قصيدة الشاعر (( سفر بن علي آل بريك )) في (( ناصر بن قريع ))

[معلومات العضو عبدالله آل بريك]

بسم الله الرحمن الرحيم
هذا مما يقول الشاعر /سفر بن علي بن منيف ال بريك الدوسري عندما جاءه البشير بفوز أبل ناصر بن قريع ال بريك الدوسري فتـشوق عندما جاءه الخبر وهو مشغول ولم يحضر المزاين فكتب هذه القصيده

يا لله يا منزل القرآن وكـــــــتابـــه = ياخالق النفس رازقها ومحيــيها
تعوذنامن طريق ابليس واحزابــــه = وأجسامناعن لهوب النارتحميها
قال الذي للمثايــل بطــــّّل أبوابــــه = يا حاضرأسمع تماثــيل بدأ فـيها
يفرح اليا صار لحق المدح في الابه = وأمجاد ربعي تنومسني مباديهـا
علم لــفاني مع الـطراش للـــــــــفابه = ينافدى اللي دروب العــــز ماشيها
ناصر اليا صار كلاًً مغــــلق بابــــه = أبـــواب بــيته مفـتحةً للافــيها
ماريته لا لـــفيت الــبيت رحابــــــه = الله لايقطع العاده وراعيـــــها
ضرغام ليث تسلسل من اسد غابـه = من لابةً في اللقا تعرف بماضيها
ربعي اليا كشّر السرحان بنيابـــــه = بريكيهً نوفي الكيله لراعيهـــــــا
ربعي هل الرايه العليا واهل جابه = فكاكة الابل اليا كثرة عزاويهـــا
قصيرهم لامشى ماهوب بيـهقابه = وأرواحنا دون جار البيت نهديها
ولا نقلنا سيوف الهند نصابــــــــه = الا سيوف نوردها ونرويهــــــا
واليا ركبنا على العيرات كســـابه = عقيدنا لانــتوا يبعد مناحـيهــا
من فضل ربي ترى ماحن نشابـه = كم زلة قد د محناها لراعيهــا
كم شيخ قوم على البيدا سجدنا به = وأنساه عقب الطرب كثرة نعاويها
الشقح فازت وذا علم فــرحنـــابه = علم رفع رووسنا لحد واليهـــــــــــا
الفوز يا ابو مبارك لك تهنابـــــــه = الله يهنيك فـوز الابل وراعيـهـــا
صلاة ربي عدد ماهل سكـابـــــه = ذكر الولي بأول الكلمه وتاليهـــا

وسلامتكم

و ان شاء الله تكون القصيده قد حازت على رضى الله ثم أستحسانكم

وتقبلوا خالص التحايا

اخوكم :- عبدالله آل بريك

 

 

 

 

[معلومات العضو شجاع الخريم]

إلى الأخ العزيز عبدالله ال بريك

((صح إلسان الشاعر وبيض الله وجهه على القصيدة الرائعة ))
ولاسيما أنها في شخص يستاهل ومن لابةٍ تستاهل
ونعمٍ بالجميـــــــــــــــــــــــــــــــــــــــــع
ولك تحياتي ،،،،،،

 

 

 

 

[معلومات العضو أبونواف الدوسري]

الفوز يا ابو مبـارك لـك تهنابـه ## الله يهنيك فـوز الابـل وراعيهـا

صلاة ربـي عـدد ماهـل سكابـه ## ذكر الولي بأول الكلمـه وتاليهـا

ماشاء الله ..عسي الله يوفقكم ..ويجمع شملكم ..

الأخ عبدالله آل بريك تسلم علي هذه القصيده وصح لسان قائلها.

تقبل تقدير وأحترام أخوك أبو نواف الدوسري.

 

 

 

 

[معلومات العضو العماني]

ربعي اليا كشّر السرحـان بنيابـه**بريكيـهً نوفـي الكيلـه لراعيهـا

ربعي هل الرايه العليا واهل جابـهiiفكاكة الابل اليـا كثـرة عزاويهـا

الله الله

صح الله لسان الشاعر الكبير سفر بن علي آل بريك حفظه الله وأطال بعمره

ويستاهل ناصر بن قريع وفوزه فوز لنا جميعا

وبيض الله وجهك اخوي عبدالله على ايراد هذه القصيدة وماقصرت يالقرم

تقبل تحياتي،،

 

 

 

 

[معلومات العضو بعيدالهقاوي]

ضرغام ليث تسلسل من اسد غابهمن لابةً في اللقا تعرف بماضيهـا

ربعي اليا كشّر السرحـان بنيابـهبريكيـهً نوفـي الكيلـه لراعيهـا
والله والنعم

 

 

 

 

[معلومات العضو يحيى الودعاني]

تسلم يمناك أخوي عبدالله و جعل ما يجيها العطب


وصح السان الشاعر /سفر بن علي بن منيف ال بريك الدوسري

و يستاهل ناصر بن قريع ال بريك الدوسري

 

 

 

 

[معلومات العضو عبدالله آل بريك]

صح الله بدنكم و الفوز لنا جميعاً و أشكركم على حسن التجاوب

والله لا يبدي علينا ظالم ولا يباغض بيننا


وتقبلوا خالص الود والتقدير

أخوكم :- عبدالله آل بريك