قراءة في اوراق شاعر

[معلومات العضو فهد الدهمش]

السلام عليكم ورحمة الله وبركاته:اما بعد فهذه قصائد لشاعر كبير ,,امتطت قصائده


صهوة القوة والابداع,,ودوت قوافيه ساحات الافلاج,,شاعر المعاناة (ابو فهد)


ولد بالاحمر بمنطقة الافلاج ,,عاش وترعرع بين جنباتها الى ان حدته الظروف حيث جعل

من الرياض مقرا له.هو (فراج بن فهد ال تركي الشكرة الدوسري)

وفي هذا المنتدى الشامخ احببت ان اعرض شيئا من قصائده,,والله من وراء قصدي


القصيدة الاولــى ::جبـــــــــــــــــــــــــل التوباد

ياهيه ياللي في كلامك iiطلاسم=وتقول جبت الرد من غير iiزودي
انا الجبل وارسلت ردي iiمحكمّ=للمشرف اللي دوم يرقى iiسنودي
ارسلت ردي لك ولاقصدي iiاشتم=وامنتها لك ياعريب iiالجدودي
والظاهر اللي جاب ردي لكم خمّ=بعض الكلام اوحط فيه الف زودي
يقول عنّي شي ياخوك iiماتم=وبرأ الى الله منه.مافيه iiفودي
مادام ماله حظ iiلا....لايتكلم=ولانصيب(ن) جاه رد iiالسعودي
الكذب امام اللي عن الحق iiيشرم=وقدام موته ضيقات iiاللحودي
وأنا الجبل تاريخ والناس iiتعلم=والناس يا(جارف) تراها شهودي
ممنون للّي بقصة صرت معلم=مجنون (ليلى) في قديم iiالعهودي
لولاه (بعدالله) ماحدٍ تكلم=ولااشتهرت اوصرت مثل الحيودي
يزورني في كل يوم ايترنّمّ=عشقه عفيف(ن) ياعساه الخلودي ii!
مازارني حدث(ن) حياته iiايرقم=يزعج بنات الناس دايم iiايدودي
والشاعر اللي زارني حب ينظم=ومافيه عيب(ن) لو ايخاطب احيودي
بالعكس خلاها تكلم وهي iiصم=وتبيح له من خافيات iiالسدودي
مافيه يوم في قصيدة iiتهجم=يعز نفسه عن خبيث الردودي

القصيدة الثانية::الغربـــــــــــــــــــــة

في غربتي مالقيت أحدن iiيلاحيني=(وإنجلترا) بهذلت قلبي iiحواريها
همٍ يساري وهمٍ عن مياميني=تقبل وتقفي على كبدي iiوتشويها
هذا وأنا غربتي ماغير iiشهريني=وشلون لوهي تطوّل بي iiلياليها
ياطايره وإن نويتي الليل تسريني=أخذي رساله إلى المجمول iiودّيها
ردّي سلامي على بدر المزاييني=غروٍ من أجله إدموع العين iiمصخيها
أحسبتنا البعد من داره iiيسلّيني=وأثر المحبّه تزيد إبـ بعد iiراعيها
غلاه يكبر ومع الأيام iiينهيني=حبٍ وغربه جميعٍ وش يناحيها؟!
لاجيت أغبّي يهيض الشوق iiوإيبيني=عيب المودّه تبين إبـ وجه مخفيها
الله يصبّر خفوقي iiيامظانيني=إلين أغادر ثرى(لندن) iiوأخلّيها
يسقى إلى من وصلنا (مفرق الريني)= ترتاح نفس المولّع من iiبلاويها
أشوف ربعي ومن هم لي iiعزيزيني=والعين تفرح نهار إتشوف iiغاليها
نلفي على ديرةٍ تسوى نظر iiعيني=ياوجد حالي على شوفة iiضواحيها
وجود منهو حبيسٍ فـ iiالزنازيني=عشرين عامٍ ولحدن زاوره iiفيها
دار القروم الشغاميم iiالسلاطيني=(آلاد شكرٍ) عريباتٍ iiمجانيها
(آلاد شكرٍ) هم إكعام iiالمعاديني=صوارمٍ فـ اللقا تروي شلافيها
ذبّاحة الحيل يوم إنّ الزمن iiشيني=مهوب يوم العرب فاضت iiمخابيها
يفرح بهم هاشلٍ ذاق iiالأمرّيني=والجار يامن إبـ قصرتهم iiويغليها
والفخر والله بحسن الخلْق iiوالديني=وألاّ المظاهر مصير الموت ملغيها
يوم القيامه عقب نصب iiالموازيني=أنسابك إبتنقطع لوكنت زاكيها
(أبوجهل) في جهنم ماله iiإمعيني=(وأبولهب) تبّت إيديه ووقع iiفيها
(وبلال وصهيب) فالفردوس iiطربيني=رافعهم الدين في عالي iiمبانيها
تمّت وأنا طالبك ياربّ ii(ثنتيني)=تحسن لي الخاتمه وإجنانك iiأرجيها

القصيدة الثالثة::

تمكن حب الافلاج واهلهامن قلب الشاعر حتى فاضت قريحته تالقاً وابداعاً::

