قصيده في مدح قبايل الجزيره العربيه

[معلومات العضو الصقر الحر]

بسم الله الرحمن الرحيم

هذ القصيدة مدح في جميع قبائل الجزيرة العربية حفظها الله من كل سؤء و أغلب هالقبائل موجوده في السعودية و الكويت و قطر والإمارات ..

يالله ياخـــالق اراضـــين وابحـــار = الواحد المعـــبود رازق عبــــيده
الخـالـق الغـفـار عــلام الاســرار = وفــرق شـعـوب الارض فــي كــل يـــده
وابــدي واسـولـف مــن عذيـبـات الاشـعـار= ابـيـات شـعـر والمعـانـي وكـيـده
اشـري وابيـع واعـرف كـيـف بخـتـار = واخـتـار مــن جــزل البـيـوت الفـريـده
وذ كـرتـراث وعــز وامـجـاد وافـخـار = قـبـائـل تـومــن بـديــن وعـقـيـده
وحنـا حمـاة الــدار مــن كــل غــدار = ومــا همـنـا بطـشـه وخبـثـه وكـيـده
قبـائـل مالحقنـاهـم اوعـــار =وعـشـنـا بـهــذي الـــدار عـيـشـه رغـيــده
والحـمـد لله نحـمـده ســر واجـهـار=شـعـب تكـاتـف مــن سـنـيـن مـديــده
ودون الوطـن جـيـش عـلـى كــل معـبـار = لارفــرف البـيـرق ونــادى عقـيـده
بـشـرق الـبـلاد وغربـهـا دوم حـضـار=وارض الشـمـال الـلـي نـفـوده مـديــده
وارض الجـنـوب الـلـي تخيـضـر بالاشـجـار = جـزيـرة فيـهـا القبـايـل عـديــده
ارض بـهـا قحـطـان وافـيـن الاشـبـار=ويـاعــز مـنـهـم بالـشـدايـد بـسـيـده
واذكــر عتيـبـه يــوم للطـيـب مـغـوار = لا ثــارت الهيـجـا وقــرب ضـديــده
وشمـر هـل الطـولات والجـود مـقـدار =اهــل الـكـرم واهــل الفـعـول الحمـيـده
وقـوم اعنـزه مـرويـن الاخـصـام الامــرار = اولاد وايــل مــن عـصـور عهـيـده
ومطيـر قـوم تـكـرم الضـيـف لا زرار=ويـاويـل خـصـم فــي حـراهـم وعـيـده
واذكــر قبيـلـة حــرب يانـعـم الاخـيـار = وتاريخـهـم يحـكـي سـطـور مجـيـده
وسبيـع نعـم القـوم ووجيـه الاسـفـار =ــن الدخـيـل لـيـا **ــن مــن طـريـده
واذكــر قبيـلـة يــام والطـيـب يـنـدار =اهــل الـعـلـوم الـوافـيـه والـرشـيـده
ثــم الـدواسـر تجـعـل الخـصـم منـهـار = عـيـال زايــد عــز منـهـم سنـيـده
ثـم السهـول اللـي لهـا الطيـب مــدرار=وعــن منـهـج الـعـادات مـاهـي محـيـده
ثــم اذكــر العجـمـان حمـايـة الـجـار = والمرجـلـه والـجــاه فـيـهـم عـتـيـده
واذكــر بـنـي مــره طويلـيـن الاعـمـار = مــا ينـقـد الـمـري ولا لــه نقـيـده
ثــم الهـواجـر لابــة تـقـدح الـنـار = اهــل الـركـاب الـلـي خطـاهـا بـعـيـده
واذكـر بنـي خالـد قبيـلـة وامــار =قــوم لـهـم فــي المـجـد قــول ورصـيـده
وبنـي تميـم الـلـي لـهـا الطـيـب مـصـدار=بـنـي تمـيـم وكــل فـعـل تجـيـده
ثـم الزعـوب اللـي بـهـا الخـصـم يحـتـار = شجـعـان ماتـرضـى ســوا ماتـريـده
العازمـي وافـي وفـي الطيـب بيـطـار = روحــه عـلـى كــل المصـاعـب صمـيـده
ثـم الظفـيـري فــي المصاعـيـب جـبـار = والطـيـب والامــداح باصـلـه وطـيـده
ثـم اذكــر الاشــراف بـجـلال واكـبـار = اهــل الحـجـاز الـلـي تـفـك الزهـيـده
ثـم الهذيلـي لــه مـواقـف ومـنـدار = راعــي الفـخـر راعــي العـلـوم السـديـده
ثـم البقـوم اللـي لـهـم جـيـش وامـهـار =ريــف الضـيـوف لـيـا لفـاهـم ولـيـده
واذكـر ثقيـف اللـي لـهـم مـجـد وآثــار =ومهـمـا حسبـنـا مــن كــلام نعـيـده
وبلـحـارث اهــل الـعـز بشـهـود واقــرار = ا لحـارثـي ياطـيـب فعـلـه وجـيـده
والمالكـي معـروف لا صـار مـا صـار=فـي موقـف اهـل الطـيـب يـبـذل جهـيـده
واثـنـي تحيـاتـي عــدد وبــل الامـطـار = عـلـى سلـيـم وكــل خـصـم تكـيـده
واذكـر جهيـنـه هــل مواقـيـف وادوار = تلـقـى الجهيـنـي راســم الطـيـب بـيـده
واذكــر بـلـي والمجـدلـه فـعـل واظـهـار = وتاريخـهـم يحـكـي فـعـول فـريـده
وبـنـي عطـيـه فــي المواجـيـب حـضـار = قــوم بـوقـت الـجـد قــوم عنـيـده
ثــم الحويـطـي والكـرامـه لــه اشـعـار =ثــم الـشـراري لــه فـعـول مفـيـده
ثـم الرشيـدي فــي الصعيـبـات صـبـار =عـلـى عـلـوم الطـيـب فعـلـه يـزيـده
وباقـي جـنـوب الــدار والـقـاف مــادار = بـاقـي عـلـى قلـبـي كــلام واشـيـده
زهـران نعـم القـوم فـي وقـت الاضـرار =والخـصـم عيـنـه مــن لقـاهـا سهـيـده
والغامـدي معـروف لــه عــزم واصــرار = راعــي المـراجـل والعـلـوم المفـيـده
وشـمـران قــوم والجمـايـل لـهـا اطــوار = وبلـقـرن ســم للـقـلـوب النـكـيـده
والاكلـبـي والمحلـفـي مابـعـد بـــار=والـحـارثـي طـيـبـه وفـعـلـه يـشـيـده
وبنـي شهـر وبنـي عمـر سـيـف بـتـار = قــوم عـلـى الاخـصـام نــار وقـيـده
والاسـمـري والاحـمـري صيتـهـم ســار=بـيـن القبـايـل والـمـواقـف شـهـيـده
واذكـر عسـيـر الـهـول ذربـيـن الاذكــار = وابـهـا احتمـوهـا فالسنـيـن الشـديـده
وادهـم والصيعـر علـى حـد الاقطـار = يحـمـون حــد الــدار مــن الـلـي يـريـده
وامـشـي مــع السـاحـل مــع جمـلـه افـكـار = رسمتـهـا والطـيـر زان اتغـريـده
وانــزل عـلـى جـيـزان تـاريـخ واديــار = ورجــال فيـفـا والقبـايـل عـديــده
وارجـوا العـذر واهـل المواجيـب عــذار = الــي نسيـتـه مانـذكـر فــي القصـيـده
الواهـبـي عــدد ابيـوتـه بــالادوار = مــن شـاعــر مـاشــل قـلـبـه حـقـيـده
شهـران ربعـي هـم هـل المـدح والكـار = واهـل الكـنـد واهــل السـيـوف الجـديـده
يــوم البـلـد مايـامـن الـزنـد لاثــار = زيزومـنـا ابــن مشـيـط نـعـم الـولـيـده
فالجـهـل شجـعـان وفــي السـلـم تـجـار=مــن بـطـن بيـشـه للتـهـم لارفـيـده
حبـيـت ابـيـن موقـفـي بـيـن شـعـار =وارجــوا سموحتـكـم عـلـى ذا النشـيـده
ماحـب انـافـق واتعنـصـر تعنـصـار=ولا نــي باطـيـع اهــل العـقـول البلـيـده
مـا كـل مـن طـب البحـر قيـل بحـار=ومـا كـل مـن شـل الفشـق جــاب صـيـده
فالشـعـر بسـتـان بـــه ورد وازهـــار=والـلــي تـعـداهـا بـيـوتـه فـقـيـده
واقولهـا فـي الشـعـر تـكـرار وامــرار=ضــرف بــلا عـنـوان يلـغـى بـريـده
وبعـض السوالـف لـه مـواقـف ومحـضـار= وشـعـر بــلا معـنـى لــزوم نبـيـده
وصلوا على المرسول شفاع الابرار= محمد الهادي وقدوة عبيده

