علي بن بلال X تركي 2000

[معلومات العضو غازي المسعري]

أنقل لكم محاوره أعجبتني بين علي أبن بلال وتركي الميزاني

أترككم معها:

,



,

تـــــــــركـــــــــي:
سلام ردية على اللي قدرهم عنـدي كبيـر
أصحابنا اللي من مكارمها تعز أصحابهـا
والمعرفة من بيننا في الوقت الاول والاخير
واللحية اللي ماتنومس مـا تعـز أشنابهـا




عـــــــــلــــــــــي:
يا مرحبا عن يام في مقدم مطيري من مطير
والملعبة تعرفك يـا تركـي وأنـا بوابهـا
والعزوه اللي تطحن البارود في ظهر البعير
ما زَعّلت رجّال يعطـي العافيـة طلابهـا




تــــــــــركـــــــــــي:
دام البقا وأنا أدري إنك فيك شـر وفيـك خيـر
والخيـل مـن خيالهـا والنـار مـن شبابـهـا
يا كثر ما يطري على الخاطر وفي وسط الضمير
والمشكله في الغيبه اللـي مـا نعـرف أسبابهـا





عـــــــــلـــــــــي:
وأنتم كذلك ما عليكم زود من وقت خطير
ربعك مطير اللي تثني في المناخ اركابها
والوقت هذا تعرفه مثل الرحى اللي تستدير
مالك ومال عيال يام اللي طويل غيابهـا





تــــــــركـــــــــي:
إركابنا من دونها البارود والسيف الشطير
إليا جلسنا للجمال اللـي تعـوج ارقابهـا
وأنت من أول يا علي من خبرة الدنيا خبير
واليوم عينك ما نشوف الا سواد اهدابهـا







عــــــــلـــــــــي:
يا طيبكم ما ذمكم ولكنّ وينه هو الامير
اللي ما يصبح في بلاد القوم لو أمسابها
يا تركي ال2000 لنعود بليس لك خشير
بأعلمك بالحكمة اللي مـا تعلمنـا بهـا






تـــــــــركــــــــــي:
أثرك يا ابن بلال ما تذكر وتنسى اللي يصير
تبنى خيامك ما دريت ان البلا في أطنابهـا
قال المثل عيب البعير إليا رغا بعد الهديـر
في الديره اللي لا يموت بها ولا يحيـا بهـا





عـــــــــلــــــــــي:
بكره تبى تصحا وتدري بالكبير إمن الصغير
إن المعانـي دلّـةٍ صفـرا وأنـا شرابهـا
وبعض الاوادم ما يعرفون الجمال من الحمير
هذا بلاي اللي سواتي ما يحسـب إحسابهـا






تـــــــــركـــــــــي:
آخر زمانك ما تعرف إيش القليل من الكثير
والدلـة أم الهيـل يـا شرابهـا صبابهـا
أهل السفارة قفّلوها مـا بقـا فيهـا سفيـر
قامت تحاوفها الذياب اللـي تحـد أنيابهـا







عــــــــلـــــــــي:
العام جا واحد من البدوان فاقد له بعيـر
يقول حمران النواظر ضمّتـه لركابهـا
إفهم قبل ما إتركّ في ليل عبوس قمطرير
تنظر الى بعض النجوم اللي طوال أذنابها




تـــــــــركـــــــــي:
الشك زايل والصقور الكل بجْناحه يطيـر
والكلمة القشرا توقع في طرف من جابهـا
محد(ن) خبرك تجنب الجنه وتنصا زمهرير
وأنته تعرف النار ما تصبر على مشهابهـا




عـــــــــلـــــــــي:
أثرك يا تركي غشيم ولا يزعزعك النذير
ما تعلم إن شاعر معاصير الدول غنا بها

 

 

 

 

[معلومات العضو ابو فهد الغييثي]

الله يعطيك العافيه على طرح المحاوره الرائعه

ولاهنت اخوي غازي على كل حال

تحياااااااااااتي

 

 

 

 

[معلومات العضو محمد الولامين]

صح لسااان الشاعر علي بن بلال

والشاعر وتركي الميزاني


ولاهان من نقل المحاوره


بيض الله وجهك ياغازي


في انتظار جديدك

 

 

 

 

[معلومات العضو غازي المسعري]

ابو فهد

لاهنت على مرورك الرائع

كل الشكر

 

 

 

 

[معلومات العضو غازي المسعري]

محمد

لاهنت على مرورك الرائع

كل الشكر

 

 

 

 

[معلومات العضو فهد بن مبارك الودعاني]

أرحب و أسهل ياأبو حسين بيض الله و جهكـ على ماأتحفتنا به من محاروهـ أكثر من رائعه . عسى الله لأيهينكـ. وصح السنت الشعراء و بيض الله و جيهم . لـكـم كـل الأحـتـرام و الـتـقـديـر .

 

 

 

 

[معلومات العضو ولد ودعان]

الله الله ياغازي هذا النقل المميز ولا بلاش يالقرم

 

 

 

 

[معلومات العضو ماجد بن رويه]

بكره تبى تصحا وتدري بالكبير إمن الصغير
إن المعانـي دلّـةٍ صفـرا وأنـا شرابهـا
وبعض الاوادم ما يعرفون الجمال من الحمير
هذا بلاي اللي سواتي ما يحسـب إحسابهـا


ابن بلال شاااعر كبير لايشق له غبار



لاهنت ياغازي على الاختيار الموفق



دمت متميزا

 

 

 

 

[معلومات العضو ابو زابن المسعري]

محاوره جميله

وبيض الله وجهك ياغازي على النقل

 

 

 

 

[معلومات العضو السيف دايـم]

الله يعطيك العافيه على المحاوره الرائعه

 

 

 

 

[معلومات العضو لافيزي]

الله يعطيك العافيه على المحاوره الرائعه

 

 

 

 

[معلومات العضو غازي المسعري]

اشكركم على مروركم الكريم

كل الود والتقدير