مستور العصيمي و الرياحي (رائعة)

[معلومات العضو غازي المسعري]

فيصل
سلام في ليلةٍ ما مثلها فالليـــــال && يُقطف لها الورد ويخطط لها من سنه
الشعر حكمة وينبع من عقول الرجال && قالوا هل المـــيسرة قلنا هل الميمنه

مستور
يا مرحبا يا مسلّم عدّ وبل الخيــــــــــال && من جاب له سيّةٍ محدٍ عطاه احسنه
يا فيصل الوقت يمشي مثل مشي الجمال && واليا لقيت الجمل قود الجمل برسنه

فيصل
اعيونها للجنوب وقلبها للشمــــــال && واللي على بالها نعلم وندري عنه
الرجل ما يامن الدنيا على كل حـــال && والمشكلة كان جاله باللسان الْسنه

مستور
أحسن لك الشمس والا احسن تجي فالظلال && ترى السبب منك يارجال ماهومنه
ما ينزل السوق غير اللي معه راس مـــال && والبيع والمشترى والربح ما يضمنه

فيصل
أنا ولد شمس ماني ولْد روح وتعال && وانته رفيقـــــي لكنّ السرّ ما تخزنه
اليا نصبنا علمها فوق روس الجبال && المستـــحيلة علينا مــمكنه مــــمكنه

مستور
أنته ولد شمس شمس اللي يعقــْد الحبال && لا عاد فــــــي تالي الأيام تستامنه
احسب حسابك ترى ما يضحك الا الخبال && تفقـّد الهرج يا فيصل وهات احسنه

فيصل
بعض البنوك افلستْ ما عاد فيها ريال && لا عاد تفرح على الشجعان هنّ وهنه
ياللي تحوّل عروق الكبْد صوب الطحال && دكتــــــــور لكنّ بعض الدكتره ملعنه

مستور
نارد عدود الروى والحبل فوق المحال && واللي يقفّي من الأصحاب ما نطعنه
تسأل وان اسأل وجاوبني بقيس السؤال && واللي يغني نغني له بقيس الحنه

فيصل
ها شب نارك وحط الوسم فوق الغفال && والله يعين الكريم بسفرته وصحنه
بيني وبينك مجادل فالحصا والرمال && ما باقيَ الا الهدى يبغى لها دركنه

مستور
تبا تدخـّل ولا شفت الك فيها مجال && واليا تدخـّلت حطـــــيناك فالمطــــحنه
الله يكرم عليكم يا كرام الســــــبال && امرار تمشي معي وامرار فيك احرنه

فيصل
أراقب اللي نزل واللي يشد الرحال && والمطحنه جالها بين الهنود ادخنه
مالي بدالك ولا تلقى بدالي بـــــدال && لكنك اعقل وخل الجنّ والجنجنه

مستور
حنا نصلي جماعه وانت خلك لحــــال && مسلم واصلّي ولا يوجد عليّ الْعنه
سكّر سموعك ولا تسمع لقيل ٍ وقال && وان صار منك الخطا تدفع عليه اثمنه

فيصل
با قوّم الثورة الكبرى على الاحتمال && حتى قلوب الهنود يجي لها دندنه
اليا مشيت ابعدال آبشــــــّرك بالعدال && لابدنا نعرف الكحـّة من الحنحنه

مستور
يبا يطير الهوى بعمامتك والعقال && ياللي ثلاثين عام تعيش بالمسكنه
ياليتها كان ماتت قبل تخـّر عيال && وان عطرت فالها بالعود والمدخنه

 

 

 

 

[معلومات العضو فيصل الشكري]

مشكور أخوي العزيز / غازي المسعري على المحاورة الشعرية الرائعة


وبارك الله فيك


تقبل وافر التقدير ,,,

 

 

 

 

[معلومات العضو محمد القباني]

محاورة رائعه بين عمالقة الشعر
شكرأ غازي

 

 

 

 

[معلومات العضو غازي المسعري]

المشاركة الأصلية كتبت بواسطة فيصل الشكري

مشكور أخوي العزيز / غازي المسعري على المحاورة الشعرية الرائعة


وبارك الله فيك


تقبل وافر التقدير ,,,

فيصل

هلا وغلا

ومرورك شرف

كل الشكر

 

 

 

 

[معلومات العضو غازي المسعري]

المشاركة الأصلية كتبت بواسطة محمد القباني

محاورة رائعه بين عمالقة الشعر
شكرأ غازي

لاهنت اخوي محمد

سعدت بمرورك يالقرم

كل الشكر...

 

 

 

 

[معلومات العضو ابو فهد الغييثي]

الله يعطيك العافيه أخوي/ غازي المسعري على المحاورة الشعرية الرائعة


ولاهنت على كل حال


تحياااااااااااتي

 

 

 

 

[معلومات العضو محمد الولامين]

المبدع غازي المسعري

لاهنت على نقل المحاوره بين الشاعر مستور العصيمي والشاعر فيصل الريااحي


بيض الله وجهك على ماتقدمه من ابداع


تقبل تحياتي

 

 

 

 

[معلومات العضو فهد بن مبارك الودعاني]

أرررررررررررحب و أسهل ياأبو حسين 0 بيض الله و جهكـ يالغالي على أيرادكـ للمحاورهـ بين عمالقة الشعر مستور و الرياحي 0 وصح السان الشعراء جميع 0 عسى الله لأيهينكـ على ما أتحفتنا به 0 لـكـم كـل الأحـتـرام و الـتـقـديـر 0

 

 

 

 

[معلومات العضو غازي المسعري]

المشاركة الأصلية كتبت بواسطة ابو فهد الغييثي

الله يعطيك العافيه أخوي/ غازي المسعري على المحاورة الشعرية الرائعة


ولاهنت على كل حال


تحياااااااااااتي

ابو فهد

ارحب تراحيب المطر يالقرم

وكل الشكر لك ع مرورك الكريم

 

 

 

 

[معلومات العضو غازي المسعري]

المشاركة الأصلية كتبت بواسطة محمد الولامين

المبدع غازي المسعري

لاهنت على نقل المحاوره بين الشاعر مستور العصيمي والشاعر فيصل الريااحي


بيض الله وجهك على ماتقدمه من ابداع


تقبل تحياتي

اخوي محمد

ومن قال مايهون ووجهك ابيض

ولاهنت ع مرورك العطر

كل الود والتقدير

 

 

 

 

[معلومات العضو غازي المسعري]

المشاركة الأصلية كتبت بواسطة فهد مبارك الودعاني

والبقاااااااااااء يالمرحب
ووجهك الض اخوي ابو مبااارك

ولاهنت ع تعطيرك لمتصفحي

كل الشكر والعرفان