علوم النشاما

[معلومات العضو سعد هذال آل جيعان]

السلام عليكم ورحمة الله وبركاته

المرة هذي حبيت اشارككم في طبخة جميلة اتمنى انها ترتقي الى ذوقكم

في البداية يتم تقطيع اللحم قطع صغير على مقاس الكف



*********************************************

ثم يوضع اللحم في صحن كبير عشان التمليح ويفضل انه يكون الملح زايد شوي

طبعا من الظروري انه يطبخ على جمر زين وكثير

ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في

الشعبان قرب المدن}

ويضع عليه اللحم طبعا يراعى مقاس القدر في كمية الجمر والمرخ كما سيأت

بعد ما يوضع اللحم على طبقة المرخ يغطى بطبقة اخرى من المرخ ولا مانع من وضع فوقها

قطع اللحم اذا كان محيط الجمر صغير

بعدما يرص اللحم جيدا تجيب الله لا يهينك قدر كبير على حسب قطر الجمر

ثم تكبس القدر على اللحم والمرخ والافضل انك تستعرض بطولك

وتوقف عليه على شان ينكتم اكثر ولا يطلع دخان المرخ

بعدين تكون انت مجهز خياش فاضية مبللة مويه بس مو تبليل بالحيل وترصها حول القدر

وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش

والاماكن اللي يطلع منها دخان , ويبيلك تحط فوق القدر بلكه او حصاه وتحط حولها جمر افضل

بعد كذا ريح ودق سواليف مع ربعك واظرب من الشاهي لمدة ساعة ونصف الى ساعتين الا ربع

يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشالا

و تخليها مطرفة بعيد عن اللحم

ثم اعزل اللحم في صحن او تبي تحطه على الرز مباشرة اذا كان جاهز

على فكرة الرز ماله طريقه معينة ويفضل انه رز ابيض بس مهوب

الابيض حق الجاوه اللي مافيه الا رز وملح لا لكن تفننو في طبخه


وان شاء الله انها تعجبكم

وعلى فكرة مو شرط انك تحط مرخ لو وجدت بشام تراه افضل واطعم خاصة اذا

كان اخضر وجديد .... واتمنى انها جازت لكم .. وجزاكم الله خير على تحملكم لي وهذا رابط الصور

http://www.almoso3h.com/up3/getlink.php?id=43457

والمقطع على الرابط هذا

http://www.almoso3h.com/up3/getlink.php?id=43461


واعذرونا ان جاء قصور

اخوكم \ سعد ال جيعان

 

 

 

 

[معلومات العضو ابومبارك الدوسري]

أخوي سعد

هلابك


ويعطيك العافيه علي هالوصفه اللذيذه

وتسلم يدينك

تحييييييييتي

أخوك

خلف الدوسري

 

 

 

 

[معلومات العضو فهدالمحيسن]

يعطيك العافيه

 

 

 

 

[معلومات العضو عبدالله بن قويد]

مشكور أخوي ولاهنت
الله يعطيك العافية
وتقبل ودي واحترامي ,,

 

 

 

 

[معلومات العضو فتىالوادي]

الله لايهينك / اخوي سعد ............

 

 

 

 

[معلومات العضو سعد هذال آل جيعان]

مشكورين وبيض الله وجيهكم

 

 

 

 

[معلومات العضو فهد بن مبارك الودعاني]

أبو هذال

لأهنت

بيض الله و جهك يالذيب

على الوصفه...


تقبل مني أرق التحايا و أعذبها من أخوك.....