كليه ام هي مقبره

[معلومات العضو أبو سعود الودعاني]

الموضوع عن الكليه التقنيه بالدمام القسم الاداري ..

اللي فيها تخصصين اللي هم .. "" تسويق و محاسبه ""


الكليه اللي انا فيها فقط للمحاسبه والتسويق ومافتحت الا قبل سنتين يعني يعتبر مبنى جديد .. لكن للاسف ياليتني داخل كليه ..


تقدر تقول داخل ..

1 - مزرعه او استراحه ..

2 - مقبره

3 - قصر مهجور

4 - بر التقنيه << تكفى يالنعيريه

5 - عماره توها تبنى


الكليه كنا ندخلها من الباب الرئيسي لكن العميد اللي جاء الجديد الله يهديه بيسوي نفسه انا الفاهم والصارم في قراراتي

عاد ليته يعطينا قرارات صح ؟

معطينا قرار جايبه وهو يقيل بعد الغدا


قال في قراره المضروب

ان الطلاب مايدخلون مع البوابه الرئيسيه .. راحو اكسروا جدار ورى الكليه وقالوا هذا مدخلكم
والمشكله ان المسافه اللي بنمشيها طووووويله مره ..

واذا قلت لكم ان الكليه جديده .. بتكذبوني .. بتقولون ان لها 20 سنه مهيب سنتين ..


المهم شوفوا الصور واتركوا هرجي الفاضي


هذا عند العرب يسمى مدخل



وذا يقال انه مدخل



الله يهديه لو انه كاتب ( دعاء زيارة القبور ) ازين << برضو مدخل



وهذا من ورى المدخل يعني يوم دخلت شف الحصى تحس ان الطبيعه حولك << ايه هين




يالله .. اللي لابس ثوب يرفعه لانه بيركض اليوم .. الكل بيركض في البراري او الاستراحات سموها بما يحلو لكم



3

2

1



انطلقوا



الجيد اللي يوصل للمبني اول واحد << طبعا المبنى هو الكليه .. ماتوصل للقاعه الا وانت تسنك شيول معك تراب



هالماصوره احس انها بتصب في مسبح والله اول ماشفتها حسيت اني داخل استراحه ومابقى الا المسبح .. وخلاص ..
وتصير استراحة التقنيه << للعلم ان اول استراحه تقنيه في السعوديه وهذا يعتبر شرف كبير للعلم اننا حطينا له استراحه





وانا مااقول الا الحمدلله .. لاني اخر ترم فيها .. اخاف العميد الجاي يسكر كل البوابات ويحط مدفع برى الكليه وكل طالب يركب المدفع ويطيرونه لقاعته على طول ..




مايستفاد من الموضوع ..

لاحد يدخل هالكليه .. من كل النواحي مخيسه حتى بصرف المكافات بالشيكات والناس وصلوا للقمر وحنى على الورق



واطلب من كل واحد يحط تشبيه للحوش اللي بالكليه .. اللي نمر من عنده كل يوم ونجربع ونسوي كل شي فيه


واسف على الاطاله .. لكن القهر يسوي مجلدات مهوب موضوع


منقول حرفيا من ايميلي الياهو دون زياده او تحريف

بستثناء تلوين الخط وبتحريف في عنوان الموضوع

 

 

 

 

[معلومات العضو ابن قرنين]

خوي أبو سعود الودعاني لاهنت



أخوك ابن قرنين

 

 

 

 

[معلومات العضو أبو سعود الودعاني]

اخي الغالي الكريم

ابن قرنين

لاهان غاليك

شوفت متصفحي

تقبل خالص ودي