رائعــه من قصائد الأمير الشاعر/ محمد السديري رحمه الله

[معلومات العضو صالح الجعيدي]

السلام عليكم ورحمة الله وبركاته ،،

من روائع الشاعر الأمير / محمد الأحمد السديري رحمه الله :

شىءٍ بقلبى ياملا حايرٍ فيه =شىءٍ تحير به العقول الفهامي
مخفيه بفوادى و لا ودى ابديه=وادور الخيرات شرقٍ وشامي
احترت به ما شفت شىءٍ يحاليه=واليوم أنشد عنه مانى بكامي
سيلٍ حدر مع وادىٍ غير واديه=مدرى حلالٍ ماه والا حرامي
كانه حلالٍ جايزٍ شرب صافيه=وش حلله يامفسرين الحلامي
هاتوا تفاصيله وهاتوا معانيه=نبى الدليل اللى عليه الكلامي
نبي دليلٍ يفهم الدرب ماشيه=يمشي به التايه بليل الظلامي
يمشي به التايه ويقدى مواطيه=ويشرب قراح الما ليا صار ضامي
لاشك هجسي يوم خلا مماشيه=انه حرام ومنه زود الاثامي
احرم من الزقوم مره وحاليه=وشربه على الضامى يزيد الهيامي
الله من قلب همومه تقزيه =تدك به مثل الجراد التهامي
من ما جرى قامت تتله مشاحيه=تل الرشا من فوق هدف المقامي
روابعٍ قامت تصيبه وتخطيه=شاف الهوايل واختلاف الاسامي
ما يسمع الداعى ليا قام يدعيه=يعوم فى بحرٍ من الهم طامي
ما ينتبه للى بصوته يناديه=يزيد همه يوم كلٍ ينامي
يشوف وقتٍ ماعرفنا تواليه=وقتٍ يشّيب منه ابن الفطامي
هذا زمانٍ كاثراتٍ بلاويه=الغيم يقلب فيه عج وكتامي
يا بعد شرب الما على كبد راجيه=ما سيل الغبرا زعوج الجهامي
انبيك يا من كلمة الحق ترضيه=اعطيك ما ينفعك وافهم كلامي
قصرٍ يذلك لا تقابل مبانيه=خله عسى شامخ طويله هدامي
خله عسى ما صاب اغادير يفنيه=يودع منازلـه الطويله رجامي
لوزان مدخاله وطالت حواميه=شيّد على الخيبه قليل الرحامي
وحىٍ يوريك المذ لـه وتغليه=أنا أشهد أنك ميت القلب عامي
من لا يودك لا توده وترجيه=ارفع مقامك ياعزيز المقامي
ارفع مقامك عن عدوك وتوذيه=ويلحقك من تركت رفيقك ملامي
حق الرفيق وواجبه لاتخليه=يلزمك مثل الوالدين الحشامي
اخترعزيز الجار والحق يعطيه=شبلٍ على هرجٍ يقوله يحامي
مادك به عرج المذ لـه وطاريه=يسبق على فعل الفضيله شمامي
ومن قارب الاجرب بالامراض يعديه=عدواه تسطي باللحم والعظامي
درب السلامه بيناتٍ مماشيه=ودرب العطب يّرث عليك اللكامي
ابعد وقلبك نازح البعد يشفيه=وتلقى عن الدار البغيضه مقامي
دارٍ بدار وداعى الذل عاصيه=ولا تقبل الذ لـه نفوس الكرامي
الذل موت حايماتٍ ضواميه=ادخل على منزل فروض الصيامي
عن مقعد بالذل عينك تراعيه=الموت عند الذل امان وسلامي
يرضى المذ لـه من تردت هقاويه=والذل يجفل منه قلب العصامي
والعبد لــه ربٍ عن الناس يغنيه=ولو لاه ماصاب الهدف كل رامي

وسلامتكم ،، مع خالص التحية و الاحترام.

 

 

 

 

[معلومات العضو أبونواف الدوسري]

عسي الله يوفقك يااجعيدي وترضيه####واالجنه ملفاك ياأبن الكرامي...

لك ألف تقدير وأحترام....

أخوك أبو نواف الدوسري.

 

 

 

 

[معلومات العضو ولد الغاط الدوسري.]

وانا اشهد ....بيض الله وجهك يابن العم...


وعساك على القوة...

والله يرحم الامير ويسكنه فسيح جناته..ويغفر له ذنوبه...

ونعم برجال الغاط..
لاعدمناك..

 

 

 

 

[معلومات العضو العماني]

لاهنت اخوي صالح على اختيار هذه القصيدة التي تعتبر من درر الشعر النبطي

والله يرحم الأمير محمد الأحمد السديري ويسكنه فسيح جناته

تقبل تحياتي،،

 

 

 

 

[معلومات العضو ابن غياث]

من لا يـودك لا تـوده وترجيـه
ارفـع مقامـك ياعزيـز المقامـي

يرحم الامير ويسكنه فسيح جناته..ويغفر له ذنوبه...

لاهنت يالجعيدي

 

 

 

 

[معلومات العضو بدر بن صقر العجالين]

قصـرٍ يذلـك لا تقابـل مبانيـه
خله عسى شامخ طويلـه هدامـي

مــشــكـــور ولاهـــنـــت يـــا صـــالـــح الــجـعــيــدي عـــلـــى ذكــــرك هــــذه الـــقـــصـــيـــده .....

ورحـــــم الله أمـــيـــرنــــا ومـــثـــالـــي الأعــــلـــى الأمـــيـــر الـــشــاعـــر/ مـحـمـد بــن أحــمــد الــســديــري...والله يــغــفــر ذنــــوبـــه ويـــســكــنــه فـــي جــنــات الـــخــلــد...

واكـــــرر بـــيــض الله وجـــهــك يــــا الـــجـــعـــيـــدي ولاهـــــنــــــت...

 

 

 

 

[معلومات العضو عبدالرحمن الشرافي]

سيلٍ حدر مع وادىٍ غيـر واديـه=مدرى حـلالٍ مـاه والا حرامـي
كانه حلالٍ جايزٍ شـرب صافيـه=وش حلله يامفسريـن الحـلامـي

أخوي / صالح الجعيدي


ارررحـــب

وقصيدة جزلة ومشهورة

ورحم الله الامير / محمد السديري

وتسلم يمناك على النقل


ولكن عندي سوال: أختلفت الروايات حول سبب هذه القصيدة ..

هل بأمكانك أعلامنا بسبب هذه القصيدة وبالاخص الابيات اللي اقتبستها انا ؟؟



وتقبل فائق التحية والتقدير

 

 

 

 

[معلومات العضو صالح الجعيدي]

أخواني الغاليين /
أبونواف الدوسري ،، ولد الغاط الدوسري ،، هايف العماني ،، ابن غياث ،، بدر العجالين ،، عبدالرحمن الشرافى ،،

من دون ردودكم مشاركاتي ما تسوى شي ،، مرحبا و الله و مسهلا ،،
مروركم شرف ووسام على صدري يالنشاما ،، و لا هـنـتــم يالغاليين.

بالنسبة لـ سؤال أخوي/ عبدالرحمن الشرافى : لا أملك الاجابة الآن ،،
وسوف أبحث عن إجابة سؤالك يالغالي ،، وسأبلغك عندما أجدهـــا.

مع خالص التحية و الاحترام لـلـجـمـيـــع
أخوكم ومحبكم في الله/ صالح آل جـعـيـد