ملحمة الشاعر الكبير/ فيحان القعياني(شاعر الجيلين)

[معلومات العضو الجنوبي الشمالي]

يـاالله يامنـزل تبـارك وياسـيـن=ونزلـت بكتابـك حلالـن وتحريـم
ياللي خلقت اّدم من المـي والطيـن=وقسمت بين الخلق الاْرزاق تقسيـم
تجعل عملنا فـي ثقـال الموازيـن=وتجعـل منازلنـا بجنـات ونعيـم
ماتنفع الدنيـا البنـادم بـلا ديـن=وناس تمشي بيـن رحـال ومقيـم
حنا نحب أهـل الكـرم والقوانيـن=ولا الـردي مالـه علينـا ملازيـم
وخص شيخ(ن) من شيوخ القحاطين=زبن الدخيل وسعد من يشكي الظيـم
أصل العرب قحطان ماهم بسيطيـن=وصفهم أبن حميـد حوتـاً لواهيـم
عاداتهـم يثنـون دون المخلـيـن=واللـي يعاندهـم يعـض الأباهيـم
وأبو محمد وقفتـه تعجـب العيـن=في ساعتن مافيـه فهـم ومفاهيـم
طلب خويه مـن عيـال السلاطيـن=والغى القرار اللي صدر والتعاميـم
ماصك بابه مثل بعـض البخيليـن=والضيف يلقالـه حفـاوه وتكريـم
عزيز نفس ومن رجال(ن) عزيزيـن=أهديه من عنـدي تحيـه وتسليـم
راع النيـاق الطيبـه والبعـاريـن=ذوديـن منقيـات حمـر ومجاهيـم
أم الرقاب العوج علـط الحناحيـن=وأم الوجيـه الطيبـه والخراطيـم
وحليبهن يشفـي كبـود العليليـن=من بين دم وفـرث مابـه جراثيـم
ما طمعوه أبسومها أهـل الملاييـن=ولا قال ذي سيمت وهـذاك ماسيـم
يصرف على شقح البكار المزاييـن=أشعير ونخالـه ومويـه وبرسيـم
ويت ورعيـان وخيـام وصواليـن=غير الخسايـر والتعـب والخداديـم
ماشح في خمسه وعشره وعشريـن=وظهورها مـن نعمـة الله مراديـم
الله يكافيهـن عيـون الشياطـيـن=أهل الحسد وأهل العيـون الواطيـم
يازين شوفتهن من العـرق ويميـن=وصلب والصمـان مدهـال للريـم
دار البداوه والضعـن والمضاعيـن=لعـل تسقيهـا المـزون المرازيـم
ويصبح خضار العشب مثل البساتين=سيلن على سيلن وديمن على ديـم
ديرة شيوخ مطير سقـم المعاديـن=أهل الرمك وأهل السيوف الواحيـم
كلـن يبيهـا ميـر أهلهـا معييـن=تحزمـوا مـن دونهـا باالمحازيـم
باالمـال والأرواح دونـه مضحيـن=شيوخنـا اللـي للسرايـا مقاديـم
ثم أعتزى فيصل سعـوط المجانيـن=وزود عزوم أمطير وهمـه عوازيـم
كم طاح من عدوانهـم فاالمياديـن=وقفت جموع القوم عنهـم مهازيـم
وجاها الحكيم اللي رفع راية الديـن=ثم انـورة سـود الليـال المظاليـم
الدار وأهل الـدار الأمـره مطيعيـن=وحد بناه وحطـم الشـرك تحطيـم
حاكم وعقبله رجـال(ن) حكيميـن=أهل الوفاء شقر الحرار الصواريـم
حكامنـا المقـرن منـول وهلحيـن=تحكم بشرع الله وترسـم مراسيـم
واليوم في نعمه وخيـرات ماشيـن=في وقتنا الحاضر تطـور وتنظيـم
حتى الرمال القاحلـه والضلاعيـن=يوجد بها صحه وكهـرب وتعليـم

 

 

 

 

[معلومات العضو شافي القويسي المخاريم]

بارك الله فيك
على ما قدمته
تحياااااااتي

 

 

 

 

[معلومات العضو محمد الولامين]

صح لسان الشاعر / فيحان القعياني(شاعر الجيلين)


ولاهنت يالذيب على طرح القصيده


وبيض الله وجهك


في انتظار جديدك