من قــصص ابو زيــد الهــلالي

[معلومات العضو نايف الخييلي]

بسم الله الرحمن الرحيم




ابو زيــد الهلالي

هـذه السالفه تُنسب لــ ابو زيد الهلالي . الفارس المعروف وهي انه بإحـدى السنين مرّ على بنى هلال

دهــر فأصابهم الجوع وشحت المراعى فمات أكثر حلالهم . فقالوا لابد نرسل رجال ( عساس)

كي يبحث لهم عن الارض الطيبه . ويــوم أحتاروا من يرسلون ؟ ذهبوا لشايب من كبار السن

بالقبيله . فقال لهم لابد ماتضعن القبيله كلها ونمشي مسيره يوم ومن ثُم أعلمكم من الرجال

اللى ترسلون .وبالفعل شدوا من محلهم ومشوا مسيره يوم . فرجعوا لشايب يسئلونه من يختارون

فقال : ابو زيد الهلالي سلامه . ولمّا نشدوه عن السبب قال وحنا راحلين لاحظت أغلب رجال

القبيله يراوحون الركوب بين ورك وورك أخر الا ابو زيد فكان في محل ركوبه حتى نزلنا وهذا دليل

صبره وجلادته . ولمّا ذهب عساس ومعه أثنين من أبناء القبيله . طــال بهم المسير حتى أنقطعت

ركايبهم ولحقهم الجوع . ويدخلون ذيك القريه وينزلون سوقها ولم يدلهم الله لعمل يعملونه

ويوم أحتاروا بأمرهم عرض عليهم ابو زيد انهم يبيعونه على انه عبدً لهم ( وكان اسمر اللون )

ويشترون بثمنه ركايبً لهم وزهاب لكي يواصلون مسيرهم في البحث عن مراعي لقبيلتهم وهو

وهويخلص نفسه فأتفقوا على هالامر وباعوه بالسوق . وكان ناوي يهرب من اللى شراه

لكن أكتشف انه طيب المعامله مع ابو زيد ويثق به ووكله على امواله فصعب على ابو زيد

الهلالي خيانته وأستمر ابو زيد في خدمته . الى أن جاء يوم وكانوا الرجال جالسين بمجلس

السيد وابو زيد بالقرب من الدلال . تمنى ان فيه أحد يعرف يجــر الربابه فأدرك ابو زيد الهلالي

انها فرصته . فقام وأخذ الربابه وأنشد يقول :

يقـول الهـلالي والهـلالي سـلامـه=شـوف الفجـوج الخاليـات تــروع
يقـول الهـلالي والهـلالي سـلامـه=يبغـي الطمـع وهـو وراه طمــوع
لابد عقـب الوقـت من لايـح الحيـا=مـن بارقـن يوصـي سنـاه لمـوع
لابـرقـن إلا فـي حجـا مستهلــه=ولا طـرقـي إلا مـن وراه نجــوع
ولا ضحـك إلا البكـا مـردفـن لـه=ولا شبعــة إلا مقتفيهــا جـــوع
ولا يــدن إلا يــد الله فـوقهــا=ولا طـايــرات إلا وهـن وقــوع
ألا يا حمامتيـن فوق نبنـوب دوحـة=وراكـن فرقـن والحمــام ربــوع
حمـامتيـن جعـل تبلــن بنــادر=حـر قطـوع وجـاري لـه جــوع
وراكـن مـا تبكـن عليـا مظنتــي=لو كـان مـا يجـري لكـن دمـوع
أبكي عليهـا ليـن حفيـت نواظـري=ولانـي بمـن تدبيـر الإلـه جـزوع
حشى ما لاق غير الجـازي أم محمـد=عليهـا ثويـب الطيلســان لمــوع
تنفـق كمـا نفـق الوغيـد مـع أمـه=وتحـط الهـوى في قلـب كل ولـوع

فبيّن من خلال هالابيات انه جاء يبيع الطمع وصار الطمع برأسه وثم خبر سيده بسالفته فما كان من الرجل الا ان أطلقه وأعطاه من الزهاب ما يرجعه الى قبيلته



