التوبـــــــــــــــه !!!

[معلومات العضو مسفر المصارير]

بسم الله الرحمن الرحيم

الأخوه الكرام

السلام عليكم ورحمة الله وبركاته

يسرني مشاركتكم بهذه الابيات البسيطه

و التي أخترت لها عنوان : " التوبه "

نسأل الله أن يغفر ذنوبنا و ذنوب جميع المسلمين

يا الله يا غافر ذنوب عظيمه = رب البشر محيي العظام الهشيمه
أغفر اذنوبي يا إلهي يا معبود = و الكذب جنبنيه و يا النميمه
اعوذ بك من شر دنيا دنيه = و الامن و الأمان يا الله تديمه
انت الإله اللي تعرف الخوافي = اجعل نوايانا نقيه سليمه
استغفرك واتوب لك يا مهيمن = و انك تبعدني الصفات الذميمه
توبه لوجهك يا جزيل العطايا = باخلاص معلنها و قوة عزيمه
طامع بعفوك و الاجر و المثوبه = و تمحو الخطايا والذنوب القديمه
لا واهني من مات طايع لربه = و زود على ذلك كفل له يتيمه
و يا الله تجعلنا من اللي شفع له = نبينا اللي راضع من حليمه
الفوز يا الله تجعله من نصيبي = و جنبني الخسران و يا الهزيمه
الموت حق و كلنا لازم نموت = و الرابح اللي سالم من الظليمه

و سلامتكم

أخوكم : الشاعر : مسفر بن منيف المصارير .

 

 

 

 

[معلومات العضو أبونواف الدوسري]

يـا الله يـا غافـر ذنــوب عظيـمـه.... رب البشر محيي العظام الهشيمه

أنك تغفر للأخ مسفر المصارير وتوفقه وترحم والديه .... اللهم آمين.

الله يجزاك خير علي هذه القصيده القيمه في معناها.

أخوك أبو نواف الدوسري.

 

 

 

 

[معلومات العضو عبدالله الدوسري]

الغالي مسفر




اللجوء لرب العباد نعمة لا تتهيّأ لكل احد



كفانا الله و إياك شر الدنيا



صح لسانك



و بارك الله فيك و أثابكـ،،،

 

 

 

 

[معلومات العضو مسفر المصارير]

بو نواف الدوسري

عبدالله الدوسري

صحت ابدانكم

و الله لا يهينكم على المرور

و عسى الولي يغفر لجميع المسلمين

تقبلوا تحياتي

 

 

 

 

[معلومات العضو ال سويلم النتيفات]

يالله مغفرتك يارحمن,,,,,,,,,, الشاعر مسفر صح السانك على القصيده الجزله

 

 

 

 

[معلومات العضو مسفر المصارير]

ال سويلم النتيفات

صح بدنك ولا هنت على المرور

تقبل تحياتي

 

 

 

 

[معلومات العضو طايع ربه]

الشاعر : مسفر المصارير

صح السانك على هذه الابيات الجزله

و عسى الله يغفر ذنوبنا و ذنوبكم والمسلمين كلهم

أخوك : طايع ربه

 

 

 

 

[معلومات العضو مسفر المصارير]

طايع ربه

صح بدنك و لا هنت على المشاركه

مرورك شرف

تقبل تحياتي