رزق الله على سيفك

[معلومات العضو غطاس الغييثي]

هذه قصيدةٌ وليده موقفي الشاعري ويكفي القارئ إن لم يتبنَ موقف الشاعر مقولة أعذب الشعر أكذبه

أمانه لو تبكيني تقلي وش تبي مني=تبي أمشي على كيفيك وانا ماني على كيفك
تذكر عشرتي وياك تكفى قبل تقطعني=مابي تكفى بعزتها تموت برمحك وسيفك
مابي غيرك يناظر حالتي ويقول طوعني=وهذي لو عليك انته سوالف من سوالفيك
لكن تدري شموخ العز في ذا الراس يمنعني=تبيها عزةٍ بالإثم كيفك تدري بكيفك
تذكر قوة الخالق عليكم يوم تذبحني=أشيلك فوق راسي وأبرك بصدك وتسويفك
طرالك ماتوادعني توكل لاتوادعني=يعزني عن موادعك مرت ذكرك وطيفك
وأنا ماكذب عليك أقولها لو ماتحلفني=وأنا رافض فرج حبي بأقسامك وتحليفك
ولون محرف التوارة والأنجيل حرفني=أجي كلمه على لسانك بإيحائك وتأليفك
أحبك مو أحبك بس تحصدني وتزرعني=تبكيني وتضحكني تشربني تصانيفك
تراك أنت الوحيد اللي يشتتني ويجمعني=وأشوف أني ورق آهات تلعبه عواصيفك
وإذا انت الهبوب اللي على كيفه يلوعني=حسافه يوم ربي ماجعل بيدي تصريفك
وإذا أنت السحاب اللي على شوفه يركعني=أجل ليش الشقا كله توريني أساصيفك
حرام تشوفني غارق وتبخل ماتساعدني=وأنا اللي همت باللجه ورزق الله على سيفك
وإذا ربي هداك وقلتلي في يوم تسمعني= تراك أنت المعزب والله الله في كرم ضيفك

وســــــــلامتــــكـــم

أخوكم/ غطاس الغييثي

 

 

 

 

[معلومات العضو نايف]

لاهنت يا غطاس وصح على ذي القصيده الجزله بيض الله وجهك ,,,
تقبل تحيات أخوك نايف

 

 

 

 

[معلومات العضو ابن غياث]

صح لسانك ياغطاس وأشكرك على هذه التصاوير وأرى في القصيدة خضوع العزيز

 

 

 

 

[معلومات العضو أبوفهيد الودعاني]

صح لسانك ياغطاس ولاهنت على القصيدة الطيبه


تحياتي لك ،،،،

 

 

 

 

[معلومات العضو تركي ال فنيس]

صح السانك ياغطاس وقصيده رائعه

 

 

 

 

[معلومات العضو العماني]

صح لسانك اخوي غطاس على القصيدة الطيبه ولاتحرمنا من جديدك

تقبل تحياتي،،

 

 

 

 

[معلومات العضو طيرشلوى]

غطاس قصيدة رائعة ..
لاعدمنك قصائدك الجميلة
اخوك طيرشلوى

 

 

 

 

[معلومات العضو عبدالرحمن الذايدي]

اخوي الغطاس صح لسانك وبيض الله وجهك


وننتظر المزيد من الابداع

 

 

 

 

[معلومات العضو محمد الغريري]

وإذا ربـي هـداك وقلتلـي فـي يـوم تسمعنـي = تراك أنت المعزب والله الله في كرم ضيفـك

صح السانك يا بن غياث على القصيدة الجزلة


بيض الله وجهك يالغالي ..



اخوك في الله

محمد الغريري

 

 

 

 

[معلومات العضو ابو زيد الغييثي]

صح اللسانك ياغطاس

 

 

 

 

[معلومات العضو محمد ال بو زمام]

السلام عليكم ورحمة الله وبركاته


صح لسانك ولاهنت اخوي ( غطاس الغييثي ) على هذا القصيده . وعساك على القوة .

 

 

 

 

[معلومات العضو محمد ال بو زمام]

السلام عليكم ورحمة الله وبركاته


صح لسانك ولاهنت اخوي ( غطاس الغييثي ) على هذا القصيده . وعساك على القوة .