــد عـنـد دلال=هـذا يبـرق بـع وهــذا يسـومـه والحـق للـي يفـرق السـوم بريـال=سلعـة حـراج مـا وراهـا غنـومـه رد الأميرمحمد السديري :
يقول من شرف على روس الاقذال=راس الطويل اللي نبا من رجومـه
رجـم براسـه للمشاكيـل مدهـال=ميقاع سمح الريض من عقب حومه فكـرت بالدنيـا بلقفـاء و الاقبـال=تضحك وتبكـي بالغـات رسومـه وقامت همومي بالصناديـق تجتـال=وزفرات بانت بالضمايـر رقومـه حولت منـه خاطـري للوفـا مـال=يم العزيـز اللـي فـوادي يرومـه لأبو بدر ساس الوفا مرخص المـال=اللي من المعروف فصـل هدومـه وافي ويلبسله من الطيـب سربـال=درع عريـض ضافيـات اكمومـه خطه لفا في صفحة الطرس سيـال=قـاف بصفحـه باغـة ومختومـه فتحتله بالقلـب بـاب لـه أقفـال=وفكري صحا لأبو بدر عقب نومـه أهلا عدد ما كان نـازل و رحـال=من سوق نجران الى سـوق دومـه واعداد مايسكب من الغيـث همـال=وبل علـى وبـل تسابـع اهشومـه عقبه زهور الورد بالعشـب تختـال=فيـه ام سالـم كـل رجـم تهومـه تلعب طرب بالحانها تشـده البـال=ماهيب من خضر الرياض محرومه ماسايلت من قول شامـت وعـذال=وما همهـا نـواب وفـد الحكومـه راعي الوفا له داخل القلـب منـزال=لو دونـه ديـار وسـاع خرومـه يابـو بـدر بدلـت كـل الاحـوال=وحتى اشقر الجنحان بـدل ابومـه وجميع شيمات العرب صارت اطلال=مثل الهـدام اللـى وسـاع ثلومـه دنيا يشيب هولهـا روس الاطفـال=ولا عرفنـا بدرهـا مـن نجومـه منهـا الجديـد امبدلينـه بالاسمـال=وجهـال وأرزال ترفـع اخشومـه أقفت اسنين الخير عنـا بالأعجـال=وشفنا اسنين السـو شومـه ولومـه دنيا ضحايـا قدرهـا كـل ريبـال=نطـاح قـالات يجـي بالزهومـه يابو بدر شفنـا غرابيـل و اهـوال=واوباش وانـذال ترفـع اخشومـه دنيا بغفلتهـا ركـض كـل ختـال=وكم خيـر بالغـدر توكـل لحومـه الخبث لـه بايـع وشـاري ونقـال=والطيب راخص مالقى من يسومـه وديك الدجاج معلـق فيـه خلخـال=وحطو مفاتيح الذهب فـي ابهومـه
|
||
|
![]() |
![]() |
#3 | ||||
|
![]() صحححح لسان الشعارعلى القصيدالطيب
|
||||
|
![]() |
![]() |
#4 | ||
|
![]() النايف لاهنت على طرح المساجله
|
||
|
![]() |
![]() |
#5 | ||||||
|
![]()
|
||||||
|
![]() |
![]() |
#6 | ||||
|
![]() صــــــــــح لســاااااااااانهم ........... يعطيك العااااافيه
|
||||
|
![]() |
![]() |
#7 | ||
|
![]() الجارح العفو
|
||
|
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إعلانات نصية |
منتديات صحيفة وادي الدواسر الالكترونية | |||
![]() |
![]() |
||