قصيـده كانـت ردن على سفيـه

[معلومات العضو ولد عطا]

قصيـده كانـت ردن على سفيـه وماكثـر ألسفهـاء يأخـوان

أرفع الراس والـزلات أجنّبهـا = رفعة الراس ماهي مثل تطمينـه
خوّتي مافطنـت احـدٍ يعذربهـا =والردي حد ربي بينـي و بينـه
و العلـوم الـرديـه مانقلبـهـا =كل شـيٍ نـرده فـي ميادينـه
النوايـا الخفيّـه مــا ننقّبـهـا =لكن العلم بايـن مـن عناوينـه
النفوس المريضه مـن يطبّبْهـا؟ = والبصيراللي يدرك لو عمت عينه
كلمة الشرّ فوق السطر نعْربهـا =ندرك العقـل و نميّـز مجانينـه
عارفين البشـرلا شـطّ مذهبهـا =ونعرف السارق اللي تقطع ايدينه
كانك اللي علوم الشـر جالبهـا =أصفر السمّ مـا يذبـح ثعابينـه
كلمتك مثل عظم الكلب تجْلبهـا =تحفرالارض ثم تدفن بهاالشينـه
الردي ما تعلّـى فـي هضايبهـا =خابرين النّخل من شجْرة التينـه
بكرتك من تمثنى فـوق غاربهـا =الفحل ...قام حظك في موازينـه
كانك اللي سهام المـوت تجْنبهـا =إنتبـه لاتقـرّب مـن شياطينـه
غانمين المراجل مـن مظاربهـا =في نهار الملاقى مـن يجابينـه
من عرف لابتي ماعـاد يقربهـا =رادعين السفيه اللي طمـع فينـه
كاسبين الغنايـم فـي حرايبهـا =يوم جدّك نسوقـه مـع بعارينـه
لا مسكنا سيوف الهنـد نخْْظبهـا =وكمِّ شيخٍ قصفنـا تالـي إسنينـه
لو تزيد الحطب بالنار و تشبهـا =ينكوي غاربك بالنار فـي حينـه
إخمد النار قبـل انـي أخرِّبهـا =وإحمد الله مدام النفس لك زينـه

أخـوكم فهـد العـازمـــي

 

 

 

 

[معلومات العضو ابو عمر اللاحم]

كفوا والله ابيات حلوه وصح لسانك

تحياتي ،،،[COLOR="Red"][/COLOR]

 

 

 

 

[معلومات العضو راشد المسعري]

صح لسانك ياولد عطا على القصيدة الطيبة ياطيّب

شاعر رائع يافهد ننتظر منك المزيد ولك الود والتقدير،،،

 

 

 

 

[معلومات العضو فيصل بن جزاء]

صح السانك يافهد العازمي وقصيده جزله من شاعر متمكن

تقبل الود والتقدير

 

 

 

 

[معلومات العضو ولد عطا]

أبو عمـر

راشـد

فيـصل

صـح أبدانـكم ولاهنتـو عـ المـرور

 

 

 

 

[معلومات العضو سالم بن صمهود]

إخمد النار قبـل انـي أخرِّبهـا=وإحمد الله مدام النفس لك زينـه

الله الله ياولد عطا رايع واكثرمن رايع

 

 

 

 

[معلومات العضو مطلق الحصان آل عمار]

صح لسانك

يافهد