|
|||||||
19-05-2009, 11:23 PM
|
#2 | ||||
|
رد: شجرة نسب قبيلة البقوم
لاهنت يا بو مقرن على هذه الشجرة وهذه ابيات راائعه للشاعر طامي بن مهل الرياحي
ياناشـدن عنـا ترانـا البقـومـي.....اهـل الجمايـل طيبيـن السلـومـي اعلامنا من فـوق الاعـلام تومـي.....في الوقت هذا والسنيـن القديمـات فينا الوفا والطيـب والمجـد مذكـور....من جدنا الاول الـى نفخـة الصـور يكتب لنا التاريخ بحروف مـن نـور.....عبر دواويـن العـرب والسجـلات مـن الخليـج لجـده الـدار حايـل......ومن الطوال الـى طـوارف محايـل متميزينـاً عـن جمـيـع القبـايـل......باشيا لهـا تاريـخ موكـود وثبـات حنـا لعشـاق البطولـه مــدارس......لا عدوا الفرسـان فعـل الفـوارس خيالنـا يعـدل ثمانـيـن فــارس......قاله حكيمـن وأكـد العلـم بابيـات قصيدته فينا لهـا اسنيـن وسنيـن.......معروفـةٍ عنـد القبايـل لا ذلحيـن عند الرواه وفـي بطـون الدواويـن.......ما مات قول الصدق لو قايلـه مـات والثانيـه بنـت الشيـوخ حـددانـا......تهدي بحبتهـا علـى مـن نصانـا اللـي يقابـل فـي المعـارك حدانـا.....لا غطرفن بيض البنـات العفيفـات ودخيلنـا يمشـي بكـل الجـزيـرة.....لا مـل مـن ديـرة توجـه لديـرة ماواحـداً يقـدر يعـارض مسيـره.....لوكان لاخصامـه سيـوفٍ وريعـات وبيوتنـا ماحـداً يـذيـر ضعنـهـا....وديارنا ماحـداً كسـب شبـر منهـا مشطرينـاً كــل طـمـاع عنـهـا.....بسوف هنداً في المـلا قـا رهيفـات ياكـم وكـم وكـم ويـا كـم وياكـم...طمعوا بنا قـومٍ مـا يلحقهـم الـذم وجونـا وقمنـا نلحـق الـدم بالـدم....وعادوا بخيبات الرجـاء والتشمـات محـدديـن ديـارنـا بالجـمـاجـم....جماجم الا بطـال مـن كـل هاجـم تشهد بما قلـت العـرب والاعاجـم.....وحدود داراً فـي ذرانـا حصينـات رجالنـا حـط الرجـولـه شـعـاره....ولوكان مات بجـوع ماخـان جـاره قصيرنـا معنـا يـلاقـي وقــاره....نذريه فـي ظـل البيـوت الذريـات فينـا الشجاعـه والوفـا والامانـه.....ولا نخـون ولا نـحـب الخيـانـه ولا نقبـل العيشـه بـذل ومهـانـه.....في صدورنا نحمل نفوسٍ عزيـزات والضيف لاجانا لقى البـن والهيـل....وحلو النبا مع شمخ القـود والحيـل والعود الازرق في مجالس حلا حيـل....وسوالفٍ تشـف الكبـود العليـلات هذا وانا اصلي من صعاب المراسـي....ابنا كليب اهـل الفخـر والحماسـي فـرعٍ تفـرع والبقـوم الاسـاسـي....هذا كـلام الصـدق ماهـو دعايـات انا ولد مـن تعـرف النـاس طيبـه....ابن غفـالان اللـي فعولـه عجيبـه مهـل ذرا ربعـه ولا طـم حريبـه....كساب كلمة نعم فـي كـل الاوقـات اللي بمخلابـه كسـر بـاب شبـرا.....يـوم انقفـل دون الجميـع وتعبـرا في معركه فـي وقتهـا تعـد كبـرا....بين الشريف وجيش الاخوان بالذات يو التجوا في القصر وانصـك بابـه....والصفر جالـه فالصـدور انحطابـه جاهـم تقـول مسـيـراً للقـرابـه....ما خاف من صكات الايـام صكـات يوم القذايـف مـن سماهـا تواقـع....