والله يا خوان مدري من شاعرها


أخوكم

الصقر الحر

 

 

 

 

[معلومات العضو ابومبارك الدوسري]

ثم الدواسـر تجعـل الخصـم منهـار؟؟؟؟؟؟عيـال زايـد عـز منهـم سنـيـده


الصقر الحر

صح لسانك ولسان شاعرها

وبيض الله وجهك علي هذا الأختيار الجميل

دمت بخيرررر

أخوك

خلف الدوسري

 

 

 

 

[معلومات العضو بن مشخص المسعري]

صح الله لسانك يالصقر الحر على هالقصيده الوافيه والجميله في جميع القبائل

ويتضحلي من خلال القصيده ان قائلها شهراني

لك اجمل تحيه

 

 

 

 

[معلومات العضو نايف بن مسرع]

بيض الله وجهك الصقر الحر
ووجه الشاعر القائل
وتقبل شكري ومروري ،،،،،

 

 

 

 

[معلومات العضو صبي الملازيم]

ثم الدواسـر تجعـل الخصـم منهـار عيـال زايـد عـز منهـم سنـيـده




بيض الله وجهك
يالحر النداوي

 

 

 

 

[معلومات العضو ابو زيد الغييثي]

شهران ربعي هم هل المـدح والكـار=واهل الكند واهـل السيـوف الجديـده

يـوم البلـد مايامـن الزنـد لاثـار=زيزومنا ابـن مشيـط نعـم الوليـده

تجد الرد على تساؤلك اخي الصقر الحر في هذه الابيات

 

 

 

 

[معلومات العضو ابوهادي الودعاني]

الصـــــقر الحـــــر صح لســــان قايلـــها وتســــــلم يدك يالغالي
ولا تحــــــــــرمنا من مشاركاتك الحـــــلوه

 

 

 

 

[معلومات العضو السفاح {المسعري}]

ونعم بالقبايل كلهم ,,,,,,,,,,

بيض الله وجهك على هذا التميز ,,,,,,

ولاهنت

 

 

 

 

[معلومات العضو عبدالله بن قويد]

لاهنت يالصقر الحر ................
... قيصر الوادي ...

 

 

 

 

[معلومات العضو فيصل بن جزاء]

قائلها الشاعر محمد الواهبي الشهراني

 

 

 

 

[معلومات العضو ولد زايد وسيع البنايد]

شكرا

على ايراد هذه القصيده


اخوك