|
|||||||
12-11-2007, 01:42 AM
|
#1 | ||||
|
راشــد الخــلاوي
بسم الله الرحمن الرحيم
يلوموني هلي وهذي طبايعي =ولوم الفتى عقب المشيب قبيح يلوموني في طارش قد لفت به =من البعد فج المنكبين مشيح ياليت عين من منيع بن سالم =حضرتنا يوم الجنين يصيح في ليلة شتوية هرمزيه =تلقى الشحم فوق الصحون طفيح إلى هبت انسام السعود على الفتى =فمليح وماحاشت يديه مليح وإلى سكنت انسام السعود عن الفتى =لو كان قصره من حديد يطيح ودائماً ماكانت قصايده تمتلئ بالحكمه فمنها هالقصيده اللى يقول فيها :
يقول الخلاوي الذي مايكوده = جديد البنى من غاليات القصايد اوصيك ياولدي وصاة تضمها=الى عاد مالي من مدى العمر زايد وصية عود ثالث رجيله العصا=وقصرت خطاه الي من اول بعايد لاتاخذ الهزلا علشان مالها=ولاتقتبس من نارها بالوكايد لاتاخذ الا بنت قوم حميده=عسى ولدها يجيب الحمايد يجزى عمل راعي الحساني بمثلها=ويجزى عمل راعي النكد بالنكايد ولاتتقي في خصلة مالها ذرا=ولاتنزل الا عند راعي الوكايد ولاتسفه المنيوب لاجاك عاني=اياك ياولدي ومطل الوعايد وياطول ماوسدت راسي كداده=من خوفتي يعتاد لين الوسايد فمن عود العين الرقاد تعودت=ومن عود العين المساري تعاود ومن عود الصبيان من زاد بيته=عادوه في عسر الليال الشداد ومن عود الصبيان ضرب بالقنا=نخوه نهار الكون يابا العوايد ومن تابع المشراق والكن والذرا=يموت ماحاشت يديه فوايد الايام مابقى بها كثر مامضى=والأعمار ما اللي بقى منهابعايد نعد الليالي والليالي تعدنا=والأعمار تفنى والليالي بزايد الى دقت الوسطى بالأبهام تذكرت=زمان مضى ماهو لمثلي بعايد فلابد ماسحم الضواري تحوفني=بليل ولالي عن لقاهن بزايد ومن سرته الأيام ينقاد حبله=وينقض في حبل اللذي ماتساعد قولوا لبيت الفقر لايامن الغنا=وبيت الغنى لايامن الفقر عايد ولايامن المضهود قوم تعزه=ولايامن الجمع العزيز الضهايد وواد جرى لابد يجري من الحيا=ان ماجرى عامه جرى عام عايد وصلوا على خير البرايا محمد=ماناح ورق فوق حدب الجرايد وبالإضافه للحكمه اشتهر الخلاوي بمعرفه النجوم ومطالعها ومغاربها وعلاقه ذلك بالثمار والنباتات ومواسم البرد والحر والامطار وغيرها يقول الخلاوي :
متـى الثريـا مـع سنـا الصبـح وايقـت=علـى كـل خـضـرا ودعــت بالسنـايـد مــن عقبـهـا نـجـم كـمـا فــرخ مـتـلـي=علـى الشـوف يتليـهـا بمشـيـه يـعـاود وبـوارح الـجـوزا ربــا فـيـه بسـرهـا=واختلفت الالوان بين خضـر الجرايـد والى ظهـر المـرزم شبـع كـل كالـف=مــن الغـيـد وانـحـن الليـالـي الـشـدايـد ونجـوم الكليبيـن الـتـي تنـشـف الـجـم=يـغــور فـيـهـا مـــا الـعــدود الـوكـايـد والـى غابـت النسريـن بالفجـر علقـوا=مــخــارف فــــي لـيـنــات الـجــرايــد والـى مضـى عقبـه ثمـان مــع اربــع=الـخـامـسـه طــالــع سـهـيــل يـحـايــد تشـوفـه كقـلـب الـذيـب يلـعـج بـنـوره=مويـق علـى غــرات حــدب الجـرايـد والـى مـضـى واحــد وخمسـيـن ليـلـه=فـلا تامـن المـا مـن حـقـوق الرعـايـد قضى القيظ عن جرد السبايا ولا بقى=مـــن الـقـيـظ الا مـرخـيـات الـقـلايــد ومــن لايسـقـي كـنـة القـيـظ زرعـــه=فـهـو مفـلـس منـهـا ليـالـي الحصـايـد ومن القصص التي تدل على وفاء راشد الخلاوي سالفته مع منيع بن سالم وذلك عندما وصى منيع راشد بأن لايصيد الظبيه الرباعيه الغنجا لانها شبه عيون عشيقه منيع ( ميثاء ) . وتمر السنين وفي يوم من ايام الصفري صاد الخلاوي ظبيه بواسطه حبايل .وكان بأول الليل . ويوم جاء بيذبحه ( وكانوا بوقت جوع ) قال ولده : يبه يبه شف حليه ميثاء وهو يقصد الظبيه فما كان منه الا أن أطلقها وقال هالقصيــده :
