قصيده لمتنبي الشعراء ؟؟؟؟!!

[معلومات العضو المهلب]

ربما البعض أطلع على العدد السادس عشر من مجلة شخصيات ,,,,ووجد اللقاء الجميل مع من أطلقوا عليه متنبي الشعراء وهو الشاعر / سعد بن عبد الله بن شفلوت ,,,,وهو شاعر فحل بكل ماتعنيه الكلمه من معنى ,,,,فيكفي أن أبياته كفيله بهز مشاعرك وحماسك ,, وكفى بهى ميزة للشاعر الجزل ,,,وقد أعجبتني هذه القصيده له في الأمير/ سلطان بن تركي الكبير , وأحببت عرضها على أنظاركم الكريمه حيث ذكر فيها مدح للدواسر خوال الأمير /سلطان ,,,,,,أترككم معها لتعانقوا الإبداع بأبهى صوره :

بيض الله وجه سلطان بن تركي الكبير = يوم تبيّض وجوه وتسوّد وجوه
والله أنه راعي الفضل الأول والأخير = وإنه إللي لاتحاكا ,,فعل ,,لافض فوه
وأشهد أنه ينطح الضد والجمع الغفير = وأشهد انه راسي في الشدايد مثل أبوه
رابيٍ في بيت أماره وهو بالفعل أمير = ومّره جده وجدان جده ومّروه
ماخذاها إلا بيمناه والسيف الشطير = ماخذاها بنتخابات ناسٍ رشحوه
بوه تركي فزعة القوم لاجاها النذير = صامل الوقفات ومتيّه اللي مايتوه
والعمام أخوان نوره ملاذ المستجير = من رفع راسه نهار الملاقا طيروه
والخوال الاد زايد هل الفعل الشهير = كم غريمٍ كلما قرب للحد أبعدوه
يشهد التاريخ والذود والما والقصير = يوم حالوا دون وادي الدواسر وأحتموه
مايوردها على العد بالحبل القصير = يارد بحيله وحاله وماله كلبوه
إن برك للحمل يبرك مباريك البعير = وإن نصوه الناس في ساعة الشده لقوه
ماخذٍ من أبوه واجد ومن جده كثير = يالله برحمتك ترحم أثنين خلفوه
وأحفظه من كل شرٍ وعطه من كل خير = وأمنعه من حسد ناسٍ على الطيب أحسدوه
مجلسه بالعود الأزرق مثل سودة عسير = لا كساها غيم برقٍ عليها خيّلوه
مدهلٍ للشيخ والغمر والورع الصغير = كل ماضاقت بهم ساحة الوقت ادهلوه
والله أنهم لو يولونه الخزنة أعصير = مايجي عقب العشا عاد به قرشٍ ولوه
يوم بعض الناس لو جوه في قوطي عصير = قال روحوا صوب ذيك البقاله واشتروه
جعلني ماأنصى ردي البخت مهما يصير = شيمتي ما تسمح أروح لإنسان معتوه
حالفٍ ماأروح للاش لوأنه وزير = لو بني عمه على شان ماله جاملوه
إن حداني الوقت وردتها الجم الغزير = عيلمٍ لاحدت الناس الإيام أوردوه
ذاك سلطان بن تركي عجب عين الفقير = لو يجون أفريقيا كلهم مافقروه
ذاخرينه للمقابيل واليوم الخطير = ساعةٍ فيها الاخو يمكن يضحي بخوه
الكبيره مالها إلا ولد تركي الكبير = أنشدوا اللي في المواقيف جوه وجربوه

,,,,,,,,,,,,,,,,,,,,,,,,وتقبلوا سلامي وتقديري ومحبتي ,,,,,,,,,,,,,,,,,,,,,,,,

 

 

 

 

[معلومات العضو ابو زيد الغييثي]

لاهنت يالمهلــب والامير سلطان هو أهل للمدح

وقال عفتان السهلي مادحا ً سلطان الكبير من ابيات طويله :

سلطان كان الطيـب بحـرٍ وغبـه=عـز الله انــه وارد للمـواريـد
عمانـه اللـي كـل عالـي نذبـه=لا ( ال كبيـر ) مورخيـن التجاميـد
وخوالـه( الغيثـات ) نار ٍ امشبـه=لاصارت الدعوى عنـادٍ وتهديـد
وفي مقصدي قاف بنيته على ابـه=امدحك وانهيت القوافي على ايـد

وخاله كما وضح الاخوة هو الامير / علي بن وقيّان امير الغييثات


صح اللسان ابن شفلوت ولا هنت على النقل


أخوكـ / ابو زيــد

 

 

 

 

[معلومات العضو المهلب]

الأخ الكريم / أبو زيد الغييثي ,,,,,,,,شكرا لك على كرم المرور وجمال التعليق ,,,,,ونعم والله بالأمير ونعمٍ بخواله ال وقيان الكرام أمراء الغييثات ,,,,,,,ولك كل التقدير والإحترام .