ممحاورة رائعه بين صياف الحربي وحبيب العازمي

[معلومات العضو حسن مسرع الدوسري]

محاوره بين صياف الحربي وحبيب العازمي



اليكم هذه المحاورة بين حبيب العازمي وصياف الحربي
وبدايتها..عندما شاهد الشاعر صياف عواد السحيمي الحربي الشاعر حبيب دغيم العازمي العتيبي يشارك ببرنامج البادية لأول مرة دارت بينهما هذه المحاورة:



يقول صياف:

جانا ببرنامج حياة البادية شاعر جديد=يامرحبا باللي على عز وشرف سار قدمه
يالعازمي ليلٍ رمابك في يدينا ليل عيد=لكن اظن الذيب تال الليل يفتح لك فمه


فقال حبيب:

ماجاكم الا خصمكم والله يدبر مايريد=دام البقاء والحق يقضي فيه قاض المحكمه
انا حسبت احساب وقتي من قريب ومن بعيد=وليا لقيت الذيب اسمي باسم ربي وارجمه


صياف:

حنا رجال ولا يخوفنا التهدد والوعيد=من لايعرف العلم.. بالعلم الحديث نعلمه
تراك لا ذلحين ماعلمت بالعلم الاكيد=اقلط على سبع الخلا يلزمك والا تلزمه


حبيب:

انتم رجال وكل رجال يفيد ويستفيد=محدٍ يعلم عالم يقرا ويكتب بقلمه
ماخاف من سبع الخلاء وانا معي سيف حديد=واللي يجي من تحت حد السيف الابيض يقسمه


صياف:

ياكثر ماتزرع وتحصد مار مادري وش تصيد=لاحضروا الكتاب طلع علمك اللي تزعمه
ياكبر حظك لو حضرت العيد واليوم السعيد=لكن حظك لو بنى لك بيت بكره يهدمه


حبيب:

انته تجاهلت الرسايل عقب جاتك فالبريد=وليا دخلنا المعركه من تقدره لاترحمه
ياكبر حظي وانت حظك قام ينقص مايزيد=وليا فتحت العين ابكحل نون عينك و الطمه

 

 

 

 

[معلومات العضو الزين]

ياكبر حظي وانت حظك قام ينقص مايزيد=وليا فتحت العين ابكحل نون عينك و الطمه

لاهنت علي النقل الطيب وبيض الله وجهك

 

 

 

 

[معلومات العضو حسن مسرع الدوسري]

ارحب يالزين
اشكرك على المتابعه والمرور
دمت بود

 

 

 

 

[معلومات العضو فارس الدواسر]

لاهنت يابومسرع على نقل المحاوره الطيبه
تقبل شكري وتقديري

 

 

 

 

[معلومات العضو حسن مسرع الدوسري]

فارس الدواسر
الف شكر على المرور
لاهنت يالذيب

 

 

 

 

[معلومات العضو عبدالله بن قويد]

أبو مسرع

جعلك ذخر لاهنت يالغالي

والله يعطيك العافية ,,,

 

 

 

 

[معلومات العضو جهز المسعري]

ابو مسرع دايم مبدع بيض الله وجهك ولاهنت على نقل كل ماهو رائع