قصيدة مدح في الشاعر الكبير محمد بن الذيب والرد لمن اراد ان ينال من هذا الصرح الشامخ

[معلومات العضو ابوحمد الشامري]

هذي القصيدة في مدح ابو راشد الشاعر الكبير محمد بن راشد بن الذيب العجمي وابو راشد على طريق المدح لمواقفه المشرفه وتربعه على عرش التفوق في الشعر النبطي الان.

يالله ياللـي نشتكـيـك المـضـره=ياعالـمٍ بالغيـب خيـره وشــره
ارفق بحالي واخذنـي بيـد رحمـه=ولا تعرضنـي الطريـق المكـرّه
لعبت بي الدنيـا وانـا اول شبابـي=لعب الهبايـب فـي جريـدٍ تـدرّه
وانا احمد الله خضتها فـي تجـارب=والعرف قد سافـرت جـوّه وبـرّه
وعرفت انا الخل الصدوق العمـاوي=معـي ولا تاتيـه منـي مـضـرّه
ماهوب يتركني الى اقفت ضعونـي=ولا سوالـيـف المـقَـرّد تـفـرّه
ان غاب عني في الرخا.. من ظروفه=وعند القسا ماشفـت شـرواه مـرّه
وعرفـت هـذّار المجالـس لفنـدم=اللـي سواليـف النسـا ماتـغـرّه
ترحيبتـه نجسـه ويمنـاه نجسـه=ثوب الوفا لا شافني اقفيـت طـرّه
في شذب عرقوبـي وسبـي مفـوّه=كنه على محـق السوالـف مشـرّه
وانا خذيـت مـن الحيـاه الفوايـد=وزولٍ با البي له... وزولٍ با احرّه
والى شرهت اشره علـى الطيبينـي=ماني على اشناب الرخـوم اتشـرّه
قولوا لابو وجهين مجمـل كلامـي=ماتسلـم الجـره مـع كـل مـرّه
قـام يتخبـط بيـن هـذي وهـذي=ولا امدحوه اهل العشا فـي مقـرّه
اللاش ما ابغي من ورى اللاش فزعه=عزي لمن يرجـي ورى ذا مسـرّه
كنّه مع البـدوان خطـوات زرقـا=متسمـويٍ بشتـه ورانـا يـجـرّه
استغفر الله ليش انـا جبـت ذكـره=اللـي ولا يـجـزا بمثـقـال ذرّه
بطهّر اللسانـي واعطـر قصيـدي=بمدح الرجال اللـي رقـوا للمجـرّه
طاب القصيد وقلت با امدح (محمد)=ومدحٍ سوى (ابن الذيب) مانيب امرّه
مـرددٍ مابيـن عـمـه وخـالـه=الاصل عجمي.. والخوال آل مـره
(الزير سالم) في الظفر والشجاعـه=و(الطـي) فــي يمـنـاه لله درّه
الكلمـه الجزلـه رفيقـة إلسـانـه=والخطـوه الذربـه لرجليـه جـرّه
قبل امس بانـت وقفتـك يالسنافـي=يوم المنافـق يجتـوّل فـي ممـرّه
ابيك (راشد) جعـل ربـي يبيحـه=اقفى وفيك العـز والطيـب صـرّه
شاعر وطن..ايضاً وشاعـر قبيلـه=لك بيرق الشعـر المسمـى نشـرّه
واختامها والنعـم بـك يـا محمـد=والنعـم والله والنعـم بـاآل مـره

قصيدة للاخ العزيز ماضي العظيمان



ابوحمد الشامري

 

 

 

 

[معلومات العضو العماني]

لاهنت اخوي بوحمد على الموضوع

 

 

 

 

[معلومات العضو راكان اليامي]

ابيك (راشـد) جعـل ربـي يبيحـه
اقفى وفيـك العـز والطيـب صـرّه
شاعر وطن..ايضاً وشاعـر قبيلـه
لك بيرق الشعـر المسمـى نشـرّه
واختامها والنعـم بـك يـا محمـد
والنعـم والله والنعـم بـاآل مـره



والله ونعم في راشد وفي ولده محمد وال مره ويام كلبيهم ولا يهونون الدواسر
ولاهنت يابن شايقه

 

 

 

 

[معلومات العضو ابوحمد الشامري]

ولا انت يا العماني

 

 

 

 

[معلومات العضو ابوحمد الشامري]

ولا انت يا ابو سالم وبيض الله وجهك وما عليك زود.

