مـعـلـقـة دوســرية ((الـجـسـد الــدوســري)) قصيدة الـصـقــر الـحـقـبـانـي

[معلومات العضو هباش المصارير]

هذي قصيدة منقولة لمحمد الصقر الرمازين مشرف الاقسام التاريخية بمنتديات تغلب

نصفي على عدنان واحلفبة ايمان=من ساس تغلب عزنا محتوينا
لاجار وقتي وغربلتني هالازمان=يسراي في كمي وفارد يمينا
ماشي على دربي ولانيب خوان=قاعي صخر ياشين رخو العجينا
حمل الجمل حملي وانا اسبقلي حصان=وشلون لو حملي بعد بالهوينا
فارس ولو قالوا هلموا يافرسان=مارجع وراء لو كان ظهري طعينا
مجداف عزمي ترثة عياض حقبان=ياما كسينا غيرنا بالثمينا
جعل الردي يا حاسب الوقت ما يبان=علم الردى ماهوب لنا ولا يبينا
يالاد تغلب فخركم ماله اقران=عدة قبايل صلبهم ما يلينا
الزير منا افرس البدو قد كان=وكليب وسم العز وسط الجبينا
منا الملوك امسوا مع بيض الاكفان=هذي توالي من بنا يستهينا
وصغيرنا يامر وينهي وله شان=وشلون لو زادت سنينة سنينا
مابان من فعلولنا غيرة بيبان=والله يكفي شر ما قد يبينا
ماعندنا في سلمنا سبق بعدوان=والله يعين الي يجينا يعدينا
ان كان ذيب فيرجع بدون نيبان=وان كان صقر فريشة منتفينا
رماحنا لارواحنا بيدي خطلان =وسيفونا ماتخطي الي يجينا
نوفي المراجل زود من دون نقصان=والقول عقب الفعل ذا سلم فينا
ياما سقينا الما لمنهو بعطشان=والدم نسقية الفسل لانوينا
وياما قتلنا جوع منهو بجيعان=وياما نشهنا لحم منهو شنينا
ونصفي الثاني يعود لقحطان=يالاد زايد زدتم الفخر فينا
في جدودهم ملكن تملك بميزان=منحوت في ذهن اللبيب الفطينا
ورجلهم ذيبن على الطيب سلطان=للجود والعزه مراسي ومينا
تالي عداوتهم غرابيل واحزان=يابخت منهو بصفهم مستعينا
لابه قصور في صفهم لا ولا هان=اجدادهم في الازد مسند نبينا
برقن تعلى شمس تضوي وبركان=يالاد زايد عزكم مانسينا
هم محزمي به نحتمي بغرب الاوطان=لوباعوا السم سمهم ذا شرينا
صانوا الدخيل وعلموا كل من صان=لاروح تبقى ومن نصانا فدينا
نعجز على وصف المراجل بقيفان=بالذات عن زايد الى من حكينا
حلف الدواسر حلف ثابت له اركان=عالعهد نبقى وربنا الي يعينا
حنا الدواسر نقرط الكف باسنان=لامر يوم بدون ضيفن علينا
حنا بنينا بيوتنا دون بيبان=من دونها الضو يرشد التايهينا
حنا براد الي مع القيض حران=وحنا السموم الهالكه لا بغينا
حنا رجالن نشعل البحر نيران=ونشرق الانهار ان شئنا طينا
حنا حفظنا ديارنا عانها عان=ولولا الرضى ماحدنا غير سينا
حنا حفظنا ديننا جهر وكتمان= حنا دروع المملكة لاحتمينا
حنا الوفا اهل الوفا واهل الاحسان=رقابنا لاجل الوطن متعنينا
الصقر انا رمزاني وربعي عقبان=ارقى مع ربعي على ما رقينا

 

 

 

 

[معلومات العضو شافي القويسي المخاريم]

لاهنت يالحبيبي على طرحك هذه القصيده الرائعه


و صح لسان الشاعر الحقباني


و ننتظر مشاركاتك الرائعه


تقبل تحياتي

 

 

 

 

[معلومات العضو نايف الخييلي]

لاهنت ياهباش على إيرادك لهذه الرائعه الشعريه وعافاك الله,, وصــح لسان الشاعر محمد الرمازين الحقباني على إبداعه في قصيدته ,


خالص التحايا

 

 

 

 

[معلومات العضو راشد المسعري]

صح لسان الشاعر والله يبيض وجهه ويكثر من أمثاله وشكرا للنقل الطيب ياهباش

 

 

 

 

[معلومات العضو كليوباترا]

نصفي على عدنان واحلفبـة ايمـان ****من سـاس تغلـب عزنـا محتوينـا

ونصفـي الثانـي يعـود لقحـطـان ****يـالاد زايـد زدتـم الفخـر فيـنـا


لاهنت يالمصروري

والأستاذ/ محمد بن صالح الصقر الرمزاني الحقباني ..غني عن التعريف

 

 

 

 

[معلومات العضو أبوراكان الغييثي]

صــح لسان الشاعر الله يعطيكم العافية

ومشكور لنقل الرائع


تقديري وأحترامي