تكفى ترى تكفى تهز الرياجيل,,!

[معلومات العضو ولد ودعان]

تكفا ترى تكفا تهزّ الرجاجيـل=لولا صروف الوقت ماقلت تكفا

بيت مشهور ..

وهي للشاعر: محمد الدحيمي الشهري المعروف بــ (أخو تكفى (..

اما لطمنا العيل والا الطم العيل=مادام شب النار مندوب الاطفا
من ذاق حر القايله يعشق الليل=ومن شب ضوه ليلة البرد يدفـا
امسيت في جيلٍ ولاهوب ذالجيل=واصبحت والا ديرتي شبه منفـا
واللي حما بيته بطيـرن ابابيـل=ماجيت ادور كل من صد وقفا
ولاجيت ابشحذ يانما دلّه وهيل=جيتك وجرح الظلم غاديه يشفا
جيتك بكلمه كنها صعقة الويل=ان قلت تكفا لاتهـاون بتكفـا
تكفا تراها كلمةٍ تقطم الحيـل=لابالله الا تنسف الحيـل نسفـا
تكفا ترا تكفا لها هدرة السيـل=في صدر حرٍ ينتف الطيب نتفـا
تكفا ترا تكفا لها تسّرج الخيـل=ان كان لك في مجمع الخيل عسفا
تكفا تراني من قرومٍ مشاكيـل=حماية الساقه بسيـفٍ وشلفـا
تكفا وتكفا ماتسـاق لمهابيـل=تكفا تخلّي القرم لاشٍ وهطفـا
تكفا ترى تكفا تهزّ الرجاجيـل=لولا صروف الوقت ماقلت تكفا

 

 

 

 

[معلومات العضو غدير]

يعطيك العافيه على النقل المميز

تحياتي

غدير

 

 

 

 

[معلومات العضو فيصل بن جزاء]

لاهنت على الاختيار المميز

وصح لسان محمد الدحيمي

ودي وتقديري

 

 

 

 

[معلومات العضو رفيقة الوفا]

صح اللسان من قالها


وتسلم يد من نقلها


لاهنت يااخوي


تقبل مروري رفيقة الوفا

 

 

 

 

[معلومات العضو متعب بن حمد الشكرة]

لاهنت على الاختيار المميز

وصح لسان محمد الدحيمي

ودي وتقديري

 

 

 

 

[معلومات العضو نايف الفصام]

القديـــــر ولد ودعان


يعطيك العافيه اخوي على هذه القصيده وبيض الله وجهك

طبعاً اختلاف الراي لايفسد للود قضيه

وانا ابختلف معك شوي ... دايم نسمع هذا البيت ( تكفى ترى تكفى تهز الرياجيل ... ولولا ضروف الوقت ماقلت تكفى )

وقيل انها للدحيمي وقيل انها لسعد بن جدلان ولكن الاكيد انها للشاعر عماش بن عبيد البديري المطيري

ومسندها لـــ مزيد بن سعد المطيري

والقصيده الاصليه لهذا البيت هي :

تكفى ترا تكفـى تهـز الرجاجيـل=ولولا ظروف الوقت ما قلت تكفـى
تكفى يا مزيد ما يبا العلم تفصيـل=المشكله كبرت على عماش تكفـى
ما قلت تكفى غير من فترة الحيـل=وانته ولد من يفعل الطيـب تكفـى
انخاك من كثـر العنـا والبهاذيـل=الفقر حطمني .. وانا ازريت تكفى
غديت مثل اللي برك ضامه الشيـل=تضحك بي ضعوف الرجاجيل تكفى
يومٍ لك وقفه .. وجاه .. ومداخيـل=ما نغتني عن مثل شـرواك تكفـى
افزع ترا وقتي غـدى كنـه الليـل=والعلم ما يخفـاك يالقـرم تكفـى
ما عاد بي شده ولا عاد بـي حيـل=ضدتني الايـام ... والقـلّ تكفـى
اروح وارجع ما حصلي محاصيـل=والرجل بادت .. يا فتى الجود تكفى
واليوم عندك يا رفيـق المشاكيـل=العذر ما ينفع وانـا قـول تكفـى
حيثك من اهل الطيب واهل المفاعيل=يا زبن من جاله ومن قـال تكفـى
الجيب فاضي .. واليالـي مقابيـل=عجزت اعيش مع الرجاجيل تكفـى
والراتب المحدود .. يروح تحويـل=من الاداره .. لاهل الديـن تكفـى
حتى عيالي ما قدرت الهـم الكيـل=والازمه لا جات .. صديـت تكفـى
ارجى الفرج والله يجيب التساهيـل=واعيش في راحه مع الناس تكفـى
والله كريم .. يبدل الحـال تبديـل=وما قلّ دلّ .. وصامل الهرج تكفـى

لاهنت وبيض الله وجهك يا ولد ودعان ... وتقبل مداخلتي البسيطه


احترامي وتقديري .

 

 

 

 

[معلومات العضو ولد ودعان]

غدير
فيصل بن جزاء
رفيق الوفا
متعب الشكري

شكرا ولاهنتوا على مروركم المشرف


واشكرك اخوي دوسري مطنوخ على مرورك المشرف ويتضح من ابياتك اللي وضعتها انها مختلفه تماما عن ابيات الدحيمي ربما كانت ابيات الدحيمي مجاراة للشاعر الكبير عماش المطيري,,والله اعلم,,

لاهنت يالقرم

 

 

 

 

[معلومات العضو العماني]

الله لايهينك اخوي ولد ودعان على البيت الشهير والقصيدة واشكره على اخياره الذي يدل على ذوقه الرفيع .

واشكر الأخ دوسري مطنوخ والتشابه في القصائد والأبيات وارد ويتضح ان القصيدتين مختلفتين .

تقبلوا تحياتي،،

 

 

 

 

[معلومات العضو العماني]

الله لايهينك اخوي ولد ودعان على البيت الشهير والقصيدة واشكره على اخياره الذي يدل على ذوقه الرفيع .

واشكر الأخ دوسري مطنوخ والتشابه في القصائد والأبيات وارد ويتضح ان القصيدتين مختلفتين .

تقبلوا تحياتي،،

 

 

 

 

[معلومات العضو ابو زابن المسعري]

لاهنت على الاختيار المميز

وصح لسان محمد الدحيمي

 

 

 

 

[معلومات العضو أبونواف الدوسري]

بارك الله فيك

وفقك الله..