مجلة المقناص... والشاعر سلطان الدوسري

[معلومات العضو راشد المسعري]

بمناسبة ترشيح مجلة المقناص الأدبية لزميلنا الصحفي المتألق: حسن بن مسرع ( مشرفا) لقسم الشعر بالمجلة التي تعني بالموروث الشعبي ، فاضت قريحة الشاعر الشاب والمتألق/ سلطان بن حسين بن غازي المسعري بهذه القصيدة مباركاً لابوسعود على هذا المنصب ومعبراً بهذه القصيدة:-

تقديت باسمك يالولي منزل الاخلاص = وبرحمتك لامن حصل كشف الاعمالي
ويالهاجس اللي في عموق الفكر قد غاص = تحضر وسجل ماطرالي على بالي
بيوتاً مثل سبك الذهب تتعب الخراص = من ابداع شاعر ناقداً جزل الأمثالي
بيوتاً وفية ماتجي بالهلل وانصاص = وانا عارفن بين الشواعير مدهالي
عجايب قصايد في هوى الهاجس الرقاص = تركب على ذوقي وقافي وموالي
تحية واعجاب ومعزة واهداءً خاص = لمن حاز سلم المجد والمركز العالي
وعسى الله يبيّض وجه مجلة المقناص = ومبروك ترفع بعد انجازها الحالي
بعد ماتعبت ناسن على ارضا الجميع احراص = رجالاً تحقق مستحيلات الآمالي
تجيب النوادر ماتجيب العلوم ارخاص = تراث الجدود اللي إلى الآن مازالي
واكبر دليلاً فكرهم في انتقا الأشخاص = بعد درس واستنتاج في كل الاحوالي
إلى المجد يابو سعود يالنادر القصاص = وعلى الخير يابو سعود يالصاحب الغالي
عملت وتعبت وعند ربك جزا الأخلاص = وانا ادعي عسى ربي يجيركم من الصالي
مخالبك في يوم اللقاء كنها المفراص = تنومس ربوعك في نهار التجيوالي
ليا من شبقت الخرب من مخلبك ماحاص= يعود على درب السنع داله سالي
تسهل صعيبا من صدوف الليالي عاص = وترقى سلوم الطيب ياطيّب الفالي
سلايل رجالن ماتجيب العلوم انقاص = سلايل رجالن في الوغا تحتمى التالي
كتبت القصيد اللي طغى مامنه مخلاص = ووجهت لديار العزيزين مرسالي
كتبت البيوت اللي تنومس بها القصاص = بعد شفت طاروق القصيدة تهيالي

 

 

 

 

[معلومات العضو نايف الخييلي]

الغالي \ راشــد المسعري

الله يعطيكـ العافيه . وصـــح لسانكـ ولسان الشاعر سلطان المسعري

ويستاهل ابن العم حسن بن مسرع ماقيل فيه والله يسدد خطاه


وتقبل سلامي

 

 

 

 

[معلومات العضو ابومبارك الدوسري]

راشد المسعري

مرحبا مليوووووووووون

ويعطيك العافيه علي أختيار هذه القصيده لهذا الشاعر الشاب

وتسلم يدينك يالغالي

ولاتحرمنا من جديدك

تقبل مروري البسيط

أخوك

خلف الدوسري

 

 

 

 

[معلومات العضو راشد المسعري]

المشاركة الأصلية كتبت بواسطة نايف الخييلي

الغالي \ راشــد المسعري

الله يعطيكـ العافيه . وصـــح لسانكـ ولسان الشاعر سلطان المسعري

ويستاهل ابن العم حسن بن مسرع ماقيل فيه والله يسدد خطاه


وتقبل سلامي

صح بدنك يانايف ويستاهل أبو سعود كل خير ونتمنى له التوفيق

وكذلك صح الله لسان الشاعر سلطان على هذه القصيدة الجزلة. ولك مني الود والتقدير ،،،

 

 

 

 

[معلومات العضو راشد المسعري]

المشاركة الأصلية كتبت بواسطة خلف الدوسري

راشد المسعري

مرحبا مليوووووووووون

ويعطيك العافيه علي أختيار هذه القصيده لهذا الشاعر الشاب

وتسلم يدينك يالغالي

ولاتحرمنا من جديدك

تقبل مروري البسيط

أخوك

خلف الدوسري

أرحب يابو بروووك ويعطيك العافية على المرور والتعليق وصح الله لسان أبو حسين على

قصيدته الجزلة ويستاهل ابو سعود ماقيل فيه ونتمنى له التوفيق.ولك مني اجمل الود والتقدير