من على الجدان ماحط بزرايب

[معلومات العضو يحيى الودعاني]

بسم الله الرحمن الرحيم


( من على الجدان ماحط بزرايب )


الشاعر محمد بن ذياب آل حميد الدوسري من الذين انضموا تحت لواء الملك عبدالعزيز طيب الله ثراه في بعض فتوحات
المملكة و منها معركة تربة و الرغامة و عرف بالشجاعة و الإقدام في جميع المعارك ، و له قصائد
في الصيد و الخيل ولكن لم نعثر إلا على القليل منها ، و هذه مما قاله في بندقيته :

في العشي ذبيت أنا في مرقب لي = راس عرفان يربه كل شايب
و اتحجى للمها دقٍ و جلي = ذي مداهيله وهو قبلي ربايب
بندقي كمل زهابه و استقلي = و الغنم هزلة ولا فيها جلايب
لا هبطت السوق فاشتر زهبة لي = المشوك عادته يشلا الضرايب
لا جذا المرمى و قايدها يحلي = خص في عظم يوالي للترايب
كسرة العضدين دايم عادة اللي = كون تخلفني و تنسفك الهبايب
و ان وعيت اني بضربي باستخلي = ودني فرحان في سوق الجلايب
يا الله إني طالبك يا مسند اللي = يا رفيع العرش يا منشي السحايب
طالبك قنف من المنشا يهلي = سامر يرعد و برقه له لعايب
طمنه كتمان و ابقل وزن سلي = غب سيلة من مشى شاف العجايب
لا وزا فيها اجنبي ما يملي = منوة للضيف و اجويع القرايب
كم عدو قد نوى به ثم خلي = ماخذه جدي يوم زفات الحرايب
ونتي مابي طرب كود المملي = قفوا العربان و الحي الربايب
و ان ضوانا الليل مابه من يسلي = كون ذودي روحت هي و الركايب

***

رياض
من الادب الشعبي
جمع و تأليف
مبارك بن سيف بن غانم بن ذهيبان آل حميد الدوسري

 

 

 

 

[معلومات العضو ولد زعب]

يحيى الودعاني :


شكرا لك على نقل الامور التي تجمل قبيلة الدواسر .

لك خالص الشكر والتقدير

 

 

 

 

[معلومات العضو يحيى الودعاني]

حياك الله اخوي و لد زعب

 

 

 

 

[معلومات العضو ابو زيد الغييثي]

لاهنت يا استاذي القدير يحيي

على نقل هذه الابيات ولكني لم اجد الشطر الذي وضعتة بالعنوان

" من على الجدان ماحط بزرايب "


أخوكـ / ابو زيد

 

 

 

 

[معلومات العضو يحيى الودعاني]

بيض الله وجهك على التنبيه على الغلط الغير مقصود


و هذا التصحيح ........... و العذر و السموحه

في العشي ذبيت أنا في مرقب لي = راس عرفان يربه كل شايب
و اتحجى للمها دقٍ و جلي = ذي مداهيله وهو قبلي ربايب
بندقي كمل زهابه و استقلي = و الغنم هزلة ولا فيها جلايب
لا هبطت السوق فاشتر زهبة لي = المشوك عادته يشلا الضرايب
لا جذا المرمى و قايدها يحلي = خص في عظم يوالي للترايب
كسرة العضدين دايم عادة اللي = كون تخلفني و تنسفك الهبايب
و ان وعيت اني بضربي باستخلي = ودني فرحان في سوق الجلايب
يا الله إني طالبك يا مسند اللي = يا رفيع العرش يا منشي السحايب
طالبك قنف من المنشا يهلي = سامر يرعد و برقه له لعايب
طمنه كتمان و ابقل وزن سلي = غب سيلة من مشى شاف العجايب
لا وزا جريدل حط المحلي = سيل الفرشة و حط ابها خرايب
لا انتحر فحثان دندن و استهل = و التقى سيله و فاض من الشعايب
و انتحى نوه لغرس مستظلي = من على الجدان ما حط بزرايب
لا وزا فيها اجنبي ما يملي = منوة للضيف و اجويع القرايب
كم عدو قد نوى به ثم خلي = ماخذه جدي بقوة الغصايب
يوم شفت ديار رازنين المحلي = صلب جدي يوم زافات الحرايب
ونتي مابي طرب كود المملي = قفوا العربان و الحي الربايب
و ان ضوانا الليل مابه من يسلي = كون ذودي روحت هي و الركايب

 

 

 

 

[معلومات العضو السيف دايـم]

لاهنت وبيض الله وجهك

 

 

 

 

[معلومات العضو أبن خصيب]

الودعاني بيض الله وجهــــــــــــــــــــــــــك علي النقل المشرف والله يجمعكم يلابتي علي العز والمعزه القصص هذي تزيدنا فخر وعز في ربعنا

 

 

 

 

[معلومات العضو يحيى الودعاني]

السيف دايم

حياك الله اخوي وبيض الله وجهك

 

 

 

 

[معلومات العضو يحيى الودعاني]

ابن خصيب


و وجهك يالقرم و كلامك صحيح

لكن يجب ان يكون مردوده ايجابي