بسم الله الرحمن الرحيم
قصيده للشاعر / عبدالله بن محمد بن حسين بن حفول ال سعد اليامي .
سبب قول هذه القصيده انه اراد الله ان يكون الشاعر مرافقا مع احد افراد عائلته في أحد مستشفيات نجران وقد شفاه الله تعالى وكان يوجد بنفس الغرفه التي يوجد بها مريضه مريض مسن ويرافق معه خادم حيث كان مع كل زياره يرى مايثلج صدره وما يميز هذا الشعب المسلم من تماسك اجتماعي قوي وحب لعيادة المريض والتخفيف عنه واسعاده في خضم ألمه فوجد ان من واجبه عيادة المرضى الموجودين بالمستشفى ومساعدة من يطلب مساعدته وقد بلغ بذلك الشيخ المسن من الضعف والوهن ما الله به عليم وقد تجاوز على الكرسي الابيض اكثر من خمسة اعوام في ضل الله ثم في ضل حكومتنا الرشيده . وحين يأتي موعد الزياره يذهب اليه فينقل بصره حوله ويرى الزائرين ثم تمتلىء عيناه بالدموع ولا يعود قادرا على الكلام ولم يعرف عبدالله سبب تلك الدموع ولكن بعد حين عرف ان له ابناء قد اهملوه وتركوه على تلك الحال بين يدي الله عز وجل .
فخشي عبدالله ان يكون ذلك هو مصيره مع ابنائه فخاطب بهذه الابيات ابنه وصغيره / محمد والذي يبلغ من العمر حينها 3 سنوات بعد ليالي السهر التي تمخضت بهذه القصيده ..
أسأل الله لنا ولجميع المسلمين رضاه وإصلاح عطاه.
قال فيها :
لي مـع الايـام قاسيـت التجـارب=ولي مـع الدنيـا حكايـات طويلـه
اترجى الحـظ واثـر الحـظ عايـب=ما انعسف لي لو فقط يـوم وليلـه
اتلفت فـي البعيـد وفـي القرايـب=وارهم الهابي من اطـراف القبيلـه
قصروا واستبعـدوا غمـر وشايـب=والعجوز اقفت مع البنـت الجميلـه
رحت للعدوان مـن بعـد الحبايـب=ارقب الفزعـه واثرهـا مستحيلـه
وجد عيني وجد من فوقـه نصايـب=ميت والنـاس قالـت عزتـي لـه
كان همي والجروح اللـي عطايـب=من فؤادي والدعـا اعظـم وسيلـه
كل ماجي البيت كن النـور غايـب=ضيع الهاجوس مـن تـوي دليلـه
والخلا بي ضاق وبصـدري لهايـب=والوسايل للفـرج صـارت قليلـه
ماكنـن همـي بخفاقـي غصايـب=وان سليته ساعـة جانـي بديلـه
في غدير الليل لضلوعـي حطايـب=يم اخفـي ونتـي سمـع الحليلـه
وصادق اللوعات وسط الجوف ذايب=مثل ذوب الثلج في الشمس الاصيله
مافقـد حالـي بعيـد ولا قـرايـب=ولا شقيـق ولا صديـق ولا مثيلـه
يامحمـد يابعـد كــل الحبـايـب=لاتنـام الليـل وجروحـي عليلـه
قم لبـوك وبادلـه هـرج قطايـب=وما سوا احد سوى الرب اشتكي له
قال حاظر جاك مسمـوم الضرايـب=واجبـك والله نـقـوم ونعتنيـلـه
جل همك باشتري عنـك النشايـب=حالـف مارتـاح وحمولـك ثقيلـه
قلت حي الصوت ياعالـي النسايـب=جدك اللي كـل قـرم يحتظـي لـه
كب همـي قـد تعـودت الطلايـب=عش حياتك لا تسيل بـك المسيلـه
