|
|||||||
18-06-2009, 03:14 AM
|
#1 | ||||
|
الفية الطير
الفٍ اولف ياحلو ياحالي=.اسري مع الليل الطويل لحالي
اكبت همومٍ نبعها من غالي =عاشق ودمعه ذارفٍ في ليله والباء بنية غدر لاتجزينا = بانت خطوط الحزن يانسينا ببدي على من حبهم جافينا =والحب ياهل الحب مابه حيله والتاء تعذب صاحبك ياقاسي =تلعبه الدنيا وهو محتاسي تايه في دربه عندكم ياناسي =لابد من ريم الفلا ياويِله والثاء ثواني حبنا معدوده = ثابة عددها فالزمن منشوده ثمرة حياتي عندكم موجوده = وين الذي ياناس انا بشكيله والجيم جاوبني على معنايه = جرحي كبير وعندكم مشفايه جامل لعلك كاسبٍ لرضايه =واللي بغاه الزين انا بعطيله والحاء حياتي بالرجاء مشبوكه = حولك وروحي وصطكم مفكوكه حاول ياروحي لا تجيلي عوكه = واللي بدانا بالغدر نبديله والخاء خفيف الدم قصده يتعب = خاب الرجاء فالخل دامه متعب خيَرك ربي في هواي وتشعب = تشعب ذلولك بين قاف وشيله والدا دليل الحب قلبٍ وافيي = دليت دربه يابشر متعافي دار الزمان وانكشف للغافي = راع الهوى من قربهم ياويله والذا ذبل ورد المحبه عنده =ذوقني السم الحمر من خده ذرف بكلامه والظبي من قده =عزالله اني بالهناء داعيله والرا رميت القلب وصط عيونه =ريحان ريحه ساقني بفنونه راحت حياتي حوله ومن دونه =وبالشعر ياهل الشعر انا شاديله والزا زماني شاهدٍ في حبك =زينة حياتي جلستن في قربك زولك شفاء,عجل علينا طبك =ارحم حبيبٍ بعدكم كاويله والسين سويت الشعر من اجلك = سيرت شعري طالبٍ من عدلك سهمك بقلبي غايصٍ من جهلك =كيف الغضي ينكر وانا وافيله والشين شمعة دربنا لا تطفي =شد العزوم وعزمكم لي يكفي شهدتك الله بالوصل لا تقفي =ورد الوفاء بفراحنا نسقيله والصاد صرح الحب لازم يصمد=صورفنونك في بناه واعمد صدق كلام اللي يودك واجمد =تلقى العدو منهز كاسر حيله والضاد ضوء الحب لازم ينشاف =ضاقت حيات اللي بوده زهاف ضيع حياته في هقاون تنعاف = ولا القثامي بالوفا ساعيله والطاء طمعنا فالهواء ياغندور =طير الوله يشكي جناحٍ مكسور طبه تعجب فيه اعظم دكتور =متى على الله ذا الشفا ياتيله والظاء ظليمتكم ترى لي قشراء= ظن الرداء يكسف لياليٍ قمراء ظرف وظروفٍ منتهاها غبراء =وبالعرف موثقنا وانا ماضيله والعين عيني دمعها سباقي =عازم ولاني بالهواء بواقي عابربحورٍماهي بتنطاقي =وبالعين ويا القلب انا فاديله والغين غي الزين كامل كامل =غروٍ تكمل بالدلال الشامل غير حياة اللي يسمى صامل= شعبٍ يفيض ومعترضلي سيله والفاء فؤادي منحرق من خلي =فيه الخطايا والسموحه دلي فدوتك باللي بالوصل متغلي =كم ليلتٍ ولت وانا عانيله والقاف قافي شاكينلك زله =قلبي تعذب صابته كم عله قلتلك اني عاشقك وبمله =لكن تغيرت وحدرت بميله والكاف كفيت فهواك وفيت= كملت طيبي في هواك ولبطيت كامل بعد وجه الولي لامن جيت=صرح الوفاء ياناس انا بانيله واللام ليلي ساهره وبحرقه= لن الغضي ناويلنا بالفرقه ليته قبل فرقاه ياتي زرقه = ونسهر في ليلٍ شع فيه سهيله والميم ماني في فراقك صابر =مليت من طرد الهوى يامكابر مير ارحم النفس وعلاها ثابر= ياويل من يخلف وينقص كيله والنون ننعى حبكم لخلفتم= نية وصال وبالردا كملتم نية فراق وبالفراق احكمتم= وكلن وفاء يازين في تحصيله والهاء هويتك مخلصٍ بالنيه= هامة شرف يالغاليه محميه هيهات ياللي مدعَلي سيَه =قلبٍ وفاء, بالقاسيه تجزيله والوا وديعه عندكم, ذا قلبي =ودعته بحبه وابى اكمل دربي والله حسيبك يالوله في حبي = درب المحبه ياكثر تهويله والياء يعين الله وانا بختمها =ياهاجسي من حكمتك محكمها يسعد بها القاري ولا يظلمها =ثوبٍ حبكنا ياعرب تفصيله
|
||||
|
|
|
|
18-06-2009, 04:15 AM
|
#2 | |||||
|
رد: الفية الطير
|
|||||
|
|
|
|
18-06-2009, 04:26 AM
|
#3 | ||||
|
رد: الفية الطير
ناجي العتيبي صح لسانك قصيده جزله وافيه من شاعر جزل
|
||||
|
|
|
|
19-06-2009, 02:56 PM
|
#4 | |||||||||||||||||
|
رد: الفية الطير
صح السانك ياناجي العتيبي و الا هنت علي القصيده الجزله
|
|||||||||||||||||
|
|
|
|
19-06-2009, 03:02 PM
|
#5 | |||||||||||||||||
|
رد: الفية الطير
صح السانك ياناجي العتيبي و الا هنت علي القصيده الجزله
|
|||||||||||||||||
|
|
|
|
20-06-2009, 06:43 AM
|
#6 | ||||
|
رد: الفية الطير
لاهنت ناجي العتيبي وصح لسانك على القصيده
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 07:11 PM
