تدري وش اللى يتعب البنت ياخوى ....؟

[معلومات العضو شوق الكويت]

تدري وش اللي يتعب البنت ياخوي...؟
رجـلٍ يخـون اشواقهـا و الـمـودة

إللي إلا احتـاج الغـلا صـار نمـرود
وليـا شبـع ممـا عطاهـ إستـردهـ

البنت ريحانة غـلا ... ناعمـة عـود
تبي لهـا رجـلٍ ورث طيـب جـدهـ

رجلٍ فعولـة كلهـا جـود فـي جـود
ما يلتفت للـي كفوفـه تمـدهـ...!!

رجـلٍ إلا جتـه الليـالـي بمنـقـود
يتكى لها مـا بيـح الوقـت سـدهـ

مهوب خبلٍ مـا رعـى للهوى عهـود
وادناة مـا عـارض طريقـه يـردهـ

ولاهوب لاعلة ... ولاهـوب ملهـود
ولا شكوك ... و كلٍ طـارئٍ يحـدهـ

ما اشين من الرجال لا جـاك ببـرود
وإن قال له ترف القدم شـي صـدهـ

تبي لهـا بـراق طيـبٍ لـه رعـود
إن اجدبت يمطر علـى ريـف خـدهـ

وإن نادته تكفـى لقـت عنـده الفـود
يشيـل عزتهـا علـى قـو زنـدهـ

كفه نفل ..وانفاس صدره لهـا عـود
وظلالـه الضافـي بيدهـا تـمـدهـ

البنت خد ... وقد ... ونواظـرٍ سـود
وريحة غلاً ... ياسعد مـن شـم نـده

البنت إلا ضحكـت ثمرهـا لـك ورود
يا خـوي مـن يقطـف نواويـر وردة

واللي يهين البنت ناقص ... ومقـرود
فرس غلا ... ماهـي حمـارة مكـدة

 

 

 

 

[معلومات العضو فهد بن مبارك الودعاني]

والله ياشوق

مهوب صح السانك في ذي لعنبو دارك

معاد خليتي شيئ فينا يارجال الأ وذمتيه

لأ لأ لأ لأ لأ لأ لأ لأ لأ لأ لأ لأ لأ مانرضى أنا ياشباب

جيبي لنا قصيده بوزاًً القصيده هذه للبنات....!!


تقبلي مني أرق التحايا و أعذبها من أخوك...

 

 

 

 

[معلومات العضو رائــــــــــد]

شوق الكويت
صح السانك

واللي يهين البنت ناقص ...ومقرود=فرس غلا....ماهي حمارة مكدة

محشومات يا بنات الرجال
تقبلي تحياتي