ومحمد بن راشد الذيب طيب من ظهر طيب ومثل ما قال الشاعر :

ليتني لا جيت لطيب الحاجه= أنصرف منلقاه أو يقضي لزومي
حيث مانيب بألتفت للعواجه= ما يسب الطيبين الا الرخومي

 

 

 

 

[معلومات العضو الجوهره]

والنعم والله بالذيب وبمن نقل شعره... شهرة الذيب نار على علم ومابه شكه... لاهنت يالشامري على ذا القصيد الجزل والله...بيض الله وجهك.

النادره

 

 

 

 

[معلومات العضو ابو زيد الغييثي]

الشامري وش بيت راشد الي يقول ابها
انطاب الولد من طيب خاله

 

 

 

 

[معلومات العضو ابوحمد الشامري]

مرحبا الف يا النادرة لا هنتي يا السنافية على التعقيب والكلام الطيب وما عليش زود

 

 

 

 

[معلومات العضو ابوحمد الشامري]

مرحبا يا الغييثي شاعر البيت اللي تبغي هو الشاعر المشهور راشد بن حسن بن ذيب رحمة الله عليه يوم يقول :
الولد وإن طـاب قالـوا : مـن خوالـه=بالـخـوال يـسـال قـبـل الوالديـنـي
وسبب قوله لهذه القصيدة:
هي انه يوم من الايام أشرت له عجوز ومعها حمار تكرمون قالت وصلني يا الأجودي قدام شوي قال ابشيلك بس الحمار لا قالت له خلاص روح الله يستر عليك بيجي الذيب ويشيلني انشاء الله تقصد راشد العجمي .. قال لها يا خاله انا راشد الذيب .. اركبي وابشري بالخير.

وقال هذه القصيده

قالها إبن الذيب من هاجـوس بالـه=كلـمـةٍ يلـعـب بـهـا والـبـال زيـنــي
قالـهـا يـومـه طـرالـه مــا طـرالــه=من هواجيسٍ تشيـب المرضعينـي
غرّنـي بعـض الرجـال بكـثـر مـالـه=مادرى إن الموت في حبل الوتيني
كيف ينفعني وبعـض النـاس خالـه=ما يدوم البيت كان السـاس طينـي
ماش ويـن اللـي عوايـده الشكالـه=مثل إبن ظافـر حمـد ليتـه يجينـي
الثـنـا والـجـود دايــم فــي خيـالـه=علّـمـه ظـافـر سـلـوم الطيّبـيـنـي
جــــوّد الـعـلـيـا ولـزّمـهــا عـيـالــه=وأدركـوا مـن علمتـه دنيـا وديـنـي
واهنـي مـن بـاع حظّـه وإشترالـه=سار في درب النبي وأخزا اللعيني
مـوقـفـه مــاكــل رجّــــالٍ يـنـالــه=ومـن بغـا ممشـاه يقعـد مرّتيـنـي
وكم ذبح من حايـلٍ مـن حـر مالـه=وعادتـه لطمـة خشـوم العايلينـي
حالفٍ ماخـذ علـى الطرقـي ريالـه=وبالثـلاث محـرّم إنـهـا مــا تجيـنـي
لا لقيت اللي علـى السكّـه لحالـه=يلتفت ويقـول : ويـن المستحينـي
أوقـف الموتـر حيـا وأبـغـا الجمـالـه=يـوم ولـد الـلاش وجهـه مـا يلينـي
والطمع فـي كـرّوة الرجلـي رذالـه=خصّ به وإن جـا مجـال الغانمينـي
والـردي فـي حالـةٍ ماهيـب حـالـه=يــا عويـنـه مــن كــلام الطيّبيـنـي
الولد وإن طـاب قالـوا : مـن خوالـه=بالـخـوال يـسـال قـبـل الوالديـنـي
وأركـبـه لعـيـون مــن زيــنٍ دلالــه=مـا تحاكـوا فـي قفـاه الرامسينـي
مـا بغـى غيـري وأنـا مابـغـا بـدالـه=قاعـدٍ لـي بالـرجـا مــدّة سنيـنـي
مــا قعـدنـا فالعـمـل نبـغـا الـرذالـه=نـاخـذ العلـيـا طـريــق الفايـزيـنـي
وأشــرب الفنـجـال وأكــب البيـالـه=تـابـعٍ سلـمـي سـلـوم الأولـيـنـي

ابوحمد الشامري