الوعلة يستقبلون ال ناصر الوداعين في الدمام

[معلومات العضو vip909]

بسم الله الرحمن الرحيم

السلام عليكم ورحمة الله بركاتة


اخواني وابناء عمي وضيوفنا الاعزاء


الحمد لله رب العالمين الي جعل مزارق الطيب بين القبايل وحفظ العادات الطيبة بينهم


القصة عندما سمى فهد بن عايض بن حربان ال فروان الوعيلي سمى ولده على فيصل ال شواي الدوسري

و توجهو ا لنا في الاحساء واستقبلناهم في صالة السرايا اكبر صالات الاحساء واكرمناهم كرامتن تبيض الوجه

وكان معهم يوكن وقعود وعشر خرفان

وهذا الكلام قبل ست شهور


وثم قام فيصل ابن مبارك ال ناصر وابناء عمه ومعهم جي 2008 وثلاث قعدان


ونصوا ال وعيل يام الذين استقبلنا خير استقبال واكرمونا كرامتن تبيض وجيهم


وبهذه المناسبة قال الشاعر محمد بن عبدالله ال فروان الوعله اليامي


قصيدة بهذه المناسبة والتي مدح فيها الوداعين والدواسر

بديـت باسـم الله عـلام الغيـوب=
يا مسير الدنيا ويا منشي الهبـوب=
يا منجي يونـس بغبـات البحـور=
الطف بنا من جور واهوال القبـور=
ما عاد ينفع كود ما حطـت يـداك=
نكير من قدمك ومنكـر مـن وراك=
تملي عليك علومك اللـي ماضيـات=
في ساعه ترجي مـن الله الثبـات=
يالله برحمتـك الكريمـه طامعيـن=
نرجيك عطفك يا معيـن الصابريـن=
من بعدها يا مرحبا مرحـب شـلال=
ترحيبة ترقى علـى روس الطـوال=
يا مرحبا يا عيـال زايـد يـا هـلا=
يا مرحباً مـن زود تقديـر وغـلا=
اهل الثمان اللي لهـم عـز ومقـام =
تحكي بها الشبـان مـن شيبانهـا =
يوم انه يوم العيد مع ولد القصيـر =
يلعب وزل وزلتـه جـات المصيـر=
ثم خبلت امه بالعـزاوي والصيـاح=
واقبل عليهم ناصـرٍ عجـلٍ ذحـاح=
قالو له ابنك قـال ياعلـم الشمـات=
ولقاه عنـد أمـه تغطيـه بعبـات=
وتله على الميدان ثم طشـر دمـه=
انا اشهد انه صان جـاره وحشمـه=
و الثانيه فالعاطفـي يومـه نزيـل=
ساق القدر للعاطفي واصبـح قتيـل=
في بير ابن ولمان ساق بـه القـدر=
من دون جاره ماخـذا فيهـا عـذر=
والثالثـه فاللـي يخـون بسـيـره=
المـوت فـال لــه ولابتخـيـره=
من شان غيره مايخـون بصاحبـه=
يترك طريق العيب ماهو بقـار بـه=
والرابعه مانع ولـد منصـور يـوم=
عثر وصار بجبهته مثـل الرسـوم=
والخامسه فاللي سقط فوقـه جـدار=
فايز سليل خليف من سـاق المثـار=
والسادسه من حدته شهـب الليـال=
زبن على الله ثم على روس الرجال=
ويصير كنـه واحـد مـن ربعهـم=
وسم العصا بيـن القبايـل طبعهـم=
والسابـعـه فالـتـارده بتـردهـا=
ما تهتني ليـن انـه يامـن حدهـا=
والثامنه فالضيف والطرقي يصـان=
تثني القرى للضيف لو جار الزمان=
هـذا قليـل مـن فعـول جدودهـا=
مافيه شـيٍ فـي الجميـل يكـوده=
دواسر لا صـاح صيـاح الشليـل=
لا ثار عج الخيـل وازداد الصهيـل=
دواسـر بالـدم مرويـن الرمـاح=
وامسو بني عمه يجـرون النيـاح=
دواسر تعطي على كسـب الجميـل=
لين انها حازت على موقـع سهيـل=
ذا الليل عيد ويا عسى الليله يعـود=
الطيب والنومـاس بالدنيـا يسـود=
دام البقاء باللي جمع بيـن الرجـال=
فهد ولد عايض جمع جزل الخصـال=
يوم انه سمى بالاصيل ابن الاصيـل=
ومن ال شوايٍ هل البـاع الطويـل=
حيث السمى بين الرجال اكبر دليـل=
انه مع اهل العرف جيلٍ بعـد جيـل=
ما يشترى الا اسماء عريبين الجدود=
اللي تفاخر بسمهـا بيـن الحشـود=
فيصل وفيصـل شـاربٍ المرجلـه=
اما يجيـب الطيـب لـك ولا جلـه=
الهـرج وافـي والفعايـل وافـيـه=
وقفات جـوده واضحـات وخافيـه=
والرجل بين امرين مامنهـا مجـال=
ولا بفعله طاح ثـم طاحـت رجـال=
الرجل يعمل والعـرب عنـه تقـول=
ثم ينتشر بين العرب عرضٍ وطول=
وانا اشهد ان فيصل تعلى النايفـات=
عينـه تخايـل للنجـوم المرقبـات=
لا شـك مايحتـاج للطيـب اسئلـه=
وانا اشهد ان جمع الدواسر مدهلـه=
فيا مرحبا مليون يا اهـل الطايلـه=
يـا مرحبـا مـا سبلـت مخايلـه=
قلته وانا من لابتـي صبيـان يـام=
وهم درع جنبي في الشدايد والزحام=
وارجو المعذره لا حصل منا قصور=
والعود الازرق مع نقيـات العطـور=

 

 

 

 

[معلومات العضو @الجابر@]

يستاهل أبو مبارك


وعلووومه طيبه مع القريب والبعيد ولاهيب غريبة من ابن العم


وانا اشهد ان فيصل تعلى النايفـات
وجمل بنـي عمـه بفعـل الطيبـات
عينـه تخايـل للنجـوم المرقبـات
يرومهـا حتـى جلـس بوزانـهـا
لا شـك مايحتـاج للطيـب اسئلـه
لاصار مـن منبعـه ولا مـن هلـه
وانا اشهد ان جمع الدواسر مدهلـه
قومٍ يجمـل فـي اللـزوم حصانهـا


بيض الله وجه الشاعر على قصيدة الجزلة

 

 

 

 

[معلومات العضو الجراح]

كفؤ ابن العم أبو مبارك وصح لسان الشاعر اليامي

 

 

 

 

[معلومات العضو الدعام]

كفو يابو مبارك شيخ ولد شيخ وماهي غريبه عليه العلوم الطيبه ولا علا اخوانه وبوهم وجدهم من قبلهم متوارثين الطيب جيل بعد جيل {ال ناصر كرام و الوعله يستاهلون} مشكور يا{في اى بي} علا طرح الموضوع و الى الامام يا احفاد المبيعيج ناصر---- الدعام

 

 

 

 

[معلومات العضو الدعام]

[size="5"]كفو يا ابو مبارك شيخ ولد شيخ وماهي غريبه العلوم الطيبه لا عليه ولا علا جماعته ال ناصر الوداعين متوارثين الطيب جيل بعد جيل {ال ناصر كرام و الوعله يستاهلون}الشكراللاخ {في اى بي} علا نقل الموضوع و الا الامام يا احفاد المبيعيج ناااصر[ /size]