الفزعة ياعيال زايد لاتخلون الفراعنة

**معلومات** **العضو** · 07-04-2008, 10:09 PM

السلام عليكم
الموضوع مايحتاج كلام كثير انتم يالدواسر خير من يفزع ويهب لخويه........وحنا يسبيع اهل الفزعه والنخوة كذلك وشرهان عليكم ياخوال عيالي ....ما شوف طاري بالمنتدى عن شاعر المليون
انا عارف انكم تبو ن تقولون ان البرنامج فيه وفيه من الامور السلبية.....لكن خلاص حنا ورطنا والحق يقول ان الفراعنة هو الاجدر ويكفيه انه امتعنا طوال الحلقات الماضية من الشعر المتفرد كما ان الحمية تفرض علينا هذا الشي ومانقدر نتخيل ان احد يشيل البيرق غيره
وتراه يالربع استشهد بقصيدته الاخيرة يالبرنامج شاعرنا وشاعركم الكبير عبدالله ابن محمد ابن خزيم الرجباني (الدندان).
الخلاصة مابقى الا اقل من 24 ساعة وينتهي البرنامج فلاتخـــــــــــــــــــــــــــــــــــــــــلون ابو فارس
والسلام ختام

**معلومات** **العضو** · 07-04-2008, 10:48 PM

اقتباس:

المشاركة الأصلية كتبت بواسطة سبيعي

السلام عليكم

ما شوف طاري بالمنتدى عن شاعر المليون

وعليكم السلام ورحمة الله وبركاته

حياك الله يالسبيعي بين خطلان الايدي

وبالنسبه لطاري منتدى شاعر المليون

فنحنوا اكتفينا بنقل قصائد من يعز على قلوبنا

وهو الشاعر الكبير ناصر الفراعنه

ومن مواضيعي راح تعرف اننا متواصلين بكل جديد لهذا الشاعر الكبير

ونسأل الله أن يوفقه

ومايستاهل البيرق غيره

وما راح نقصر مع ناصر

**معلومات** **العضو** · 07-04-2008, 11:20 PM

بيض الله وجهك يالمستشار .....
شرفني وقفتك معانا وهذا العشم

**معلومات** **العضو** · 08-04-2008, 01:16 AM

و عليكم السلام و رحمة الله و بركاته

أسعد صباحكـ * مساءكـ بكل خير

حيا111كـ الله و بيا111كـ أخوي السبيعي في منتداكـ.

ويبدو أنكـ مسجل جديد فاهلاً بكـ و بالساعة الي جابتكـ يالغالي.
و من ناحية التصويت فالبشر بالسعد ياذيبان

تأمر أمر أذ ماوقفنا معكـم ياسبيع و شاعركم أجل من نأوقف معه

ماطلبت شيئ و أنا أخوكـ وجاري التصويت بأذن الله تعالى.

لــكــ كــل الأحــتــرام و الــتــقــديــر....

**معلومات** **العضو** · 08-04-2008, 02:06 PM

للرفــــــــــــــــــــــــــع

وانشالله نفرح اليوم

**معلومات** **العضو** · 08-04-2008, 06:33 PM

أنا من اشد المعارضين لهذا البرنامج

ولكن ناصر يستاهل كل خير

ولكن الداب( الجنه ) عطاه اكثر درجه في الحلقه اللي فاتت

وش يدرينا يمكن يمحقها هذي المره ويطيح من النسب

وحطون غيره !

**معلومات** **العضو** · 08-04-2008, 07:35 PM

يستااااهل ابو فارس

ومايحتاج ياسبيعي توصيه انتوا أكثر من أخواااان

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية