مساجله بيني وبيني الشاعر حسين بن ضيف الله الكبيري الدوسري

[معلومات العضو بندر بن ثنوا]

السلام عليكم ورحمة الله وبركاته


إلى أعظاء المنتدى الشامخ

أقدم لكم هذي المساجله التي حصلت بيني وبين الشاعر الكبير حسين بن ضيف الله الكبيري الدوسري


و موضوعها عندما باع نيااقه والقصيده تعّبر عن نفسها ...

من يوم ما بعت ذودك يابوضيف اللّـه =وأنته على الرجم ترفع صوتك العالـي
كنّك محبٍّ تفرّق عـن هـوى خلّـه =ولا عاد مـن بينهـم خـطٍّ ومرسالـي
أنحابـه الوقـت والأيّــام تحبـلّـه = ثم ذاق مرّ الفـراق وجفـوت الغالـي
مـن أولٍ ترسـل ويرسـل وترسلّـه = واليوم من بينهـم مقطـوع الأرسالـي
ولاصار مالك (عقار) و(سهم) و(مجلّه) = وأصغر عيالـك كبـر ويعـدّ رجّالـي
وش لك على بيع دقّ الذود مـع جلّـه = لاصار ما أنت محدود بكثر الأعمالـي
وإن كـان فـي بيعتـه شـيٍّ تهايلّـه = أنا وربعـي ومالـي لـه مـع حالـي
أسـوق لـه ماورايـه جعلـه أفدلّـه = ويـرد عـن جلبهـا للسـوق طوّالـي
وإن كانهـا جلّعـت ماعـاد يمهـلّـه = وأقفابها اللـي شراهـا نقـد بريالـي
ماعاد غير الصبر والصبـر مـا مَلّـه = رجلٍ معـرّب مابيـن العـم والخالـي
أنت بـدوي والبـداوه طبـع وجبلّـه = من ماضي الوقت حتى وقتنـا التالـي
لابـد لاشفـت بـرّاقٍ كشـف كـلّـه = برقه جنـوبٍ ورعـده لـه تزلزالـي
بيجيك من عقـب مـا خايلتـه الغلّـه = ويرد لك مامضى يـا طيّـب الفالـي
وش لك بقصرٍ لو إن الطيـب يدهلّـه = لاشك طـول المـدا منـه التملمالـي
لا صار ما أمتد شوفك فالخـلا خلّـه= ولاعاد تعرف قمرهـا بـدر وهلالـي
وأنـا هوايـه مـع البـدوان وأدلّــه = وممشاي في شفّ ذودي يشرح البالـي
إليا جذبهـا وجـات الوضـح منتلّـه = ما غبْط أنا الراجحي في كثر الأموالي
في مرتعٍ ماحـدٍ داجـه عقـب عَلّـه = سبعـة ليالـي عليـه الخيـر همّالـي
عشبـه معنّـق وكبـد الأرض مبتلّـه = وريح الخزاما لطم فالمرتـع الخالـي
هذي حياتي وعمـري لا قصـر ظلّـه = عساي مرحوم عنـد الخالـق الوالـي

وسلااااااااامتكم ...
=============================
وهنا رد الشاعر حسين بن ضيف الله

يــالــلــي تـــمـــد الــحــبـــل بــالــهـــرج وتــفــلـــه = لاتــعـــتـــرض مــــهــــذلٍ ويـــجـــيـــك هــــذالـــــي
انــــا هــجــوس الـشـعــر فــكـــري تــخـــاون لـــــه = مـاهـيــب حــذفــة جــمـــل مـــــن كـــــف جـمــالــي
لــيـــا أذن بـــــلال صـــــل الــفـــرض قـــــم صـــلـــه = مــــافــــات مـــارجّـــعـــه تــفــكــيـــر عــــذالـــــي
الـــهــــرج مـــافــــك لــــــــه بــــلــــدان مــحــتــلــة = وصــــــــدام مــانــجــحــه تــــرديــــد الاقــــوالـــــي
يــابــنـــدر الــشــعـــر مـــاكــــلٍ بـيــفــطــن لـــــــه = ذكـرتــنــي مـامــضــى فـــــي بــعـــض الامـثــالــي
ذكــرتــنــي مـــوقــــفٍ قـــمــــت اتــخــيـــل لـــــــه = جـتــنــي هـمــومــي عـلــيــه الـــــوان واشـكــالــي
يــــوم الـشـبــاب الـتـهــى فــــي كـــــورة الـســلــة = والــبـــل غـــــدت بـــيـــن ســـودانـــي ونـيـبــالــي
بـبـيـعـهــا لــويــجــي فــــــي خـــاطـــري خـــلــــة = مـــاكـــل مــــــن يــرتــكــي لـلـحــمــل يـحــتــالــي
ورزقــي عـلــى الـلــي عـبــاده تـسـجـد رضـــاً لـــه = مــــنــــزل الــمـــلـــك والــكـــوثـــر والانـــفـــالـــي
الــلــي حــفــظ يــوســفٍ مــــن دبــــرة اخــــوٍ لـــــه = يـغـفــر ذنــوبـــي الـــــى مـــــن حـــــل تـرحــالــي
الــمــوت لـــــه شــعـــرةٍ فـــــي الـــــروح مـنـسـلــة = ومـــــن عـقـبـهــا راعـــــي الـمـكــيــال يـكـتــالــي
والا الــبـــدو شـوفــهــم صــــــدري عــــــلاجٍ لــــــه = ولاجــيــتــهــم يــنــجــلــي هــــمــــي ويــنـــزالـــي
اجــنــب مـــــع الــبـــدو لـلـمـربــاع واشــمـــل لـــــه = وقــــــتٍ مـــضــــى مـــابــــه ثـــريــــا وجـــوالــــي
وقـــــتٍ مـــضـــى مـاعـرفــنــا الــقــصــر والــفــلــة = مـاغــيــر بــيـــت الـشــعــر يـــطـــوى ويـنـشــالــي
فـــي شــــف صــهــبٍ تــعــز الــلــي يـصـيــرن لــــه = لاشـافــهــا مـــــن يـــعـــرف الــصــنــف يـهـتــالــي
رمـــــز الــغـــلا مــــــن غـــلاهـــا لــبِــسّــت جـــلـــة = مـنـزيـنــهــا تــجــذبـــك بـــأرقــــاب وأســبــالـــي
فـــــي مــنـــزلٍ شــــــب ضــــــوّ وبـــهّـــر الـــدلـــة = وعــلـــى الـجــمــر غــيــرهــا بـــرقـــان ودلالــــــي
شـبـوبــهــا ســـمـــر والـمــلــقــاط طـــــــرفٍ لـــــــه = ويــبــصَــر بـــهـــا لايـجـيــهــا لاهــــــب الــصــالــي
يـــاشـــوق مــنــهــي لــغــيــرك مــاتــزيّـــن لـــــــه = تـغــضــي بـنــجــلٍ سـهـمــهــا فـــيـــك يـجـتــالــي
لاتـبــحــث الــعـــود عـــــن وضـــــعٍ تــبــيــن لــــــه = يــابــنــدر الــصــلـــب دونـــــــه رجـــــــم بـــذالــــي

