!.. ياشين فرقا الذي تغليه وتوده ,,, لاصار حيٍ ولا تقدر على جيه ..!

[معلومات العضو ماعلي قصور]

ياطول صبري عليه ومطول المـده
والنفس مابين مأمـوره ومنهيـه

الحب والشوق والضيقات والصـده
حطت على وجهي المقبول ماريـه

احدٍ زهاله سواد الخال فـي خـده
واحدٍ بقلبه من هموم الدهر كيـه

يقفيبه الشك صوب اللـوم ويـرده
واذا رجع مالقى الا رسم آثاريـه

وتزيد به ضيقت العشـاق وتهـده
ويبكي على حاجةٍ ماهي بمبكيـه

يزل.... وقول يمكن ..ماهو بـوده
غلطه ويمكن على ماقيل عفويـه

حتى ولو قالها قاصد ومـن جـده
يشفع لحاضر غرامه زين ماضيه

اعشقه وأشتاقلـه وهـواه و أوده
ومن الغلا نسبة المليون فالميـه

الد عيني لاكن ماهـي بمـن لـده
هو اول الحب في عينـي وتاليـه

وغر قلبي على النسيـان وآحـده
لاشك عيا مـن النسيـان موليـه

عزي لحالٍ على فرقاه مـن حـده
وعزي لقلبٍ الا من حـل طاريـه

يتوق توق الوحش في كف من هده
لا طار مالد عينه صـوب راعيـه

ياشين فرقا الـذي تغليـه وتـوده
لاصار حيٍ ولا تقدر علـى جيـه

ياجعل ربي يصبرني علـى الشـده
ليـن مايجتمـع غالـي وغاليـه

لو طال صبري عليه وطالت المده
ياحي شوفه قبل لا مـوت ياحيـه






للمبدع : حمدان المري

 

 

 

 

[معلومات العضو شافي القويسي المخاريم]

شاكرلك على ما قدمتيه



تحياااااتي

 

 

 

 

[معلومات العضو ابو فهد الغييثي]

الله يعطيك العافيه على القصيده الجزله والرائعه

 

 

 

 

[معلومات العضو براك السديري]

تسلم اخوي قصيده جميله