لا صـــــار خلك مستحق المسبه ... (قصيدة)

[معلومات العضو الهــــ!!ــــواوي]

السلام عليكم ورحمة الله وبركاته

قصيدة اتمنى ان تنال على أعجاب الجميع

لا صار خـلـّـك مستحق المسـبـّــة=سبـّــه ترى العشــاق غيرك يسبــّــون
لا آبوه لا آبو الحب من قلب سبـّه=لا آبو الغرام اللي يحدّك على الهــــون
يا لعن أبو قلب غشيم يحـــبـــّــه=ملعــون والقلب اللي يغـليه ملعــــــون
أقول من هبـّــاك يا خبل هبـّـــــه=الدون ما يســلك معــاهم سوى الدون
عزّ الجفا ولا هـــوان المحـــــبة=مآخوذ من يصـــبر على الذل مغـبــون
أظهر قواة البـأس والضعف خبـّــه=ترى الضعيف ضعـــيف لا طعـــم لا لون
الرأس ما أحــد يقطــعه غير ربـّــه=أقول عزّ النــفــس ما أقول لك هـــــون
خلـّــه يولـّــي لا يذلـّــك بحبـّـــــه=أبعـــد وتلــقــــاهم على البعـــد يدنـــون
وإلا أنت لو ترقـــد وبالعين شبـّــة=أبرك من الـلــي يجرحــونك ويســـــلون
يا جــاهل إفهـــم خذ من العلم لبـّــة=إصــبر وتـنــســـى والعذارى ينــســّــون
الرجل عـقــله دائماً قــبل قـــلبــــــه=مـاهو عمــى بالقلب ومفــتـّــح عيـــــون
لا قدّمــوا حبـّــة تقدمت حبـّـــة=وإن وخـّـروا وخرت والعــز مضمــون
ترى غلا هالوقت هبـّـة وهبـّـة=إغـنم هبـــوب الريــح لا تقلــب سكـــون
لا ساعدك حظـّـك تغـانم مهبـّـه=لا تـرتهـــي يـجـيــــك يوم ويــصـــــدّون
قبل يذبـّــك ناب الأرداف ذبـّــه=ترى حلاة الرجـــــل طـــاعن ومـــطـعون
كم عاشق خلـّـوه من غير سبـّـه=يصفق بكــف كف ما يــدري وشـــــلون
ما له جدى يا كــود دمع يكبـّــه=عليه سيف الهــجــــر والصــد مسنــون
هـــذا مـن أول يـــوم لو دلّ دربــــه=ما دشّ في دنيـــا المجــانين مجــنون
لـكـن تـبـــع قـلبـه وقـلبــه لعـب بـه=واليوم يبــغى عون ما حصـّـل العــون
روّض فؤادك يا إبن الأجـواد ربـّـه=البيض ما يصــلح لهــن كـود فرعـون
وإلا ضعـــيف النفس دايم مسبـــّـة=ودّك مســـاكين البشــــــر ما يحبـّـــون

 

 

 

 

[معلومات العضو ابن وتيد السباعي]

خـلّـه يـولّـي لا يـذلّـك بحـبّـه=أبعد وتلقاهم علـى البعـد يدنـون

الله الله صح لسانك مليووووووووووووووووووووووون

يسعدني ويشرفني ان اررررررررررررررررررحب بك في منتدى قبيله الدواسر الرسمي

وقصيده جزله من شاعر جزل.

 

 

 

 

[معلومات العضو الهــــ!!ــــواوي]

صــــح بـــدنـــــك
ولاهــــنــــت على المرور

 

 

 

 

[معلومات العضو أبونواف الدوسري]

الأخ الهواوي أول مشاركه لك في المنتدي أتحفتنا بقصيده جميله.

لا هنت علي هذه القصيده .

مع تمنياتي لك بالتوفيق معنا يا أخي الهواوي.

بأنتظار أبداعاتك معنا .

أخوك أبو نواف الدوسري.

 

 

 

 

[معلومات العضو مخاوي الذيب]

أبـــــداع في قمة الــــجــــمــــال
وننتظر المزيد من ابداعاتك
أخــــوكــ:مــخاوي الــــذيــــــب

 

 

 

 

[معلومات العضو العضوالمنتدب]

تسلم يالهواوي قصيده فيها من الحكمه الشيء الكثير صح نزفك وقلبك يالهواوي

 

 

 

 

[معلومات العضو الهــــ!!ــــواوي]

حياكم الله
وشاكر مروركم الكريم
ولاهنتو

 

 

 

 

[معلومات العضو ابومبارك الدوسري]

خلّه يولّـي لا يذلّـك بحبّـه
أبعد وتلقاهم على البعد يدنون


الهوواي

صــــــــــــــــح لسااااااااااااااااااااااانك ولاهنت




صمت تسلم يالغلا ...



دمت بأفضل حاااااااااااااااال ..

أخوك

خلف الدوسري

 

 

 

 

[معلومات العضو الهــــ!!ــــواوي]

صــــح بــدنـــك
ولاهــنــــت على المـــرور