وســـلامتـــكم

 

 

 

 

[معلومات العضو الزين]

تسلم يمينك على القصـــــــــــــــــــه الرائعــــــــــــــه يانايف الخييلـــــــــــــــــــي


شجاعـــــــه وقوه وايثار وصبر وذكاء ودهاء وش اللي موفي ابو زيد الهلالــــــــــــي


الزيــــــــــــــــــــــــن

 

 

 

 

[معلومات العضو فيصل بن جزاء]

لاهنت يانايف الخييلي على القصه الرائعه لــ ابوزيد الهلالي

 

 

 

 

[معلومات العضو ابو زيد الغييثي]

ابو زيـــد الهلالي فارس جمع بين الشعر والفروسيف والشهامه

ويعتبر من اساطير العرب الاواخر حيث ان الكثير من الامور الخياليه تنسب له

ولله دره على هذين البيتين

ولا ضحـك إلا البكـا مـردفـن لـه=ولا شبعــة إلا مقتفيهــا جـــوع
ولا يــدن إلا يــد الله فـوقهــا=ولا طـايــرات إلا وهـن وقــوع

ولقد ورد هذين البيتين لدى الشريف شكر ابوالفتوح

ولي وقفه مع هذا البيت :

حشى ما لاق غير الجـازي أم محمـد=عليهـا ثويـب الطيلســان لمــوع

الجازي ام محمد : هي احدى بنات بني هلال تزوج بالشريف شكر ابو الفتوح وقيل
انه اقال هذه الابيات وهي :

يقول الفتى شكر الشريف بن هاشم=شوف الديار الخاليات يروع
لاطقت الوسطى بهامي تذكرت=عصر مضى ما عاد فيه رجوع
ياماضي لادب الحيا في بلادكم=و جاك من نجد العذي نجوع
عرب ان ضعفوا و جوك تخاضعوا=و ان قويوا هم ما ودعوك ودوع
يقول الفتى شكر الشريف بن هاشم=لا شبعة الا مقتفيها جوع
و لاضحكة الا و البكا مكنع له=و لاطرب الا مقتفيه فجوع
و لايد الا يد الله فوقها=و لاطايرات الا و هن وقوع(1)
عسى الحيا يسقي فياض ال عامر=عسى الحيا يدعي لهن فروع
ياطول ما ناغيت بهن صاحبي=حلي النبا دب الزمان خضوع
الا ياحمامات بوادي دمشق=و راكن فرق و الحمام ربوع
بليت يافرق الحمام بنادر=من الجو مهذاب رمى به جوع
كان عطيط الريش من ضرب مخلبه=كما وصف زراع ببذر زروع
وراكن ماتبكن للجازية ام محمد=و تهل من عيونكن دموع
الا واسفا على الجازية ام محمد=فارقتها و اثر الفراق يروع
انا دموعي دم و الناس غيره=و لايستوي باكي الدما و دموع
من الناس نوار الربيع الى زها=تظل البوادي في هواه نجوع
عرب الى جاء صايح صوب مالهم=يجونك حنقا لابسين دروع
و من الناس ناس مانبالي و لو غدوا=و ناس الى راحوا تهل دموع
و من الناس طلع التين حلو مذاقه=لاذاقه الذواق ظل هنوع
و من الناس طلع الشري مر مذاقه=لاذاقه الذواق ظل يزوع
تريض يارهو اللي جاء دليله=من الشام خفاق الجناح لموع
تريض يارهو العراق نقول لك=لعلك يارهو العراق سموع
يغاغي مغاغات الرضيع لامه=و هن مخاضيع بغير وقوع
ثمانين انا هافيت بيضاء غريرة=كان ملاقى افامهن شموع
خمسين ممحوصات الوسط رجح=يذبن الهوى في قلب كل ولوع
و ثلاثين منهن تو ما بدا بهن=صغار و تو نهودهن طلوع
((و لاعاضني بالجازية ام محمد=عليها ثوب الطيلسان لموع )) (1)
هلالية مادقت العرن بالصفا=و شحم اليدين بالكليبين يموع
يحرم علي اكلي الثلاث كوامل=لو قيل فيهن الدوا و نفوع
و منهن عيوني كل ما نامت الملا=تهل و تملا الحاجرين دموع
و منهن كبدي كل مازامها الطنا=يعزى لها بعض المرار تفوع
و منهن قلبي كل ماحل ذكرها=يحاول مابين الضلوع طلوع
ياشاربين التتن لاتشربونه=قليل الجدا يزود المقلوع
شربته من اجل الجازية ام محمد=غديه يبري علتي و شنوع
لاصار ماتبريه بمجادل السبا=و رمح شطير و هندي لموع
يحرم علي اسقاي الضيف لو بكا=لو هل بين الحاجرين دموع
ما اسقيه الا در حمرا سمينة=جذعية وقت العتيم طيوع
العنك يارجل ما يصيبك الطنا=هذاك يحسب من الرجال رتوع
و انا كما حر على الصيد عالم=حر الى بار الزمان رثوع

