(( أهـــــــل الرقيـــــــــــم ... ))

**معلومات** **العضو** · 09-05-2005, 03:42 AM

السلام عليكم ورحمة الله وبركاته

أخواني الأعزاء اخواتي في هذا المنتدى الشامخ دائماً ...
أسعد الله أوقاتكم بكل المسرات ...
واسمحوا لي أن أضع هذه القصيدة بين أيديكم
لعلها تنال اليسير من رضاكم ...
ولكم أجمل تحياتي ...

باسمك إله الكون يامعبود أنت رب السائلين=أنت المليك المقتدر أنت الإله أنت الرحيم
بثيت حّزني في سماك من هم في قلبي سجين=أنت الملاذ لخافقي وما خفى وانت العليم
من جور ظلم ٍ صابني قد له على صدري سنين=ياوجد حالي سبته حالي برى واصبح سقيم
من جور حمّله كاهلي يمسي بليل ٍ له ونين=ثقيل أثقل من رعوم وخنجره جا في الصميم
قطّع معاليق الوريد وّحد له جب الوتين=أدمى عيوني والحشا وداخله جرح ٍ أليم
دموع من عيني تسيل وجرح عيا لا يبين=دموع غر ٍ بالخلا من قبل ما يفطم يتيم
عارف واقدر وانتخي ساس ٍ على وقتي يعين=من صلب يام ٍ لابتي ما علمها يآتي عقيم
صابر لظلمك والشقا ويحدني قلب وحنين=عيا عن دروبك يتوب وصوبكم حبه قديم
قديم بأيام ٍ خلت . عز ونقا والله ضمين=بين المحاني حافظه حفظ الكهف لاهل الرقيم
وفي عيوني شآيله آعاينه في كل حين=منه حياتي باقيه دامه بقا فآنا سليم
وآنا على وعدي ترى وآنا على حبك أمين=ون كان جاوزت الحدود شفني على خبرك حليم
وآنا مثل ما قلت لك شاجع وصبار ورزين=وانتي ما اخبرك جاهلة؟ وآنا الوحيد اللي فهيم!
آنا اعرف انك فاهمه. ونك نبيهه تعرفين=ونك أنا وانتي هنا. في مهجتي حب ٍ عديم
وعني لو تباعدتي .. أكيد لي عندي تجين=والله مقدّر لي كذا. أبقى لك أشواق ونديم
ومقدّر اني اسمعك واعذر ليا شفت السمين=واهدى ليا مني ذكرت ان حبنا معنا مقيم
واستغفره رب ٍ كريم غافر ذنوب التايبين=باعث محمد لامته ودآحر ابليس الرجيم

----------------------------------------------------------------------

وسمحولي اذا اطلت عليكم ولكن هذي قصيده جميله وحبيتكم تشاركوني فيها

وانافي الحقيقه لا اعرف شاعرهاااااااااااا

¤§ بنت كحيلان §¤

**معلومات** **العضو** · 09-05-2005, 04:19 AM

**معلومات** **العضو** · 09-05-2005, 04:21 AM

صح لسانك بنت كحيلان والى الامام اختي

تحياتي لك..

**معلومات** **العضو** · 09-05-2005, 05:04 AM

السلام عليكم ورحمة الله وبركاته

صح لسانك ولاهنتي ( بنت كحيلان ) على هذه القصيده الرائعه .

**معلومات** **العضو** · 14-05-2005, 02:26 AM

**معلومات** **العضو** · 14-05-2005, 05:23 AM

بنت كحيلان

لا هنتي

والف شكر لك

على ذا القصيده الطيبه

وتسلمين

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية