قصيدة القبايل

[معلومات العضو بنت صقور]

السلام عليكم هذي قصيدة لقيتها في احد المنتديات وحبيت انزلها لكم..
واتمنى ماتكون مكرره..


يا لله يا خالـق أراضيـن و بحـار الواحـد المعـبـود رازق عبـيـده
الخالـق الغفـار عـلام الأســرار وفرق شعوب الأرض في كـل يـده
وابدي و اسولف من عذيبات الأشعار أبيـات شعـر والمعانـي وكـيـده
اشري و أبيع واعرف كيف بختـار واختار من جـزل البيـوت الفريـدة
وذكر تراث وعز و أمجاد و أفخـار قبائـل تومـن بـديـن وعقـيـدة
وصلت حضارتنا على سطح الأقمار ابنـا الجـزر والجزيـرة مجـيـده
في ظل حكـام لهـم فعـل واشـوار آل السعـود اللـي تفـك الضهيـدة
نسل الزعيم الحاكـم العـادل البـار مجـدد أمجـاد الجزيـرة بجـيـده
حتى أصبحت حرة وحنا له أنصـار في ظل اخو نـوره هنـوف سعيـدة
وصارت لأبو تركي بطوله وتذكـار والفخـر و الأمجـاد تبقـى شهيـدة
وخلف لنا أملوك لهم فعـل وأخبـار الشعـب واحـد والقيـادة رشـيـدة
والأمن بانينه علـى سـاس وجـدار وقرو على العابـث عقوبـة شديـدة
وحنا حماة الـدار مـن كـل غـدار وما همنـا بطشـه وخبثـه وكيـده
قبائـل مــا لحقنـاهـم اوعــار وعشنا بهذي الـدار عيشـه رغيـدة
والحمد لله نحمـده سـر و أجهـار شعب تكاتـف مـن سنيـن مديـدة
ودون الوطن جيش على كل معبـار لأرفـرف البيـرق ونـادي عقيـدة
بشرق البلاد وغربهـا دوم حضـار وارض الشمال اللـي نفـوده مديـدة
ارض الجنوب اللي تخيضر بالأشجار جزيـرة فيهـا القبـايـل عـديـدة
ارض بها قحطان وافيـن الأشبـار ويـا عـز منهـم بالشدايـد بسيـده
واذكر عتيبة يـوم للطيـب مغـوار لا ثارت الهيجـا وقـرب ضديـده
وشمر هل الطولات والجـود مقـدار أهل الكرم وأهـل الفعـول الحميـدة
قوم أعنزه مروين الاخصام الامرار أولاد وآيـل مـن عصـور عهيـده
ومطير قوم تكرم الضيـف لا زرار ويا ويل خصم في حراهـم وعيـده
واذكر قبيلة حرب يا نعـم الأخيـار وتاريخهم يحكـي سطـور مجيـده
و سبيع نعم القوم ووجيـه الأسفـار زبن الدخيل ليا زبـن مـن طريـدة
واذكر قبيلـة يـام والطيـب ينـدار أهـل العلـوم الوافيـة والرشـيـدة
ثم الدواسر تجعـل الخصـم منهـار عيـال زايـد عـز منهـم سنيـده
ثم السهول اللي لها الطيـب مـدرار وعن منهج العادات ما هـي محيـده
ثم اذكـر العجمـان حمايـة الجـار و المرجلـه والجـاه فيهـم عتيـدة
واذكر بني مره طويليـن الأعمـار مـا ينقـد المـري ولا لـه نقيـده
ثـم الهواجـر لابـة تقـدح النـار أهل الركاب اللـي خطاهـا بعيـده
واذكـر بنـي خالـد قبيلـة وأمـار قوم لهم في المجـد قـول ورصيـده
وبني تميم اللي لها الطيـب مصـدار بنـي تميـم وكـل فعـل تجـيـده
ثم الزعوب اللي بها الخصم يحتـار شجعان ما ترضى سوا مـا تريـده
العازمي وافي وفي الطيـب بيطـار روحه على كل المصاعـب صميـده
ثم الظفيري في المصاعيـب جبـار والطيب والامـداح بأصلـه وطيـدة
ثم اذكر الأشراف بجـلال وإكبـار أهل الحجـاز اللـي تفـك الزهيـدة
ثم الهذيلـي لـه مواقـف و منـدار راعي الفخر راعي العلـوم السديـدة
ثم البقوم اللي لهـم جيـش وامهـار ريف الضيوف ليـا لفاهـم وليـده
واذكر ثقيف اللي لهم مجـد وآثـار ومهمـا حسبنـا مـن كـلام نعيـده
وبلحارث أهل العز بشهـود وإقـرار ا لحارثي يـا طيـب فعلـه وجيـده
والمالكي معروف لا صار ما صار في موقف أهل الطيب يبـذل جهيـدة
واثني تحياتي عـدد وبـل الأمطـار علـى سليـم وكـل خصـم تكيـده
واذكر جهينة هـل مواقـف وادوار تلقى الجهيني راسـم الطيـب بيـده
اذكر بلي و المجدله فعـل و إظهـار وتاريخهـم يحكـي فعـول فريـدة
بني عطية فـي المواجيـب حضـار قـوم بوقـت الجـد قـوم عنـيـده
ثم الحويطي والكرامـة لـه أشعـار ثـم الشـراري لـه فعـول مفيـدة
ثم الرشيدي في الصعيبـات صبـار على علـوم الطيـب فعلـه يزيـده
وباقي جنوب الدار والقـاف مـا دار باقـي علـى قلبـي كـلام وأشيـده
زهران نعم القوم في وقت الإضـرار والخصم عينـه مـن لقاهـا سهيـده
و الغامدي معروف له عزم وإصرار راعـي المراجـل والعلـوم المفيـدة
وشمران قوم و الجمايل لها أطـوار و بلقـرن سـم للقلـوب النكـيـده
والاكلبي والمحلفـي مـا بعـد بـار و الحارثـي طيبـه وفعلـه يشيـده
وبني شهر وبني عمر سيـف بتـار قوم علـى الاخصـام نـار وقيـده
و الاسمري و الاحمري صيتهم سار بيـن القبايـل والمواقـف شهـيـدة
واذكر عسير الهول ذربين الأذكـار وأبهـا أحتموهـا فالسنيـن الشديـدة
وادهم والصيعر على حـد الأقطـار يحمون حد الدار مـن اللـي يريـده
وامشي مع الساحل مع جملـه أفكـار رسمتهـا والطـيـر زان تغـريـده
وانزل على جيزان تاريـخ وأديـار ورجـال فيفـا والقبايـل عـديـدة
ارجوا العذر وأهل المواجيب عـذار اللي نسيته ما نذكـر فـي القصيـدة
الواهبـي عـدد أبيوتـه بـالأدوار من شاعـر مـا شـل قلبـه حقيـده
شهران ربعي هم هل المدح والكـار و أهل الكند و أهل السيوف الجديـدة
يوم البلد ما يا مـن الزنـد لا ثـار عزيز ومنا ابن مشيط نعـم الوليـدة
فالجهل شجعان وفـي السلـم تجـار من بطـن بيشـه للتهـم لا رفيـده
حبيت أبيـن موقفـي بيـن شعـار وارجوا سموحتكم علـى ذا النشيـده
ما حب أنافق و اتعنصـر تعنصـار ولا ني باطيع أهل العقـول البليـدة
ما كل من طب البحـر قيـل بحـار وما كل من شل الفشق جاب صيـده
فالشعر بستـان بـه ورد وأزهـار واللـي تعـداهـا بيـوتـه فقـيـده
وأقولها في الشعر تكـرار وامـرار ضرف بلا عنـوان يلغـى بريـده
بعض السوالف مواقـف ومحضـار وشعـر بـلا معنـى لـزوم نبيـده
صلوا على الرسول شفـاع الإبـرار محمـد الهـادي وقــدوة عبـيـده

