الفحطاني يمدح ويثني على الوداعين الدواسر

[معلومات العضو نادر فهاد بن نادر]

قصيدة قحطاني في الوداعين
قصيدة الشاعر: سعد بن مهدي الحبابي القحطاني في مدح الوداعين أهل السليل عندما رافقهم اربع سنوات من خلال عمله كمعلم بمحافظة السليل

يالله يالمطلوب ياقاضـي الديـن= ياواحـد كـل المـلا تلتجـي لـه
فرد صمد مد البلد بالميامين= وامن وآمـان عقـب ماهـي محيلـة
يالله عساه ايدوم آميـن وآميـن= ياناصـر دينـك ومـن ينتميلـه
من بعدها والقول يلقا براهيـن= والعـز منهـاج القبايـل الاصيلـه
قول الحبابي بالحقايق ويازيـن= رسـم الكـلام اللـي يثبـت دليلـه
في مركب الايام والعمر يومين= حسب الضروف وللمعالـي وسيلـه
ومن طيب حضي جيت بين الوداعيـن= قبيلـة بالعـز نعـم القبيلـه
اهل السليل في المواقف سلاطين= عند القسى مثل السيوف الصقيلـه
روس الرجال مرجحين الموازين =اهل المراجـل والفعـول الجزيلـه
عاداتهم تعرف مع العسر والليـن= وقفاتهـم عنـد الشدايـد ثقيلـه
واهل الفعايل ملحقين المخلين =واهـل الجهـام اللـي قليـل مثيلـه
يرعون به حد المعادي جريين= من بطن نجد الـى النفـود المهيلـه
تشهد لهم طالاتهم في المياديـن= لاجـا نهـار فيـه قـدح الفتيلـه
وتشهد لهم عشر السوالف بتمكين= عند الخوي والجار لاقـل حيلـه
وسلومهم وعلومهم بالعناوين= في روس مشذوب الرجـوم الطويلـه
اربع سنين بينهم تعجب العيـن= والطيـب يثنـى كـل يـوم وليلـه
خوة شرف كني مع الربع لدنين= عزي لمـن دنيـاه ماتستـوي لـه
ماهيب تستغرب من اول وذالحين= مجنى حرار وكلهم مـن فصيلـه
وكل اخويانا بالفخر فالهم زين= ومـن قـدم النامـوس يلقـا بديلـه
واليوم جانا النقل مـن ويـن لا ويـن= الله يعلـم والليالـي كفيلـه
والله لولا الخط ماحن براضيـن= لاكـن كـلا ماضـي فـي سبيلـه
بين العمل والبيت ميه وعشرين= والوقت قاسـي والمسافـة طويلـه
ان جيت منا لا المناعير وافين= وان جيـت منـا حاجـة مستحيلـه
لاكن على ماقيل لو طول البين= القـدر يمـلا الصـدر والله وكيلـه
وعلى المعزة والمواصل مقيمين= سلم الرجال ومن دعانا نجـي لـه
الله يثبتنا على الحـق والديـن= ويزيـل عنـا كـل عيلـه وميلـه
وختامها ياشين فرقا المحبين= واللي شكاهـا ياعـرب عزتـي له

 

 

 

 

[معلومات العضو فيصل بن جزاء]

ابوفهاد بيض الله وجهك على نقل القصيده ويستاهلون الوداعين عز الخوي
وصح السان الشاعر/ سعد بن مهدي الحبابي القحطاني

واسمح لنا بتنسيق الموضوع والقصيده

 

 

 

 

[معلومات العضو نادر فهاد بن نادر]

اخوي العزيز فيصل بن جزاء علومك كلها زينه وجعل الرخوم افداك يابوجزاء ترى اخوك لك عليه في التنسق ولاكن ماوصيك حط بالك عليه وجعلك تسلم على كل حال

أخوك
نادر بن فهاد بن نادر

 

 

 

 

[معلومات العضو سلطان بن دخيل الله]

لاهنت ياابوفهاد

على النقل المميز وصح السان

الشاعر سعد بن مهدي الحبابي القحطاني

ويستاهلون بني عمنا الوداعين المدح والثنا

تقبل التقدير والاحترام

سلطان ابن دخيل الله ابن محمد الشكره

 

