أرفع الراس للشاعر ناصر بن عبدالله السعيد

[معلومات العضو أحمد الجردان]

	إخواني وأخواتي أعضاء ورواد هذا المنتدى الغالي سلام وبعد سبق أن وعدتكم أنني سأنشر هنا بين حين وآخر قصائد لشعراء الدواسر في منطقة سدير الذين أعرف قصائدهم . لذا هذه قصيدة للشاعر ناصر بن عبدالله السعيد المسعري الدوسري من أهل جلاجل وهو مقيم فيها وهو شاب ذو شاعرية ومن رجال التربية والتعليم . وهذه القصيدة سبق أن أنشدها الأستاذ عبدالله المهيدب وسأحاول أن أنزلها صوتية فيما بعد ـ بإذن الله ـ . لا أطيل عليكم وأترككم مع القصيدة

والله اني صبورٍ واصبر مـــن الجمل = اظهر الضحك واخفي فـــي ضميري جروح
لاتكــالب زمــاني ارتــكي للحمــل = مثـــل ضلـــع طويـــلٍ شـــامخٍ لــــه سفـوح
الهبــايب تلوفه مــــا يكـــل ويمــل = ثـــابت فـــي مكـــانه والجبل مــــا يبـــوح
الرجــال الضواري مثل هاك الجبل = عـــزة اللـــي تعزوى مـــن جروحـــه ينوح
طيبين السجايـــا مــاضين الفعــــل = بــالصبر والعزيمة كــم بنوا مـــن صــروح
ارفع الراس دايم لو حصل ما حصل = لا تـــزعزع كيـــانك خــل عنـــدك طموح
اتبع اللي يعزك واترك اللي يذل = رافــــق اللــــي يـــودك بــالمشــــورة نصوح
من حكا لك حكا بك مثل قول المثل = ومن ضحك لك ضحك بك لو تشوفة مزوح
المكـــر والخيــانة مـن صفات الثعل = والحــــرار الأصيلـــة بــــالثريــــا تلـــوح
لـو صفا لك زمانك ما يدوم العسل = الله اللــــي يدوم وغــــير وجهـــه يـــروح
يالله اغفر ذنوبي عن جميع الزلل = الـــخطايـــا كثــيرة واللـــه اللــــي سموح
ناصر بن عبدالله السعيد المسعري الدوسري = سدير

 

 

 

 

[معلومات العضو عبدالرحمن الشرافي]

من حكا لك حكا بـك مثـل قـول المثـل=ومن ضحك لك ضحك بك لو تشوفة مزوح

هذا البيت يذكرني بــ بيت للشريف بركات يقول:

عندك حكا فيني وعندي حكا فيك =واصبحت كارهنا وحنا كرهناك

اخوي / عنقود ..

اررررررررررررحـــــــــــــــــــــــــب


وقصيدة في قمة الجزالة والحكمة

بيض الله وجهك يا عنقود على النقل


وصح الله لسان الشاعر / ناصر المسعري


و ننتظر القصيدة الصوتية


وتقبل فائق التحية والتقدير

 

 

 

 

[معلومات العضو العماني]

بيض الله وجهك اخوي عنقود وصح الله لسان الشاعر الكبير ناصر السعيد

وفي انتظار قصايد شعراء سدير كما وعدتنا

تقبل تحياتي،،

 

 

 

 

[معلومات العضو فهدالمحيسن]

أخي الغالي

مبدع دائماَ

نرجو لك التوفيق والنجاح

اخوك
ابو عبدالحكيم

 

 

 

 

[معلومات العضو فيصل بن جزاء]

صح السانك والسان الشاعر السعيد المسعري

قصيده جزله من شاعر متمكن

لاهنت على نقل القصيده ياعنقود

تقبل تقديري واحترامي