|
|||||||
29-07-2005, 10:41 PM
|
#1 | ||||
|
لابة تاسم عصى الجار وتعز القصير
هذه قصيده في صاحب السمو الامير عبدالعزيز بن تركي بن سعود الكبير بمناسبة مزاين الابل الذي اقامه سموه لقبيلة الدواسر بشهر شوال عام 1425 هـ للشاعر محمد بن مسفر بن قحيفان الخضران الدوسري
ياالله المعبود يا جابـر العظـم الكسيـر=عالم غرات الانفـس وسـر اعمالهـا
طالبك ليل تزبّر اقنوفـه مـن عصيـر=كنها فوق البسيطـة اخشـوم جبالهـا جعل يسقي ديرة الصيد والملحا الظهير=ويتحدر من وعر الارض صوب اسهالها ديرة يرعـون فيهـا خوالـك يالاميـر=عند سود يرتـع الريـم فـي مدهالهـا مرتع فيه الدبش والطـوارف والنشيـر=يستذير الصيد فيها من حسها وازوالها كـل ملحـا نابـي نيهـا فـرع نظيـر=تعجبك لاقفت ويعجبـك زيـن اقبالهـا مارق النسنوس والعيز مفهوق قصيـر=والجنايـب يالله انـك تنـوش حبالهـا كسبنا يوم الحرايـب رحاهـا تستديـر=قبل تحرم قـرّح الخيـل مـن خيالهـا ورث جدان لنا مـا لنـا فيهـا خشيـر=قبل تشـرى البـل بدينارهـا وريالهـا قبل يكسبهـا ثـري ويرخصهـا فقيـر=واكثر العالم فخرها يجـي مـن مالهـا زين شوف الزرج الاول خلاف أم البعير=والعشاير زين شوف الفحـل يبرالهـا زينها لا روّح القود مـن عـدٍ صديـر=ربـخٍ متـراكـبٍ دقـهـا وجلالـهـا و زينها لا ربعت في طويل وفي قصيـر=وسمي عشبه كسا الارض عقب امحالها الجنب تامن به البل الى جاهـا النذيـر=زايف الزملوق ترعاه عقـب اجفالهـا من غزاها ذوّق الشر والمـر المريـر=دونها ربـعٍ تحـق الوجـب بأفعالهـا دونها الفرجان بالشلف والسيف الشقير=والرماح اللـي يفـج النحـر مدخالهـا لاختلط شر المناعير في اليـوم الكبيـر=و احتمى سوق اشهب الما دون اجهالها وانكشف عن وجهه الستر مخلوق ستير=يعتزون اني راعي البل وانـا خيالهـا خيال الحرشا الى صاح مفجوع الضمير=لا بكت منتوفة العنـق بيـن ارجالهـا من سلايل لاد زايد هل الفعـل الشهيـر=لابة تكسـر عصـا المعتـدي جهالهـا لابة تاسم عصا الجار و تعـز القصيـر=تكسب الطـالات شيبانهـا و اشبالهـا من غزا لبل الدواسر لقى الشر الشرير=بدنةٍ من بدت النـاس مـا يغـزا لهـا من غزاها ذبح والا رجع ما صاد خيـر=غزوته ما جعل فـال الصديـق ابفالهـا مثل من داوى عيونه وهو شوفه بصير=لين عميت عينـه اللـي يبـي كحّالهـا ذي فعايلنـا وحنـا خوالـك يالامـيـر=وانت من قوم يهـز ارضهـا زلزالهـا اسـرة ال سعـود تجيـر المستجـيـر=بيـن اهالـي نجـد متعالـي منزالهـا يا طويل العمـر حنـا بفعلـك نستنيـر=فعل يمناك الكريمـه و طيـب افعالهـا المعاني وزن و اتقان و املاء و تعبيـر=و انت جزل و جازلي فيك بدع امثالهـا يجذب الرجال للطيب سلك مـن حريـر=والمراجـل كايـد هـيّـن حصالـهـا المراجل عز و العـز منهاجـه عسيـر=و اترك اللي سلّم العز مـا يرقـى لهـا ما يبين الفرق من بين الاول والاخيـر=لين تبـرك للحمـول الثقـال جمالهـا اشهد ان عبدالعزيز بن تركي ولد امير=مـن زحازيـح تناطـح شـب عيالهـا احتمل صكات وقته وهو تـوه صغيـر=و استوت له كايدات الحمـول وشالهـا ارتكى للحمل بالموقف الصعب الخطيـر=لين هانت بأمر ربي وهو مـن حلالهـا ابو تركي طيبٍ فعله قليـلٍ مـن كثيـر=مكسبه مـن كايـدات العلـوم جزالها
|
||||
|
|
|
|
30-07-2005, 01:27 AM
|
#2 | ||||||||
|
الله لا يهينك أخوي / أبو عبدالمحسن المسعري
|
||||||||
|
|
|
|
30-07-2005, 05:19 AM
|
#3 | ||||
|
الحقيقة قصيدة مايعلى عليها
|
||||
|
|
|
|
30-07-2005, 06:38 PM
|
#4 | ||||
|
أرحبوووو
|
||||
|
|
|
|
30-07-2005, 07:51 PM
|
#5 | ||||||||
|
|
||||||||
|
|
|
|
30-07-2005, 08:23 PM
|
#6 | ||||
|
تسلم والله ياخوي ابو عبد المحسن على النقل الأكثر من رائع
|
||||
|
|
|
|
30-07-2005, 09:44 PM
|
#7 | ||||
|
|
||||
|
|
|
|
30-07-2005, 09:44 PM
|
#8 | |||||||||||||||
|
|
|||||||||||||||
|
|
|
|
30-07-2005, 10:28 PM
|
#9 | ||||
|
أرحبو ثم أرحبو ثم أرحبو
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:22 PM