والماس الاحمر في سمـاه ايتصاقـع سقم الحريب اخو هـوا مـا تراجـع....حتى فتـح علـى معاديـه ثغـرات وجدي عتيق اللي يصـوغ القوافـي....وان يبست خلف الركـاب الاشافـي يروي من العـدوان روس الشلافـي....يـوم اليمانـي بالفعايـل طليـقـات وربعي بني مريح سلايـل كحيـلان....اهل القنا والسيف والرمـح والـزان وان جا نهاراً فيـه للصفـر دنـدان...لطامـة وجيـه المعاديـن ريحـات قيفٍ مـا مثلـه فالقبايـل ولا قيـف...حمايـة الميقـاف يـوم المواقيـف وان لجلجن بيض العذارا الغطاريـف....لهم على جمـع المعاديـن سطـوات رجالهم لاقال فـي الموقـف الحـار....( سقم الحريب مروحي) والدخن ثار تقـول معـه المـوت لـعـداه زوار....ويوجهـه لنفوسهـم بـالاشـارات ومنا البضاعات النشاما هـل الطيـب...اهـل الجمايـل مكمليـن المواجيـب في طيبهم ما يلحق الشـك والريـب....النعم والله فـي رجـال البضاعـات ومنا رجالاً فـي المواجيـب يوفـون....جعاثنـه يـوم اللقـاء مـا يهابـون كـلٍ يقـول النعـم بـالاد جعثـون....لاجا نهـاراً فيـه صولـه وجـولات وايضا الدمانيـن ونعـم بالدمانيـن...لطامـة العايـل صعـوط المجانيـن اللي على القاسيـن بالفعـل قاسيـن....في طيبهم مـا لحقنـا يـوم شكـات والاد قرمـود النشامـا هـل الجـود....اللي لهم بالطيـب تاريـخ مشهـود سيفٍ على روس المعاديـن مجـرود....ولهم على لطـم المعاديـن عـادات وايضا الجحيشات الحلاحيل الابطـال...اللي لهم فـي قمـة المجـد منـزال منهم عذاب عداه لطـام مـن عـال....امثيب اخـو نفـلا زبـون الونيـات ومنـا العبـارا والنـعـم بالعـبـارا....لاجا نهـاراً فيـه صـوت المثـارا مايعرفـون المسكـنـه والـمـدارا....في ساعـةٍ فيهـا كثيـر الغيـارات ومنا الرماضين ونعـم بالرماضيـن....قومٍ على الامجاد والطيـب ظاريـن ميزانهـم يرجـح بكـل الموازيـن....لاعنكب الداخـن ولجـن الاصـوات ومنا السواهر عزوةٍ باسهـم بـاس...قومٍ لهم في قمـة المجـد مجـلاس حريبهم في ساحة الحـرب ينـداس....وصحيبهم يلقى السعـد والكرامـات ومنا الفضول اللي على الموت يردون.....لاجا نهاراً فيـه طاعـن ومطعـون دقلاتهم منهـا الرضاعـا يشيبـون.....لاثار عـج المسرجـات المغيـرات ذولا عيـال اكليـب عديتهـم عــد.....اللي فخرهـم عبـر الاجيـال يمتـد لو شدت اجبـال السـراوات ماشـد....وامجادهم تعـرف ولا هـي خفيـات وباق البقوم اذكر فخرهم ولا انسـاه.....اهل الكرم والمجد والجـود والجـاه واهل السيوف اللي على الدم مسقـاه....واهـل الحميـا والوجيـه النقيـات افروع قـومٍ عاشـوا بعـز واكـرام....من قبل الاسلام وبعد ديـن الاسـلام ولا فيه فرع الا ولـه عـدة اقسـام....لكن ما بغى ادخل ببعـض المتاهـات اخاف لـو اذكـر بعظهـم بتفصيـل....وانسى بعظهم صار للقصـد تاويـل واصير عرضة راعي القال والقيـل....اللي علـى العالـم يحـب التصنـات لكـن باعـد الـفـروع الاوايــل....مـادام انـا عنـدي عليهـم دلايـل واترك خوامسهـم واكـب الفصايـل....