ماهي من قوم دقه وتسكيره ** من قوم لاحاسبت ماتاخذ الباقي

[معلومات العضو شيهانه على كف صقار]

ماهي من قوم دقه وتسكيره ** من قوم لاحاسبت ماتاخذ الباقي

--------------------------------------------------------------------------------

رجـم الهـوى اللـي لـعـن كـوثـر جماهـيـره ***** عـــز الله أنّـــه مايسـتـاهـل تـعــب سـاقــي

أتـعـبـتـهـا فـــــي مـراقــيــه ومــشــاويــره ***** ذي جـرتــي نـــازل .. وذي جـرتــي راقـــي

لبـيـه يــا (ســاره) .. ولبـيـه يـــا (مـنـيـره) ***** في مهبل الناس مـدري ويـش أنـا لاقـي !!

صــدر الشمـالـي علـيـهـن فـــك أزاريـــره ***** الـلــي مـــن آدم وحــــوّا مـابـعــد ضــاقــي

جــن المديـنـه عـلـى غفـلـه مـــن الـديــره ***** وتــورّطـــن بالـرومـنـسـيّـه والأشــواقـــي

مـايـكـتــبــنّ أسـامــيــهــن بـالـطـبـاشـيــره ***** بيعلـمـنّـك عـــن الـمـوضـه والأذواقـــي !!

وجـيـهـهـن طـالـعــات مـــــن الـكـوافـيــره ***** مـن كثـر الألـوان كنْهـا (سبـحـة عـراقـي)

مـافـيــه داعـــــي أجـامـلـهــن بـتـكـشـيـره ***** وأقــول مشـتـاق .. لــو مـانـيـب مشـتـاقـي

ماهن بكفو السهـر .. والحـزن .. والغيـره ***** ودموعي .. وشعري الموزون .. وأوراقي

(كرت أحمر) و (بـاب طيّـاره) و (تسفيـره) ***** فـي (قلعـة الـوادريـن) و (بـألـف طقّـاقـي)

الـهـنـدي و وايــتــه !! والــعــود وبـعـيــره ***** هــــذا مــــدوّر ذهــيــب !! وذاك ســوّاقــي

لـو مـا أنصفتـنـي سنـيـن العـمـر الآخـيـره ***** ماطبّـقـت عيـنـي أحـداقـي عـلــى أحـداقــي

قفـلـت سـيـرة عـلاقــات .. وبـــدت سـيــره ***** الـلــي علـيـهـا الـكــلام وهـقــوة الـهـاقــي

أبرك ضيـوف الهـوى !! وأغلـى مساييـره ***** ريحـانـةٍ تـقـطـف اللهفـــه مـــن أعـمـاقـي

ماهيـب مـن قـوم : (ابــو دقّــه وتسكـيـره) ***** مــن قــوم : (لاحاسـبـت ماتـاخـذ الـبـاقـي)

لــهــا عــلــى الــزيــن تهـلـيـلـه وتـكـبـيـره ***** أنـعـم مــن الــورده الـلـي فــأوّل الـسـاقـي

مـهـيـب أمـيــره لـكـنْـهـا جــنــب الآمــيــره ***** ذات الحسـب والنسـب والمستـوى الراقـي

مـن (أغنيـاء الريـاض) ومـن (هوامـيـره) ***** شـركـات أبـوهـا بضايعـهـا فالأسـواقـي !!

يـومـي لـهـا الـغـصـن وتـغـنّـي عصـافـيـره ***** والأمــــر يـنــقــاد لـرضــاهــا ويـنـسـاقــي

غـيـداءٍ سـهــم عيـنـهـا مـــن قـــوّ تـأثـيـره ***** مخـسـرٍ ســوق الأسـهـم عـنــد الإغـلاقــي

الـبــدي والهـيـكـل الـلــي مـاتـبــي غــيــره ***** (أصطب) و (أستبنتين) و (قير علاقـي) !!

مــازيّـــن أخــلاقـــي الــطـــب بـعـقـاقـيــره ***** لـــــولا عـقـاقـيـرهـا مــازانـــت أخــلاقـــي

مــن قبلـهـا الـحـظ مـــن جـفــره لـدحـديـره ***** لـيــن أوعـــزت لـلـزمـان وحـــرر وثـاقــي

وأعتضت عن قـوم : (ابـو دقّـه وتسكيـره) ***** بالـلـي : (لـيـا حاسـبـت مـاتـاخـذ الـبـاقـي)


قصيدة للشاعر مدغم بو شيبه


منقول عبر /شيهانه على كف صقار

 

 

 

 

[معلومات العضو ابومبارك الدوسري]

شيهانه

لـ تواجـدك روعـتـه .. ولـ عطـاءك تمـيـزه


آشكرك / يالغـلااا


على جـمـال إخـتــيارك


دمـتـِ رائـعـه

 

 

 

 

[معلومات العضو الشرافي فهد ضيدان]

الكلام الزين قاله ابومبارك
واناء مازود عليه اختيار موفق
ولكي التحيه

 

 

 

 

[معلومات العضو مسفر المصارير]

خلاص ماعندي شي اقوله الا جملة واحدة

مشاركاتك غصب اقراها أكثر من مرة

لأن اختياراتك مميزة تستحق المتابعة

 

 

 

 

[معلومات العضو فهدالمحيسن]

بأسمي أحد ابناء ال زايد الدواسر
اتقدم لك بالشكر الخاص على مواضيعك المتميزه
ومجهود طيب تشكرون عليه
ونسال الله لكم التوفيق والنجاح
تقبلوا مني وافر التقدير والاحترام

 

 

 

 

[معلومات العضو الشقرديه]

تسلمين ودمتي بود

 

 

 

 

[معلومات العضو الشقرديه]

تسلمين ودمتي بود

 

 

 

 

[معلومات العضو أبن زاايد]

مكشوره وماقصرتي يامال العافية

الله لا يهينتس تقبلي تحياتي ومروري اخوتس \ أبـــن زاايــــد

 

 

 

 

[معلومات العضو بنت القبيلة]

اختيار موفق

قصيده جدا جميله

صح لسانك ولسان الشاعر الكبير مدغم بوشيبه

في انتظار جديدك