(1)(2) هذين البيتين موجودين في قصيده الشريف شكر ابو الفتوح وايضاُ في

رواية اخي ابو فهاد لبو زيد الهلالي


ولاهنت يا بو فهاد على ايراد هذه القصه

وتقبل مداخلتي بصدرٍ رحب

محبكـ / ابو زيد الغييثي

 

 

 

 

[معلومات العضو ابو زابن المسعري]

الاخ العزيز نايف الخييلي
بيض الله وجهك وطول الله عمرك على اتحافنا
بهذه القصه والقصيده الهلاليه
ولاننسى ان نشكر الاخ الغالي ابو زيد الغييثي على مداخلته الجميله
وفقكم الله جميعا

 

 

 

 

[معلومات العضو بعيدالهقاوي]

ابو زيد الهلالي سلامة والله الاسهم الغير نكره في الاسماء
يقول احد الفريس وهويصف المعركة لذياب ابن غانم وهو يعد صولاته وجولاته مع الزناتي فعلت كذا وكذ فقال فقال ذياب وبو زيد كيف هو في المعركة فقال ؟

حنا عصافير وبو زيد سدره = من خاف مناياذياب التوابها

بارك الله فيك يانايف الخييلي على هالقصة والقصيدة

 

 

 

 

[معلومات العضو نايف الخييلي]

تسلم يمينك على القصـــــــــــــــــــه الرائعــــــــــــــه يانايف الخييلـــــــــــــــــــي


شجاعـــــــه وقوه وايثار وصبر وذكاء ودهاء وش اللي موفي ابو زيد الهلالــــــــــــي


الزيــــــــــــــــــــــــن

ويمـــناتس سالمه يالزين شرفتي الموضوع بمرورتــس الكريم

وجميل ان نأخذ من مثل هالقصص فــائده وحكمه تلازمنا في حياتنا

أسعدني ردتس

لاهنت يانايف الخييلي على القصه الرائعه لــ ابوزيد الهلالي

فيصل بن جزاء

ومن قال مايهــــون وحياك الله على مرورك الغالي

 

 

 

 

[معلومات العضو نايف الخييلي]

المشاركة الأصلية كتبت بواسطة ابو زيد الغييثي

ابو زيـــد الهلالي فارس جمع بين الشعر والفروسيف والشهامه

ويعتبر من اساطير العرب الاواخر حيث ان الكثير من الامور الخياليه تنسب له

ولله دره على هذين البيتين

ولا ضحـك إلا البكـا مـردفـن لـه=ولا شبعــة إلا مقتفيهــا جـــوع
ولا يــدن إلا يــد الله فـوقهــا=ولا طـايــرات إلا وهـن وقــوع

ولقد ورد هذين البيتين لدى الشريف شكر ابوالفتوح

ولي وقفه مع هذا البيت :