 

 

 

[معلومات العضو حمد522]

صح الله لسان الحبابي ولا هي غريبة من اهل السليل
ولاهنت يابو فهاد وابيض وجه

 

 

 

 

[معلومات العضو نايف الخييلي]

نادر بن فـــهاد

بارك الله فيــكـ على الموضـــوع الطيـــب وصـــح لسان سعد الحبابي وعــز الله صدق في بنى
عمنا الوداعين عز للجار والخوي ومن عرفهم أو جاورهم حبهم وأثناء عليهم مواضيعك
طيبه يانادر ونشاطك ملحوظ والله يقويــــكـ


( يســـتاهــلون )

روس الرجال مرجحيـن الموازيـن=اهل المراجـل والفعـول الجزيلـه
عاداتهم تعرف مع العسـر والليـن=وقفاتهـم عنـد الشدايـد ثقيـلـه
واهل الفعايـل ملحقيـن المخليـن=واهل الجهـام اللـي قليـل مثيلـه
يرعون به حـد المعـادي جرييـن=من بطن نجد الى النفـود المهيلـه
تشهد لهم طالاتهـم فـي المياديـن=لاجـا نهـار فيـه قـدح الفتيلـه
وتشهد لهم عشر السوالف بتمكيـن=عند الخـوي والجـار لاقـل حيلـه
وسلومهـم وعلومهـم بالعناويـن=في روس مشذوب الرجوم الطويلـه
اربع سنين بينهـم تعجـب العيـن=والطيـب يثنـى كـل يـوم وليلـه
خوة شرف كني مع الربـع لدنيـن=عزي لمـن دنيـاه ماتستـوي لـه

 

 

 

 

[معلومات العضو عبدالرحمن الشرافي]

كفوووو والله ببني عمي


لاد ودعان


يستاهلون المدح وفعولهم تنومسنا

وهـــم اهل للطيب ويحرون بفعل الجمايل


والله يعطيك العافية يا نادر

ومشكووور على النقل ولا هـــنـــــت




تحياتي

 

 

 

 

[معلومات العضو أبو سعود الودعاني]

ابو فهاد

لاهنت يالغالي

على هذا النقل

وصح الله لسان الشاعر سعد الحبابي وماعليهم زود

ولاهنتوا اخواني جميعا

تقبل كل الحب والتقدير

 

 

 

 

[معلومات العضو ذيب أمعط]

صح الله لسانه

لاهنت يالغالي على الموضوع


وبيض الله وجهك والله يعطيك العافيه


ولا تحرمنا من مواضيعك الطيبه جعلك تحيى


وتقبل مروري



اخوك/ محسن بن راشد بن محسن الغريري

 

 

 

 

[معلومات العضو ابن محمد الودعاني]

لاهنت يابو فهاد على الموضوع

وصح الله السان الشاعر القحطاني على قصيدته

والله يعطيك العافية

 

 

 

 

[معلومات العضو أبونواف الدوسري]

لاهنت يابو فهاد على الموضوع

وصح الله السان الشاعر القحطاني على قصيدته

والله يعطيك العافية

 

 

 

 

[معلومات العضو عبدالله العماري]

	الله الله حنا دواسر وقت الشديد محد يعرفنه ( عبدالله العماري )

 

 

 

 

[معلومات العضو بن حفـيـظ]

بيض الله وجهك يابن نادر على إيراد هذه القصيده لهذه الصرح

الشامخ والوداعين كفو و ليس بغريب فيهم قصيده ولا مية قصيده فهم كالنار على علم..

وصح لسان خويهم الشاعر: سعد بن مهدي الحبابي القحطاني ونعم بالحبابيه و قحطان كلها..

 

 

 

 

[معلومات العضو نادر فهاد بن نادر]

شكراً للجميع على مرورهم الطيب وان دل على شي فانما يدل على التكاتف والتلاحم بين الاسرة نسأل الله العلي القدير أن يجمعنا على عز وطاعة واعتذر عن التأخير وتقبلو تحيات


أخوكم : نادر بن فهاد بن نادر