( طير السعد ) حبيب العازمي + خالد الدوسري

[معلومات العضو ولد زايد وسيع البنايد]

السلام عليكم ورحمة الله وبركاته

.......


الشاعر // حبيب العازمي .

يا طير .. يا طير .. يا طير السعد ياللـي تـرف الجنـاح = لا واهنيـك ليـا ضاقـت عليـك الارض خليتـهـا
وان رحت وان جيت ياطير السعد تسبق هبوب الرياح = واظن ما فيه ديره فـوق وجـه الارض مـا جيتهـا
مانته بمثلي تجي وتروح ما يصعب عليـك المـراح = لكـن ياليـت جنحانـك معـي يـا طيـر ياليتـهـا
كله على شان ازور اللي رمانـي بالعنـا واستـراح = اللـي علـى شانـه الاقـدام عنتـنـي وعنيتـهـا
في ماضي الايام اشوفه قدم عيني في المسا والصباح = واليوم حتى العلوم اللي تجينـي عنـه مـا اوحيتهـا
وليا نشدت العرب ماحـد يعلمنـي عنـه ويـن راح = واتعبـت نفسـي وبالنشـده كثيـر النـاس بذيتهـا
لا ووجودي علـى شوفتـك مـره ياظبـي البـراح = ياللي على شانـك العبـره علـى الخديـن هليتهـا
يابو عيون هدبهـا يـزرق العشـاق زرق الرمـاح= ذبحت روحي على كفـك برمـش العيـن واحييتهـا

::::::::::::::::::::::::::::





الشاعر // خالد مدعث الدوسري .

يا طير .. يا طير .. يا طير السعد ياللي تسمى ( فلاح ) = يا حلو جنحانك اللي فوق متن الجوّ فليتها
ان تاق صدرك تصف الريش يا طير وتشوف الفياح = و أنا على الأرض ، تاق الصدر لكن ما تعديتها !!
يا طير ما تأخذ اعلومي لـ خلّي كود تبرى الجراح = و تكسب علشاني الأجر العظيم ان كان وديتها
قل له : ترى البعد عنّه حط فوق الكبد ، سمٍّ ذحاح = و قل له : تراني علشانه نجوم الليل عديتها !!
من اول ٍ فالهوى ماغير انا ويـّـاه ضحك و مزاح = واليوم من دونه سباع القرى يا طول تصويتها
واليا اذكروه العباد ، اسمع لـ قلبي في ضلوعي صياح = ثم جبت ونـّـه ، على ونـّـه ، على ونـّـه .. و جريتها
ما ردني دونه الا الحظ .. حظي كل ما قام طاح !!= وش فيك يا حظ لا جتني علوم الخير لديتها ؟
و أكتم على قصتي يا طير بين الناس .. حذرا تباح = قصة غرامي ترى ماغير لك يا طير قصيتها

.........



أخوكم //

(( ولد زايد وسيع البايد ))

 

 

 

 

[معلومات العضو فرحان فهد ال فرحان]

واليا اذكروه العباد ، اسمع لـقلبي في ضلوعي صيـاح
ثم جبت ونّه ، على ونّه ، علـى ونّـه .. و جريتهـا
ما ردني دونه الا الحظ .. حظي كل مـا قـام طـاح !!
وش فيك يا حـظ لا جتنـي علـوم الخيـر لديتهـا


جميله جميله جدا جدا جدا

 

 

 

 

[معلومات العضو فايز علي الدوسري]

كفو يابن مدعث قصيدة عالي مستواها والشكر لك اخي على هذا الايراد الراقي

محبكم واخوكم فايزالدووسري

 

 

 

 

[معلومات العضو نايف الخييلي]

ولد زايد


الله يعافيــكـ يالسنافي على إيـــرادك لــ هالمساجله الرائعه بين حبيب العازمي و خالد بن مدعث


وتســـلم يمناك

 

 

 

 

[معلومات العضو فهدالمحيسن]

مساجله جميله

 

 

 

 

[معلومات العضو محمد مناحي الودعاني]

بيض الله وجهك والله لا يهينك

 

 

 

 

[معلومات العضو يحيى الودعاني]

لاهنت وبيض الله وجهك

على النقل الرائع

 

 

 

 

[معلومات العضو عبدالرحمن النتيفات]

لاهنت وبيض الله وجهك

على النقل الرائع

 

 

 

 

[معلومات العضو ابو فهد الغييثي]

الله يعطيك العافيه ويبيض وجهك على النقل

 

 

 

 

[معلومات العضو بدر الخضران]

ولد زايد


الله يعافيــكـ يالسنافي على إيـــرادك لــ هالمساجله الرائعه بين حبيب العازمي و خالد بن مدعث


وتســـلم يمناك

 

 

 

 

[معلومات العضو شافي القويسي المخاريم]

لاهنت على المساجله الرائعه



تحياااااتي