مرثيه في حليس بن جريس الخييلات

[معلومات العضو dosar]

هذه مرثية هجاج حليس بن جريس الخييلات في والده/ حليس بن جريس الخييلات رحمه الله

.

الله من عين تزايد دمعها=ما تنتهي عبراتها طول يومها
تهل الدمع وأحر دمعها=الله يلوم اللي من الناس يلومها
أبكي على أبوي وأخفي البكا=وأكن عبراتي بصدري وأزومها
مير يا ليت الأعمار تباع وتنشرا=والله لشريها لبوي بدون أسومها
والله لبيع فيه كثير من العرب=وأبيع فيه رجال بهدومها
ما أقول كلهم مير البعض منهم=يا ليتهم في حفرته سدوا ثلومها
مير يا بوي عسى لك بيت بالجنه=يا كاسب الحسنا وطيبات علومها
حيثك توصيني وتقول السد أكتمه=وتحثني على المرجله وسلومها
وتقول لي عليك برفقة الطيب=والرجال اليانصوك أقظ الزومها
وجنب العوسجه لو كانت خضراء=لو كان خضراء ومهانيع دومها
بنت الردي لا يغرك زينها=لا تغرك في دقات وشومها
يجي ولدها مثل أبوها=ردي من حثالة قومها
رجل عزه ورجل عز نفسك منه=رجال أقل من قيمتك لا ترومها
والله لا عز نفسي مثل ما قلتي لي=وعز نفسي للعلا وهومها
لو بعض الناس قال لي متغير=يبغيني أساوي نفسي برخومها
رخوم تتبع العرب ومسالمه=مسالمه لو تلطم بخشومها
ما يعرفون اللي لهم واللي عليهم=خاسرين لو أخذت الرجال سهومها
والله ما أقبل الي قبلها الردي=ما أقبل ألا خيارها وردومها
ما قول هاذي هوينه وأبيها=وذيك دونها الشمس وسمومها
لو أحذف عقالي وأحذف غترتي=وأصيح في عاليات رجومها
وأقول تكفون يا لابتى وعزوتي=ولا أنخا ألا طيبينها وقرومها
جزاك يا بوي الجنه وطيب الثرا=ومع الغر وتتبع زيزومها
زيزومها نبي الله محمد=شفيع لامته يوم قدومها
وأخر كلامي صلوا على النبي=عداد ما هل المطر من غيومها.

هجاج حليس بن جريس الخييلات.

 

 

 

 

[معلومات العضو أبو سعود الودعاني]

لاهنت يالغالي

على النقل


وصح الله لسان هجاج بن حليس


ورحم الله والده واسكنه فسيح جناته

 

 

 

 

[معلومات العضو يحيى الودعاني]

بيض الله و جهك على النقل الطيب

و صح لسان الشاعر هجاج بن حليس

و رحم الله و الدة

 

 

 

 

[معلومات العضو ولد ودعان]

الله يرحم حليس الخييلي انشالله

بيض الله وجهك على القصيده


صح السانك والسان قايلها

 

 

 

 

[معلومات العضو نايف الخييلي]

دوسري

الله يعافيــكـ على هالموضوع وصح لسان هجاج بن حليس على هالمرثيه المحزنه

والله يرحم والده حليس ويغفر له ويجعل الجنه مقره ومنزله .. اللهم آآمين



بارك الله فيــكـ

 

 

 

 

[معلومات العضو ابوعبدالرحمن الودعاني]

ونعم وسبعة أنعام بالشيخ هجاج بن حليس

وصح لسانه على ذي المرثيه الرائعه ونسأل الله

أن يغفر لوالده ويتجاوز عنه ويجعل مثواه الجنه.