حشى ما لاق غير الجـازي أم محمـد=عليهـا ثويـب الطيلســان لمــوع

الجازي ام محمد : هي احدى بنات بني هلال تزوج بالشريف شكر ابو الفتوح وقيل
انه اقال هذه الابيات وهي :

يقول الفتى شكر الشريف بن هاشم=شوف الديار الخاليات يروع
لاطقت الوسطى بهامي تذكرت=عصر مضى ما عاد فيه رجوع
ياماضي لادب الحيا في بلادكم=و جاك من نجد العذي نجوع
عرب ان ضعفوا و جوك تخاضعوا=و ان قويوا هم ما ودعوك ودوع
يقول الفتى شكر الشريف بن هاشم=لا شبعة الا مقتفيها جوع
و لاضحكة الا و البكا مكنع له=و لاطرب الا مقتفيه فجوع
و لايد الا يد الله فوقها=و لاطايرات الا و هن وقوع(1)
عسى الحيا يسقي فياض ال عامر=عسى الحيا يدعي لهن فروع
ياطول ما ناغيت بهن صاحبي=حلي النبا دب الزمان خضوع
الا ياحمامات بوادي دمشق=و راكن فرق و الحمام ربوع
بليت يافرق الحمام بنادر=من الجو مهذاب رمى به جوع
كان عطيط الريش من ضرب مخلبه=كما وصف زراع ببذر زروع
وراكن ماتبكن للجازية ام محمد=و تهل من عيونكن دموع
الا واسفا على الجازية ام محمد=فارقتها و اثر الفراق يروع
انا دموعي دم و الناس غيره=و لايستوي باكي الدما و دموع
من الناس نوار الربيع الى زها=تظل البوادي في هواه نجوع
عرب الى جاء صايح صوب مالهم=يجونك حنقا لابسين دروع
و من الناس ناس مانبالي و لو غدوا=و ناس الى راحوا تهل دموع
و من الناس طلع التين حلو مذاقه=لاذاقه الذواق ظل هنوع
و من الناس طلع الشري مر مذاقه=لاذاقه الذواق ظل يزوع
تريض يارهو اللي جاء دليله=من الشام خفاق الجناح لموع
تريض يارهو العراق نقول لك=لعلك يارهو العراق سموع
يغاغي مغاغات الرضيع لامه=و هن مخاضيع بغير وقوع
ثمانين انا هافيت بيضاء غريرة=كان ملاقى افامهن شموع
خمسين ممحوصات الوسط رجح=يذبن الهوى في قلب كل ولوع
و ثلاثين منهن تو ما بدا بهن=صغار و تو نهودهن طلوع
((و لاعاضني بالجازية ام محمد=عليها ثوب الطيلسان لموع )) (1)
هلالية مادقت العرن بالصفا=و شحم اليدين بالكليبين يموع
يحرم علي اكلي الثلاث كوامل=لو قيل فيهن الدوا و نفوع
و منهن عيوني كل ما نامت الملا=تهل و تملا الحاجرين دموع
و منهن كبدي كل مازامها الطنا=يعزى لها بعض المرار تفوع
و منهن قلبي كل ماحل ذكرها=يحاول مابين الضلوع طلوع
ياشاربين التتن لاتشربونه=قليل الجدا يزود المقلوع
شربته من اجل الجازية ام محمد=غديه يبري علتي و شنوع
لاصار ماتبريه بمجادل السبا=و رمح شطير و هندي لموع
يحرم علي اسقاي الضيف لو بكا=لو هل بين الحاجرين دموع
ما اسقيه الا در حمرا سمينة=جذعية وقت العتيم طيوع
العنك يارجل ما يصيبك الطنا=هذاك يحسب من الرجال رتوع
و انا كما حر على الصيد عالم=حر الى بار الزمان رثوع