المجلس اللي فز قلبي iiلطاريه=مجلس هل الطالات شجعان iiالافلاج
تلقى الفوايد والسعد دايم(ن) iiفيه=وتلقى العلوم اللي بها فلة iiاحجاج
الافلاج احبه دوم واعشق iiاهاليه=حبه بقلبي حط قفل(ن) ومزلاج
محد(ن) بلايمني ولو همتنا iiفيه=باريس نجد(ن) لو بها شمس واعجاج
يا الله عسى صدق المخايل iiتغطيه=ينزل مطرها بين صب(ن) iiوثجاج
من كل شعب(ن) جاك سيله iiبواديه=وتلقى ام سالم صوتها يزعج ازعاج
المشرف المسؤول يا وين iiالاقيه=بقابله لو كان يسكن iiبقرطاج
لازم يسجلني عضو دايم(ن) iiفيه=عضويتي معكم هي لقلبي iiاعلاج
مجنون ليلى والسنافي iiبخاويه=وعاشق جويفا والغيثي iiوفراج
واذكى غبي هو والنداوي iiوباليه=حب الجماعه شيد بقلبي iiابراج
واية عضو غالي ولانيب iiناسيه =الكل نجم(ن) في السما له iiتوهاج

*اخر ثلاثة ابيات تتكلم عن اسما بعض اعضاء منتدى الافلاج..


القصيدة الرابعة::

قصيدة للشاعر وهي مجاراة للشاعر(محمد بن ادريس ال دحيم)

قال ابن دحيم::

أشوف بـرقٍ سـرا وأخايلـه يمّـه =عساه يمطر على الأفـلاج والـوادي
أهل الوفاوالكـرم والجـود والهمّـه=وأسود نجد العذيّه روس الأجـوادي
دواسـرٍ طيبهـم والله علـى الذمّـه=وأفعالهـم بيّنـه مابيـن الأشهـادي
من جالهم في القسا صاروا بني عمّه=ومن زارهم في الرخا غنّى بالأجدادي
اللابة اللـي علـى العـدوان ملتمّـه=بسيوف هنـدٍ تقاطـر دم وإحـدادي
ويالله طلبتك تغيث وتسقـي الأمّـه=وبل السحاب المرزّم فوق الأنجـادي
يالله طلبتك تغيـث وتكشـف الغمّـه=والختم صلّوا على مختارنا الهـادي

فرد عليه فراج::

يامرحبـا بالقصيـد إمعانـق القمّـه =جواهـرٍ مانظمهـا كـلّ قصّـادي
يامحمد ارحب وعطر القاف نشتمّـه=من بعد كيلو نشـم العـود والكـادي
من طيّب أصلك وطيب الراس والهمّه=يهزّك الشوق صوب الدار وإتنـادي
والدوسري لوسكن في (جنيف)ماهمّه=ماهوب ينسى الربوع ودار الأجدادي
يالله عساها مـزون الوسـم ملتمّـه=خمسين ليله وهـي بـرقٍ ورعّـادي
لين(المعيذر) يصكّ الجـال وإيدمّـه=(والباطن) إتعجرف أمواجه مع الوادي
هذي طراة الحياة ومطربـة الأمّـه=لاقامت اسيولهـا تلحـق وتـزدادي
تخضرّ عقب الدهر شعبانهـا الجمّـه=والذود يشبع بدون أعلاف وأنكـادي
يقولها اللي غلا الأفلاج فـي دمّـه=يجري ولوكان حـدّه دونهـا حـادي
لاغبت عنها يضيق البال مـن همّـه=وإن جيت كل الليالي صارت أعيادي

تحياتي ,,والقصايد الاخرى يوافيكم بها فراج في الايام القادمة

 

 

 

 

[معلومات العضو الجوهره]

لاهنت يالنشمي... كفيت ووفيت عز الله ...

النادره

 

 

 

 

[معلومات العضو فهد الدهمش]

لاهنتي على المرور


تحياتي,,

 

 

 

 

[معلومات العضو أبوفهيد الودعاني]

الدهمش


بيض الله وجهك وجعل من جابك في الجنه


وصح الله لسانك ولسان شعّار القصيد


وتم ماكنت تطلبه طال عمرك


لاتبطي بجديدك ،،،

 

 

 

 

[معلومات العضو الشكري]

دار القروم الشغاميم السلاطيني=(آلاد شكرٍ) عريباتٍ مجانيها
(آلاد شكرٍ) هم إكعام المعاديني=صوارمٍ فـ اللقا تروي شلافيها
ذبّاحة الحيل يوم إنّ الزمن شيني=مهوب يوم العرب فاضت مخابيها
يفرح بهم هاشلٍ ذاق الأمرّيني=والجار يامن إبـ قصرتهم ويغليها

--------------------------

الله يصبّر خفوقي يامظانيني=إلين أغادر ثرى(لندن) وأخلّيها
يسقى إلى من وصلنا (مفرق الريني)= ترتاح نفس المولّع من بلاويها

الله يصبرني متا اغادرها وارجع



ال دهمش لا هنت طال عمرك

وقواك الله على نقل القصايد الطيبه

وخاصه قصيدة الغربه

وصح لسانهم


تحياتي لك

اخوك

ابو عبد الله الشكري

 

 

 

 

[معلومات العضو بن مشخص المسعري]

ال دهمش

تسلم ياذيب وبيض الله وجهك على مواضيعك الجميله

 

 

 

 

[معلومات العضو فهد الدهمش]

البراق,,لاهنت يالذيب ومرورك يشرفني


وماقصرت على التنسيق


تحياتي,,

 

 

 

 

[معلومات العضو فهد الدهمش]

ابوعبدالله الشكري ,,الله يقويك


ولاتحرمنا من تفاعلك

تحياتي,,

 

 

 

 

[معلومات العضو فهد الدهمش]

ابن مشخص المسعري,,هلا وغلا


واطلالتك تسعدني

تحياتي,,