لا بتي مثل صقرٍ في مراقيبه (عرضه)

[معلومات العضو النايف]

لا بتي مثل صقرٍ في مراقيبه=ذي لطمها وذي من قبل فاريها
لا شهر سم ساعة في مخاليبه=ورث لجدودنا ماهوب شاريها
لابتي حية البطش تحريبه=صل أفاعي وخشنة في مطاويها
ضربنا راكدٍ تشلا مضاريبه=ما يفيد الدوا للي يداويها
لادعانا المصيح شايفٍ ريبه=جاته حرارها مع نداويها
وأن تبقى لنا دينٍ نثاريبه=في نهارٍ محاجيها يمانيها
فعلنا كل مزيونه تماريبه=كم هنوفٍ تمنانا عوانيها
لا نوانا عدوٍ ما نباليبه=لين نجعل على كبده عراقيها
نشري الموت لاباعة جلاليبه=وندفع الروح في تدبير واليها
ضدنا لا بغى منا مطاليبه=ايتمنى السلامة في تواليها

الشاعر/ محمد ين مشعي رحمه الله

 

 

 

 

[معلومات العضو الشكري]

نشري الموت لاباعة جلاليبـه= وندفع الروح في تدبير واليهـا
ضدنا لا بغـى منـا مطاليبـه= يتمنى السلامة فـي تواليهـا

الله يرحم الشاعر

محمد بن مشعي

النايف

تسلم على

القصيده

الطيبه

لا عدمناك

 

 

 

 

[معلومات العضو محمد ال بو زمام]

السلام عليكم ورحمة الله وبركاته

الله يرحم الشاعر ويسكنه الفرودس الاعلــى .

وتسلم يمناك اخوي ( النايف ) على هذه القصيده .

 

 

 

 

[معلومات العضو تركي ال فنيس]

لاهنت يالنايف علي الابيات الحربيه والله يرحم محمد بن مشعي

 

 

 

 

[معلومات العضو العماني]

لاهنت اخوي النايف

والله يرحم ابن مشعي ويسكنه الجنة

تقبل تحياتي،،

 

 

 

 

[معلومات العضو أبوفهيد الودعاني]

صح لسانك يانايف ولسان قايلها ابو مشعي


تحياتي لك يالقرم ،،،،،

 

 

 

 

[معلومات العضو يحيى الودعاني]

تسلم يمناك يالقرم على النقل الطيب

و الله يرحم الشاعر محمد بن مشعي

 

 

 

 

[معلومات العضو ابن محمد الودعاني]

رحم الله الشاعر ابن مشعي

والله لايهينك يالنايف على القصيدة الجزلة وبيض الله وجهك

 

 

 

 

[معلومات العضو ولد ودعان]

أخ تركي

بيض الله وجهك على ذكر هذي القصيده

والله يرحم الشاعر محمد بن مشعي برحمته انشالله

تحياتي

 

 

 

 

[معلومات العضو سعد هذال آل جيعان]

بيض الله وجهك يا نايف

والله يرحم الشاعر