![]() |
#1 | ||
|
![]() الامام فيصل بن تركي بن عبدالله آل سعود شاعر شجاع من اسرة شهد لها التاريخ بالمجد ماضياً وحاضراً .وقد قال هذه القصيدة بمناسبة توليه الحكم خلفاً لإبن عمه عبدالله بن ثنيان وذلك عام 1258هـ:
الحمدلله جت على حسن الأوفاق=وتبدلت حال العسر بالتياسير جتنا من المعبود قسام الارزاق=رغم على الحساد هم والطوابير هبت هبوب النصر من سبع الأطباق=للدين عزٍ ونقمة للخنازير زان الكلام ودن لي بعض الأوراق=اكتب ثناء لله على حسن تدبير من ماي عيني حين ما دمعها راق=قام يتزايد حر وجده بتزفير من عظم خطب بين البار والعاق=ومن لابة عرفت من فيه لي خير مفهوم قلبي للرعابيب ما اشتاق=ايضا ولاهمه جمع الدنانير لكن من قومٍ عليها الردى ساق=عقب الجمايل انكروا نية الخير ماكولهم عندي عناقيد واشتاق=ومشروبهم در البكار الخواوير ملبوسهم من طيب الجوخ مالاق=ونقلتهم بمصقلات بواتير مركوبهم عندي طويلات الاعناق=من الخيل هي واليعملات المصاطير قصري لهم عن لافح البرد مشراق=وفي القيظ ظل من سموم الهواجير كني لهم ابو من الاهل مشفاق=وهم عيال لي صغار مقاصير ماني باغيهم الى التفت الساق=ياقونني من حادثات المقادير لكني باغيهم الى خاطري ضاق=نخيتهم جوني حفاة مشاهير باروا بحقي ذا تنكر وذا باق=وذا قاعدٍ قاعد عني ولا له معاذير وذا تبين في الردى فوق ما طاق=وذا تبين بالحكايا الخماكير وانا احمد الله بالعقوبة لهم عاق=وانزل بهم باسه سريع لهم زير واطلب من اللي له يصلون الاشراق=واللي تسطر بالقراطيس تسطير عسى يشوفوني على حسن الاوفاق=بيوم اذكرهم بما صار تذكير وانظر مجالسهم معا ذيك الاسواق=يجي بوجهٍ طالب العفو يا مير أحدٍ اصافي له على الصفح واعتاق=واحدٍ اصافي له بحد البواتير قولوا(لخير الله) ترى المكر به حاق=واخوانه اللي انكروا شر تنكير جتكم عبيد الله تقافى على ساق=اختصهم والله عليه التدابير و(زويد)عده على الأثر لحاق=بعوص النضا ومعسكرات المسامير حنا حمينا نجد عن كل فساق=من حمر مصر والنفوس المناكير واليوم نجازيهم على حسن خلاق=فينا وفيهم له مقالٍ وتدبير اول نراسلهم بتسجيل واوراق=واليوم باطراف الرماح السماهير اقول ذا قولي وبالرب وثاق=أمدح رجالٍ من تميمٍ مناعير حاموا على الملة وقاموا على ساق=دون المحارم والغروس المباكير وخلاف يا راكبٍ فوق سباق=همليع مرباه دار المناصير بشر هل العارض ترى حظهم باق=وحميرهم حالت عليها المقادير مابين حصان وما بين تفاق=راحت فوات بين ذيك الدعاثير ناروا مع الصفره نشيفين الارياق=ولا لقوا على نقمة الله مصادير صم الرزايا ساق على الساق=متحدرٍ سيله وجوله محادير يا ضبعة بالخرج من كل فساق=اكلي ونادي كل عوج المناقير ضفتي على العارض وعشوك باشناق=واهل القرى عشوك روس الطوابير كله لعينا دعوة الله بلاالحاق=وغرايس خضر وبيض غنادير وصلاة ربي بالعشية والاشراق=على النبي مظهر الحق تظهير وسلامتكم،،،
|
||
|
![]() |
![]() |
#2 | |||||||||||||||
|
![]() ابو مبارك ما شا الله عليك
موسوعه والله لا يهينك وعسا الله يحفظك ويسلمك
|
|||||||||||||||
|
![]() |
![]() |
#4 | ||||
|
![]() العماني تسلم على القصيدة الوافيه
|
||||
|
![]() |
![]() |
#5 | ||||
|
![]() مشاركة جميلة تشكر عليها
|
||||
|
![]() |
![]() |
#6 | ||
|
![]() بيض الله وجهك يابومبارك على نقل القصيده الطيبه
|
||
|
![]() |
![]() |
#7 | ||
|
![]() الاخ الغالي هايــف
|
||
|
![]() |
![]() |
#8 | ||
|
![]()
|
||
|
![]() |
![]() |
#9 | ||
|
![]() الاخ الغالي هايــف
|
||
|
![]() |
![]() |
#10 | ||||
|
![]() أبومبارك
|
||||
|
![]() |
![]() |
الذين يشاهدون محتوى الموضوع الآن : 6 ( الأعضاء 0 والزوار 6) | |
|
|
إعلانات نصية |
منتديات صحيفة وادي الدواسر الالكترونية | |||
![]() |
![]() |
||