(1)(2) هذين البيتين موجودين في قصيده الشريف شكر ابو الفتوح وايضاُ في

رواية اخي ابو فهاد لبو زيد الهلالي


ولاهنت يا بو فهاد على ايراد هذه القصه

وتقبل مداخلتي بصدرٍ رحب

محبكـ / ابو زيد الغييثي

المتألق دوماً \ ابو زيــد الغييثي

اولاً : حيــاك الله واشكرك على مداخلتك اما قولتك تقبلها بصـــدرً رحب فأنا يسعدني أني اشوف

مثل هالمداخلات التي تصحح وتضيف معلومات جديده للموضوع أكثر من الردود التي لاتخرج

عن قولة ( الله يعافيك ) و ( لاهنت )


أما البيتين اللى ذكرتها وانها تُنسب للشريف شكر فهذا الامر جائز . لإن القصيدتين على نفس
الوزن والقافيه . ولكن انا أرى ان البيت الاول ( والمشهور ودائماً مايُردد ) واللى هو :

ولا يـدن إلا يــد الله فوقـهـا=ولا طايـرات إلا وهـن وقــوع

انه لــ ابو زيد الهلالي لانه مرتبط مع الابيات التي قبله اما البيت الاخر فأنا معك انه قد يكون

للشريف لانه متسلسل مع ابياته ... والله اعلــــم


اشكرك على تشريفك الرائع

 

 

 

 

[معلومات العضو ابو زيد الغييثي]

صادق ارجح قولك عن البيت الاول لانه شهير عن ابو زيد

وتلك الفتره قديمه شوي يمكن الرواه تداخت رواياتهم في بعض

مما اخرج لنا هذه الروايات

ولا يستبعد ان يكون كليهما قائل لهذا البيت

لكثرة حدوث هذه الظاهره


محبك ومغليكـ / ابو زيد

 

 

 

 

[معلومات العضو أبونواف الدوسري]

(لا أزيد علي ما قاله أخي أبو زابن المسعري)


الاخ العزيز نايف الخييلي
بيض الله وجهك وطول الله عمرك على اتحافنا
بهذه القصه والقصيده الهلاليه
ولاننسى ان نشكر الاخ الغالي ابو زيد الغييثي على مداخلته الجميله
وفقكم الله جميعا

 

 

 

 

[معلومات العضو نايف الخييلي]

المشاركة الأصلية كتبت بواسطة ابو زابن المسعري

الاخ العزيز نايف الخييلي
بيض الله وجهك وطول الله عمرك على اتحافنا
بهذه القصه والقصيده الهلاليه
ولاننسى ان نشكر الاخ الغالي ابو زيد الغييثي على مداخلته الجميله
وفقكم الله جميعا

ابو زابن المسعري

ووجهك ابيض يابن العم وجعل عمرك طويل وحياك الله على مرورك الكريم

 

 

 

 

[معلومات العضو نايف الخييلي]

المشاركة الأصلية كتبت بواسطة بعيدالهقاوي

ابو زيد الهلالي سلامة والله الاسم الغير نكره في الاسماء
يقول احد الفريس وهويصف المعركة لذياب ابن غانم وهو يعد صولاته وجولاته مع الزناتي فعلت كذا وكذ فقال فقال ذياب وبو زيد كيف هو في المعركة فقال ؟

حنا عصافير وبو زيد سدره = من خاف مناياذياب التوابها

بارك الله فيك يانايف الخييلي على هالقصة والقصيدة

بعيد الهقاوي


اشكرك على مرورك الكريم وإضافـــتك الجميله للموضوع وحياك الله

 

 

 

 

[معلومات العضو نايف الخييلي]

المشاركة الأصلية كتبت بواسطة أبونواف الدوسري

(لا أزيد علي ما قاله أخي أبو زابن المسعري)


الاخ العزيز نايف الخييلي
بيض الله وجهك وطول الله عمرك على اتحافنا
بهذه القصه والقصيده الهلاليه
ولاننسى ان نشكر الاخ الغالي ابو زيد الغييثي على مداخلته الجميله
وفقكم الله جميعا

ابو نواف

جعـــل عمرك طويـــل واشكرك على مداخلتك الطيبه ويامرحبا