هيه الحقبان وآل مره بالأحساء

[معلومات العضو نايف الخييلي]

المشاركة الأصلية كتبت بواسطة فيصل بن جزاء

صايحاً مازعزع العود اللـي غافليـن=زايـد ياضايـع الـقـول ياخمالـهـا
كان جاك العبد يومي بكفه له رطيـن=مثل سيل (ن) بالمحانيب كض جبالهـا
آل زايد هم هل المدح وهم المحتضين=هم شبوب الحرب في ليلـه وامثالهـا
كل منهم حامي (ن) ديرته ماله عوين=كود سبرات النظـر فـي يـد نقالهـا
كم شجاعاً فرقوا بين وبيـن الخديـن=تدهلـه لـه ذيبتـن تنقلـه لعيالهـا
ليت منهو حاضر (ن) عندهم ياسامعين=تبرد شبوب اللواهيـب مـن عذالهـا
صلب أبوي اللي كفانا وحـن غايبيـن=واستوى الناموس يازاهيـه جمالهـا

والنعم باللي ذكرت وقصه معروفه ونعم بالحقبان من غير قصور باال مره

وكفو بعيال زايد بفزعتهم مع بني عمهم الحقبان حيث كان الحقبان لوحدهم

امام ال مره وكادو ال مره يتغلبون عليهم حتى صاح الصايح وتعزوو في زايد

وجاوهم عيال زايد من كل صوب وروحت على ال مره وتغلبو الدواسر عليهم

وطق ابو ليله المري وربعه يبغون السلامه وهذي فعايل لاد زايد وتغلب جعلهم

المعزه دووم

الاخ فيصل ابن جزاء

ياخوي الكريم ماذكرته انت أعلاه غير صحيح مع الأسف ,, فهذه الهيه معروفه وحدثت

قبل حوالي خمسين سنه وهي للحقبان ومعهم رجالين من المصارير وهي بشكل

عام نوماسً للدواسر ,, فأنت تقول انهم كادوا ينغلبون الين زهموا بالاد زايد ,, فهنا

عده أسئله تُثار ,, منهم ال زايد اللى انت تقصد ؟ هل هم شكره والا غييثات والا

غيرهم فالمفروض يذكرون بالتحديد ولا يقال ال زايد بشكل عام ,, وثانياً ليش ماذكروا

بالقصائد العديده الشاهده على هذه الوقعه؟ فاللى اثُني عليهم ومُدحوا هم الحقبان

والمصارير فقط , ولو كان معهم أحد غيرهم من الدواسر كان تم ذكرهم بتلك القصايد

ثم بعد هذا فال زايد دواسر والحقبان دواسر فكلهم قبيله واحد فلو أنهم حاضرين

كان فزعوا للحقبان من دون مايزهمونهم الحقبان - كم أدعيت انت - فهذا شئ واجب

عرفاً فالقبيله ,, فهم ليسوا من قبيله ثانيه عشان يُزهمون ,, أما ان أردت الشواهد

ياأخي الكريم فأبشر بها ,, فهذه أبيات للشاعر هجاج بن عيد الغييثي ( أزويان الموت)

يذكر هذه الهيه ويقول :

نعم ياربع تعزوا بالعياضي=يوم سوا الموت معهم ينقلونه
ناطحو(...)مجفية الحياضي=لين قفوا والطريح يهملونه
حقهم عقب الشحم لبس القضاضي=واشهد انهم كلهم يستاهلونه
((لو زهم في زايد ولد العياضي=كان جاء جمع ثقيلات ركونه ))
نحمدالله غايب والرب راضي=ياهني من غاب ماشافت عيونه

وايضاً هذه ابيات لشاعر من الهوامله يمدح ( اللى أحضروا ) هذه الهيه فيقول :

ربعنا ياللي تبون الحسا ياطارشين=ياهل العيرات ياكاربين حبالها
كلمة باقولها للذهين اللي فطين=كلمة باقولها واحذروا بدالها
نعم ب(الحقبان) زادوا علي الديان دين=حصلوا كسب النواميس في مجالها
ونعم ياربع (المصارير)ياللي حاضرين=ادو المجهود بايمانها وافعالها

فلابد من الإمانه عند النقل في الإحداث التاريخيه للقبيله ,, وفعل الحقبان نوماسً للدواسر كلهم من مبداء طولت ابن عمك طولتن لك ,, وتحياتي للجميع