الامير \ محمد احمد السديري والشيخ اورنس الشعلان !!

[معلومات العضو ابن وايــــل]

السلام عليكم ورحمة الله وبركاته

اسعد الله اوقاتكم بكل خير




قصيده للأمير المرحوم \ محمد احمد السديري في مدح ورثاء الشيخ اورنس الشعلان وربعه الروله ( هلا العليا )

يسقيك يـا دار ٍ شمالـي عنـازه = غربي الولج يا علي شرق الطريبيل
سقاك نو ٍ ممطـر ٍ مـن عيـازه = على رغاب القاع فيض ٍ من النيـل
عـز الله انـه راح فيهـا جنـازه = صميدع ٍ توصف عليه الرجاجيـل
له فيّ عازات ٍ ولـي فيـه عـازه = بوقت اللزوم الى حصل بالدهر ميل
ما لوم قلبي لـو يزيـد اهتـزازه = وجرّ الونين وشاف ضيم وغرابيل
عيني كمـا شـن ٍ تفتـق خـرازه = عليه دمعـات المحاجـر هماليـل
حر ٍ جزع وادمـى بقلبـه حـزازه = وتفجرت شعبـان قلبـه مباهيـل
تقصر يمين اللـي بالايـام هـازه = يرجع ذليل ٍ فاقـد العقـل بهليـل
اللي لمـح ضـده ثقيـل ٍ مـرازه = أخو محمد صافي الذهـن حلحيـل
من شبته يا ما قطع مـن مفـازه = ويا ما ظهر من غرقة ٍ كنها الليـل
رقى سنام المجد والطيـب حـازه = وبيته لعصمان الشوارب مداهيـل
قلبه من البالود مـا هـو قـزازه = والغيض قد فجر قلـوب ٍ مغاليـل
وان داخل الشردان رعب ونـزازه = الذل مـا يلقـى عليـه المداخيـل
هزيـم حطـو حفرتـه بالعـزازه = براس الطويله وارفع القبر بالحيل
ومن الذهب حطوا لقبـره ركـازه = ومن صافي الياقوت حطوا قناديـل
حتى يجيـه اللـي بعيـد ٍ منـازه = ويلقى بقربه شمخ القود والحيـل
اعتضت به ربـع ٍ لقلبـي لهـازه = اعني هل العليا عصـاة المشاكيـل
علمي الى جاهم سريـع ٍ نجـازه = وانا لهم دايم على العـدل والميـل
هم فزعة المضيوم وهمه جهـازه = وبالفعل للشعلان تشهد هل الخيـل
شعـلان فيهـم بالحرايـب فيـازه = بجدع المدرع فوق قب ٍ مشاويـل
ربع ٍ حماهم مـا يقـرب حجـازه = وعدوهم أسقوه ويـل ٍ بثـر ويـل
ان حل ضرب مخلـص ٍ بالبـرازه = ارووا حدود سيوف حدب ٍ مناحيل
احد ٍ يحوش الطيب غصب ٍ خزازه = وناس ٍ عن العليا ضعاف ٍ مهازيل
يبين لك فرق الذهـب مـن بيـازه = فرق ٍ بعيد ابعد من الجدي لسهيـل
البيض ترضع لابن يابس عـرازه = وبالالف يظهر واحد ٍ بـه تنافيـل
تاخـذ رفيعيـن المبانـي بـزازه = يا ليتها تعتـاض عنهـم تباديـل
ان قيل قلبـك مصخـر ٍ بانحيـازه = قلت الوفا له وسط قلبـي مناقيـل
وانا احمد الله ما حضرني خـزازه = واردون ثوبي ضافيـات ٍ مظاليـل
يسقيك يـا دار ٍ شمالـي عنـازه = مزن ٍ من المنشا ركونـه مخاييـل

 

 

 

 

[معلومات العضو فالح بن فهاد]

ابن وايل الله لايهينك على القصيده التي لها مكان عالي وذو قبوليّه رغم شاعرها رحمه الله الذي اثبت وقوعه ووجوده في الشعر النبطي لاهنت يالقرم

 

 

 

 

[معلومات العضو العماني]

الله يرحمهم جميع ويسكنهم فسيح جناته

وللعلم فالشعلان اخوال بعض ابناء الأمير محمد الاحمد السديري

ولاهنت يابن وائل وبيض الله وجهك

تقبل تحياتي،،

 

 

 

 

[معلومات العضو ابن وايــــل]

الامبراطور

لاهنت ورحمهم الله جميعا ً

ابيض وجه

..

 

 

 

 

[معلومات العضو ابن وايــــل]

هايف العماني

الله يسمع منك يالقرم ووجهك ابيض

..