قال انا من بيـن صلبـك والترايـب=العمـر يفـداك والعـوى سهيلـه
قلت انا يابوك عاصـرت العجايـب=راسي مثـل الرواسـي المستطيلـه
قال بالـك تحتقـر طفـل الغرايـب=الرعـد والبـرق فينـي والمخيلـه
قلت هـون لا تناطـح كـل نايـب=الغـرور يحطـم احـلام جليـلـه
قال انا سيفك ودرعك في الحرايـب=سعد عينـك لانقـدح راس الذبيلـه
قلت انا بانشدك عن غاوي وصايـب=الغـوى ياتيـه والصايـب تزيلـه
قال هذا اللـي سكـن دور خرايـب=مظهـره جـذاب والداخـل فشيلـه
قلت اصبت الحل يامنصى الركايـب=اشهد ان همي وجد مـن يرتكيلـه
جاك همي ياجناي اعـط السبايـب=واخف سرك واتبـع الدنيـا بحيلـه
لا تخاوي اللي لسانـه منـه تايـب=كل ما جـا مجلـس يوذيـك قيلـه
وانس ابو الجهين ملعـون وعايـب=لي حكالك هـرج فلغيـرك مثيلـه
وإتـرك النمـام شبـاب الحرايـب=قاطـع الارحـام كسّـاب الرذيلـه
واترك اللي لي بدت بعض النوايـب=غاب عنها واتبـع الحمـى مليلـه
واترك اللي ماردف صحو الجلايـب=لا يقلطهـا ولا احـد قـال ذي لـه
واترك اللي عيشته صـارت نهايـب=لا كسـب ربـح ولا تاقـى دخيلـه
وانتبه للضيف لامن جـاك تاعـب=لا تخلـي طيـب كــون تعبيـلـه
واحترس لا جاك من يشكي المصايب=انفعه جنبـي تخلـي عـن سبيلـه
وانتبه لاعشت ثم اصبحـت شايـب=خلي جنبي لاصبحت حالـي نحيلـه
خلك بجنبـي لاتودعنـي الاجانـب=كيف ترضى الخادمه عنـك بديلـه
اقض دينك لا تقول النـاس خايـب=قد شقيـت ايـام وسنيـن طويلـه
تـرّك اشغالـك جميـع والطلايـب=وانتبه للشايـب اللـي قـل حيلـه
خلك اقرب من عيونـي للحواجـب=لا تخليني مع السقـف آحكـي لـه
وارفع المدكى لا تحسب لي الحسايب=خافتـي تـروح ودموعـي هميلـه
قال يكفي لا تحسّب لـي الحسايـب=من طويل الهـرج يكفينـي قليلـه
باقتدي بك ياعسـى مانـي بخايـب=كـل ماسويـت باسـوي مثيـلـه
قلت وقتـي يافتـى فسـل وكـاذب=وكل جيـل يختلـف بعلـوم جيلـه
قال وقتـي طيـب والجيـل غايـب=عنـد رب البيـت ميلـه واتعديلـه
قلت حاول تجتهد باغلى المكاسـب=الطلاقـه فيـد والعقبـه خذيـلـه
احترس للقول يـوم القـول صايـب=ابـن حفـول يـوم قالـه معتنيلـه
خـذ كلامـي يامحمـد باللبـايـب=واحفظه يانور عينـي لـك دليلـه
صانك الله من صواديـف النوايـب=ماسواك احد سوى الرب اشتكي لـه
وقم لعمك ان حضرت او كنت غايب=شف عمامك قلب ابوك اللي يشيلـه
وداموا ال سعود جزليـن الوهايـب=الملـوك اللـي مواقفهـم جليـلـه
هم هل العليا ولـو فيهـا متاعـب=والرجا للي قطـع وصلـة خليلـه
ختمها صلوا عـدد وبـل السحايـب=واكثروا لمحمـد راعـي الفضيلـه
وفيها سلامتكم
05-06-2005, 06:03 PM
مناجاه بين ابن حفول وابنه
العرض العادي
المواضيع المتشابهه
