قصيدة في منصور البلوي للشاعر فهد الطويان

[معلومات العضو ماجد]

يللِّي تجـي منصورلاهِنـت قِلِّـه ***** مالِـه يحفْظِـه والتحـدِّي يخلِّيـه


وقِلَّ للغشيم الليِّ غدى ناصحٍ لِّـه ***** وقِلَّ للصنيع الليِّ ضمن فوز ناديه


هذا الزعيم اللِّي حوىالمجـد كِلِّـه ***** تصْعبْ مجاراتِه ويصْعبْ تحدِّيـه


مِعْه التحدِّي صعْب منتُم هـلٍِ لِّـه ***** عنكُـم بعيْـد وعاليـاتٍ مبانيـه


وشْ عاد لوْ بالمال جمَّعْـت شِلِّـه ***** محْدٍ غزى بسْلاح راميه راعيـه


اللي لعِب معْكُـمْ يبـي زوْد غلِّـه ***** يلعبْ بعين وعين للمـال تِعْطيـه


درب الولا بالقلْب يعْـرف محلِّـه ***** لا لا تظنـه خبزبالمـال تشْريـه


منصور جاك العِلْـم دقِّـه وجلِّـه ***** والنصح منِّي جاك كان أنت توحيه


خلَّ التحدِّي لـزرق اللَّـون خلِّـه ***** تمُوت ماحصَّلت كيْسـان بيْديـه


ومالٍ عطاك الـربْ نفْعِـه تدلِّـه *****ا لمال يحتاج الرعايـه وتوجْيـه

 

 

 

 

[معلومات العضو راشد المسعري]

دوسري الهوية : ياسلام على نقل هذه القصيدة المعبرة وبصراحة أعجبني مطلعها واللي يقول فيه الشاعر:

يللِّي تجـي منصورلاهِنـت قِلِّـه ***** مالِـه يحفْظِـه والتحـدِّي يخلِّيـه

بصراحة بيت يسوى له قصيدة لأنه فعلاً ضرب على الوتر الحساس فراعي الملايين مانفعته ملايينه مع أنه أعلن التحدي اكثر من مرة في سالفة انتقال اللاعب القحطاني.

لاهنت مرة اخرى ، وعسى الله يهدي اصحاب ذالملايين اللي قاموا يلعبون بالدراهم لعب لو إنها تروح في جمعيات خيرية ولا مساعدة سجناء ومديونين ولا بناء مساجد ولا أي طريق من طرق الخير إللي بتنفعهم في الآخره كان ابرك لهم.

 

 

 

 

[معلومات العضو مناحي الرجباني]

قصيدة ودي اني قايلها

لاهنت يادوسري الهوية

ولاهان ابوعبدالمحسن على التعليق الرائع

 

 

 

 

[معلومات العضو ماجد]

لاهنت ياعبدالمحسن ومناحي على مروركم العطر