 

 

 

 

[معلومات العضو عبيد سعد الردهان]

يعطيج العافيه بنت صقور شي جميل والحلو فيه انه يجمع ... بس انشالله نشوفج تكتبين قصيد ~

 

 

 

 

[معلومات العضو بنت القبيلة]

	ثم الدواسر تجعـل الخصـم منهـار عيـال زايـد عـز منهـم سنيـده

بنت صقور

بيض الله وجهك على هذا النقل

والله لا يهينك

لاعدمناك

 

 

 

 

[معلومات العضو بنت صقور]

اخوي عبيد واختي بنت القبيله اشكر لكم المرور..

 

 

 

 

[معلومات العضو الشقرديه]

تسلمين بنت صقوووووور دائمامميزه في نقلك وابدااااااعك

 

 

 

 

[معلومات العضو بنت صقور]

هلا فيك الشقرديه اشكر لك مرورك..

 

 

 

 

[معلومات العضو د0فهد]

قصيدة رائعة بروعة شاعرها

وكذلك ناقلتها , اليك مني جل التحايا

 

 

 

 

[معلومات العضو فهدالمحيسن]

مشكورة اختى

 

 

 

 

[معلومات العضو مبارك الخييلي]

أولا اختي الكريمه بنت صقور لاهنتي علي نقل هذه القصيده
لاكن من قائلها

تقبلي الشكر والتقدير

مبارك الخييلي