يقول الخلاوي والخلاوي راشد = هرج الفتى وافا قريض البتايع يامبلغً مني منيع ابن سالم =قديم السبايا والجيوش البوالع قل حبايلي صادت عنوداً من المها =رباعيهً من سايلات المدامع الى أن قال :
وذكرت وصاتً من منيع ابن سالم =وغيري لمن جاع ينسى الودايع حليت ميثاء يالصليبي خلها = لو كنت بايام الصفاري وجايع عنود المها روحي فلولا ابن سالم=ماكان لها عن حفره الموت مانع وتركتها لعيون ميثاء عتيقه=عتيقت صليبين طويل المذارع المصدر * ديوان الراويه فواز الغسلان * موضوع للأخ جابر الهاجري اخوكــم \ نايف الخييلي :
|
||||
|
|
|
|
12-11-2007, 01:52 AM
|
#2 | ||||||
|
رد: راشــد الخــلاوي
كل الشكر والتقدير أخي نايف الخييلي
|
||||||
|
|
|
|
12-11-2007, 02:05 AM
|
#3 | ||||||||
|
رد: راشــد الخــلاوي
نايف الخييلي
|
||||||||
|
|
|
|
12-11-2007, 11:10 AM
|
#4 | ||||
|
رد: راشــد الخــلاوي
لاهنت يانايف على اتحافنا بمعلومات عن الشاعر راشد الخلاوي
|
||||
|
|
|
|
12-11-2007, 02:10 PM
|
#5 | ||||||||
|
رد: راشــد الخــلاوي
وتركتها لعيـون ميثـاء عتيقـه=عتيقت(( صليبين ))طويـل المـذارع
|
||||||||
|
|
|
|
12-11-2007, 03:53 PM
|
#6 | ||||||
|
رد: راشــد الخــلاوي
بارك الله فيك
|
||||||
|
|
|
|
12-11-2007, 08:06 PM
|
#7 | ||||
|
رد: راشــد الخــلاوي
ابو فهاد لا هنت على هذه النبذه التعريفيه عن
|
||||
|
|
|
|
12-11-2007, 09:35 PM
|
#8 | ||||||
|
رد: راشــد الخــلاوي
اقتباس:
ابـــو نواف الدوســـري العفو ياأخوي العزيز وحياك على مرورك الكريم اللى ينّور الموضوع اقتباس:
مطــلق ال عمــار وجعل وجهك مايشين ويشرفني مرورك يابن العم ومثل ماقلت الخلاوي يعتبر كنز وله سوالف عديده تدل على صدقه ووفاءه وحكمـــته ويقول من ضمن قصــايده :
حريب جدك لو صفا مايودك =وعينيه لو تبكي لك الدم كاذبه واحذر عدوك في الملا فرد مره =واحذر صديق السو وألف تحاط به وترى ابرك ساعات الفتى مابها الفتى =ومافات مات وساعة الغيب غايبه واغنم متى لاحت من العمر فرصه=وان هب نسناس فاذر في سوايبه فلا بالتمني تبلغ النفس حظها =ولابالتأني فاز بالصيد طالبه إذا الحر قلت حيلته ثم غادرت =تصفق به الدنيا وضاقت مذاهبه يبدل بداره دار عز يرومه =عنها ولاغبن به الروح ذايبه فالدار مايحصر عليها وليدها=دار الفتى ماطاب فيها مكاسبه وسلامتك
|
||||||
|
|
|
|
12-11-2007, 09:53 PM
|
#9 | ||||||||
|
رد: راشــد الخــلاوي
لاهنت وبيض الله وجهك على المجهود الطيب
|
||||||||
|
|
|
|
13-11-2007, 09:23 PM
|
#10 | |||||||
|
رد: راشــد الخــلاوي
اقتباس:
فيصل بن جزاء ومن قال مايهون واشكرك على مروركـ الكريم اقتباس:
اقتباس:
حياك الله ومشكور على كلمتك الطيبه
|
|||||||
|
|
|
|
15-11-2007, 03:21 AM
|
#11 | |||||
|
رد: راشــد الخــلاوي
اقتباس:
ابو زيــد الغييثي اشكرك على مرورك الثمين وإضافتك الطيبه التي تثري الموضوع وحياك الله
|
|||||
|
|
|
|
16-11-2007, 09:12 PM
|
#12 | ||||
|
رد: راشــد الخــلاوي
تحية تقدير لأخي نايف الخييلي
|
||||
|
|
|
|
16-11-2007, 09:23 PM
|
#13 | |||||
|
رد: راشــد الخــلاوي
اقتباس:
الجــابر ووجهك ابيض على مرورك الغالي على الموضوع
|
|||||
|
|
|
|
16-11-2007, 09:24 PM
|
#14 | ||||
|
رد: راشــد الخــلاوي
لاهنت يانايف على اتحافنا بمعلومات عن الشاعر راشد الخلاوي
|
||||
|
|
|
|
17-11-2007, 02:59 AM
|
#15 | ||||||
|
رد: راشــد الخــلاوي
لاهنت اخوي نايف ...
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 3 ( الأعضاء 0 والزوار 3) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 11:48 AM