 

 

 

 

[معلومات العضو أبونواف الدوسري]

صح لسانك أخي بندر بن ثنوا

وصح لسان الشاعر حسين بن ضيف الله

وفقكم الله جميعا..

 

 

 

 

[معلومات العضو نايف الخييلي]

بندر ابن ثنوا

اولاً : أحييك في المنتدى ومرحباً بك وبتواجدك وشرفت محلك

و لسانك ولسان الشاعر الكبير حسين بن ضيف الله,,, مساجله رائعه وقصيد جزل

اشكرك على إتحافنا بها ولاااهنت

 

 

 

 

[معلومات العضو هادي الغريري]

الشاعر بندر بن ثنوا صح لسانك وأعتلا شانك




وصح لسان الشاعر حسين بن ضيف الله




ولاهنتو على المساجله والأبيات الرائعه

 

 

 

 

[معلومات العضو سالم بن صمهود]

الشاعر بندربن ثنوا
صح الله لسانك ولسان ابو ضيف الله قصايد جزله وفي غاية الروعه حاولت تهايف به بذكاك في التجاه ميوله ايام الشباب وزين المرتع ولكنه صد الهجوم بفطنة ودها

 

 

 

 

[معلومات العضو ابو زيد الغييثي]

صح اللسانكـ واعلات شانكـ

وحياكـ والمنتدى منتداكـ

وصح اللسان بو ضيف الله


أخوكـ / ابو زيد

 

 

 

 

[معلومات العضو عبدالرحمن بن دعس]

صح السانك لا هنت لا انت ولا حسن ابدااااااااااااع

اخوك عبدالرحمن بن دعس الشرافي

 

 

 

 

[معلومات العضو العماني]

الشاعر القدير بندر بن ثنوا

مرحبا بك اولاً في محلك وبين ربعك وبني عمك في موقع قبيلة الدواسر الرسمي

وسعيدين بانضمامك باسرة المنتدى ومرحبا ومسهلا بك .


وصح الله لسانك على القصيدة الجزله والرائعه وصح الله لسان الشاعر القدير حسين بن ضيف الله الكبرى ، وبيض الله وجيهكم جميعاً

تقبلوا تحياتي،،

 

 

 

 

[معلومات العضو سلمان فهد الدوسري]

صح الله لسانك يا ابن ثنوا وصح الله لسان الشاعر حسين

مساجله رائعه

 

 

 

 

[معلومات العضو فراج بن فهد آل تركي]

مرحبا بالزميل المرقابي

ارحب يابندر وصح الله لسانك ولسان شاعرنا القدير أبوضيف الله

الجزالة لاتستغرب من أهلها

أمتعتنا بحضورك متعك الله بالصحة والعافية

ولدي تساؤل في خاطري منذ زمن :

هل أنت صاحب قصيدة ( واجهت في وسط الجزيرة ذلولين ) ؟!

تقبل تحياتي

 

 

 

 

[معلومات العضو عبدالرحمن النتيفات]

صح الله لسانك على القصيدة الجزله والرائعه

وصح الله لسان الشاعر القدير حسين بن ضيف الله الكبرى

وبيض الله وجيهكم جميعاً

تقبلوا تحياتي،،