مايدوم الا الوفاء ولا يصح الا الصحيح

[معلومات العضو محمد الجبريني]

مــــاء الخير اخواني الكرم

ابيات متواضعه وابسيطه للتواصل اتمنى لها اليسير من رضاكم






الله الله

مايدوم الا الوفاء ولا يصح الا الصحيح =والصبر والصدق مفتاح الفرج والانتصار
قبل اكن معكم صريح انا معى نفسي صريح =واضح(ن)قدام خلق الله كما شمس النهار
وشاعراً واحبك بيوت الشعر والساني فصيح =ومرهف الأحساس لن القلب باقيبه خضار
كل ماقلت استرحت من العنى ازريت استريح =وكل ماظنيت وضعي زان والينه دمار
اشهداني من محبت صاحبي قلبي جريح =واشهد اني من كثر ماهواه قلبي شب نار
آآآه يالباه ياشوفتك يالوجه الصبيح =اسمع اخر ماكتبته من قصيدي بختصار
القصايد فيك مملوحه لانك احلى مليح =وكل بيتً فيك ياقلبي من الأخر يغار
والقلم حبره ليامني تذكرتك يسيح =فوق بيض الطرس ببيات(ن) كما طلع الثمار
مادريت انك كذا غدار فالحب وشحيح=والوفاء ياصاحبي من شيمة الناس الكبار
طحت في حبك وامصيرك من العين ابتطيح =وامثلك الياطاح يتواسى وايقعد فالغبار
والا انا الو اتعثر فارسٍ واجمح جميح =وان بغيت اروح وسيبك فنا اجوس الديار
الشحاحه دائمٍ هي مشية الوجه الشحيح=ولاتجي ياكود فالضعفه واممشاهم عوار
وانت كنك رابيٍن في ديرة ايهود ومسيح=مشيتك ماعرقو فيهاالأصيلين الحرار

وسلامتكم

 

 

 

 

[معلومات العضو إبن دوسر]

مبدع يامحمّد مبدع والشاهد الله !!

امتعتنا يالغالي بالقصيد الجزل والرائع !!

وكل بيتٍ فيك ياقلبي من الاخر يغار << شطر يسوى قصايد !!

لا اعلم ماذا اعلّق واقول تجاه هذه القصيدة التي بجد حازت على اعجابي!!

صح لساااانك مليوون يالجبريني.. لاهنت يالذيب ولا تعدمنا من تواجدك ومشاركتك!!

وسجل اعجابي ومتابعتي.. عز الله انّك جبت الجزل والغزل ياخوك

 

 

 

 

[معلومات العضو ابو فهد الغييثي]

صح السانك والله يعطيك العافيه
قصيده محبوكه

 

 

 

 

[معلومات العضو حسن عبداللةالبطحيه]

محمد صح السانك وبيض الله و جهك ياطويل العمر على الابيات الجزله يالجزل لاعدمتك

 

 

 

 

[معلومات العضو محمد الجبريني]

المشاركة الأصلية كتبت بواسطة إبن دوسر

مبدع يامحمّد مبدع والشاهد الله !!

امتعتنا يالغالي بالقصيد الجزل والرائع !!

وكل بيتٍ فيك ياقلبي من الاخر يغار << شطر يسوى قصايد !!

لا اعلم ماذا اعلّق واقول تجاه هذه القصيدة التي بجد حازت على اعجابي!!

صح لساااانك مليوون يالجبريني.. لاهنت يالذيب ولا تعدمنا من تواجدك ومشاركتك!!

وسجل اعجابي ومتابعتي.. عز الله انّك جبت الجزل والغزل ياخوك

اخوي ابن دوسر صح
يدنك وقلبك وكلك ولاهنت الف شكر
على مرورك تقبل فااائق تقدير واحترام اخوك

 

 

 

 

[معلومات العضو محمد الجبريني]

المشاركة الأصلية كتبت بواسطة ابو فهد الغييثي

صح السانك والله يعطيك العافيه
قصيده محبوكه

اخوي فهد الغييثى
صح بدنك وقلبك وكلك
تقبل شكري وتقديري

 

 

 

 

[معلومات العضو محمد الجبريني]

المشاركة الأصلية كتبت بواسطة حسن عبداللةالبطحيه

اخوي
حسن عبدالله
صح بدنك وقلبك

وكلك
ولاهنت

تقبل
تقدير واحترام اخوك