للي معـه عنهـم دواليـل اكيـدات من البقوم اذكـر رجـال ارحمانـي....لطامـة العايـل عـراب المجـانـي اهـل البنـادق والقنـا والسنـانـي....واهل الشجاعه والفخـر والحميـات وايضا القروف اللي تضد الضديـدي....رجالهم لاقـال انـا ابـن الحميـدي ثم سل سيـفٍ فـي يمينـه حديـدي....يطرح عشاء سحم السباع المجيعـات وايضا دغافلـةٍ يضـدون الاخصـام....رجالهـم سطـام للخـصـم لـطـام يركض على جمـع المعاديـن قـدام....لاجردوا حدب السيـوف الصقيـلات ومنـا الجنبـه مخضبيـن الجنابـي.....سقـم المعـادي لاهبـا كـل هابـي سيـفٍ تنومـس سلتـه والنصابـي.....في وقتنـا هـذا وفـي فايـتٍ فـات وايضا البدارا اهل الكرم والشجاعـه.....في الحرب يسقون العدا سم ساعـه فيهم علـى لطـم المعـادي براعـه.....واهل الحميا واهل نخـوه وفزعـات والموركـه منـا بلاشـك وجــدال.....سقم العدى يوم البـلاوي والاهـوال كم دم فارس قـوم بسيوفهـم سـال....وربعه على فقـده تسـوي مناحـات والاد داهــم محتمـيـن الدبيـلـه....اهل السيوف الصارمـات الصقيلـه واهل الخيول المسرجـات الاصيلـه....اللي لهـا علـى المعاديـن غـارات وايضا رجالاً فـي نهـار الحرايـب.....علـى معاديهـم عـذاب وعقـايـب كـرزان مافيهـم رديــاً وخـايـب....ولا مثلهم يركب على الخيل بالـذات واذكـر مخضبـة القنـا الاد سامـي....سميـان لاثـار الدخـن والعسامـي يردون حوض الموت ورد الضوامـي.....ويخضبون مـن العـدا السمهريـات ومنا المرازيق ان زمى الحيف للحيف.....فرسانهم مـا يعرفـون المحاريـف يسقون من دم العدا شـذرة السيـف.....هـذا كـلام الصـدق مافـيـه زلات واذكر هذيل ولو هرجنا عـن اهذيـل.....نقـول نعـم ولا عليهـم مداخـيـل وقفاتهـم تشـف القلـوب المغاليـل.....وعدوهـم مالـه نجـاة وسلامـات امدح بني عمي ظهور السوانـي.....اللي بفعـل الطيـب تطلـق لسانـي يشهد لهم بالطيـب قاصـي ودانـي.....ماهوب قول اهل الحسـد والظـلالات والنعم فـي كـل القبايـل مشاكيـل.....قبايـلٍ يوفـون بالـوزن والكـيـل ما يقبلون الظلـم والضيـم والميـل.....وسط الجزيرة كال الجبال المنيفـات في ما مضاء كـلٍ وقـف دون حـده......ماحـداً تهـاون دون ميـراث جـده واليـوم كـلٍ يلتبـس ثـوب قــده......زال الجهل من روسنـا والحـزازات ما عاد يوجد في الجزيـرة سلاطيـن......الا الملـوك العادلـيـن الميامـيـن اللي سعوا فينا بالانصـاف والديـن......وصرنا خوان نعيش عـز ومسـرات وختامها صلوا على صفـوة النـاس......عد البشر وعـداد ماهـب نسنـاس وعداد ماحبراً كتب فـوق قرطـاس......على رسـول الله سـلام وصلـوات
|
||||
|
|
|
|
19-05-2009, 11:28 PM
|
#3 | ||||
|
رد: شجرة نسب قبيلة البقوم
ابوزيد الغييثي
|
||||
|
|
|
|
23-05-2009, 11:31 AM
|
#4 | ||||
|
Re: شجرة نسب قبيلة البقوم
والله ونعــم القبيــلة
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:27 PM
