عزة النفس

[معلومات العضو أبونواف الدوسري]

السلام عليكم ورحمة الله وبركاته....

قرأت هذه القصيده ولا أعرف من قائلها ... أحببت أن أشارك في منتدي الشعر العام فيها...

متمنيا من الله أن تنال أعجابكم.....


(عزة النفس)

ينجرح قلب.. لكن ترتفع هامه
والله اني لاموت ولاينحنى راسي

لو رماني زماني وسط..دوامه
العواصف شديده .. والجبل راسي

أنقل الحزن وامشي منتصب قامه
قاسي الوقت .. لكني بعد قاسي

واسمع الحلم يصرخ لحظة اعدامه
رابط الجاش ... ماهز الخبر باسي

عزتي غاليه ..والناس سوامه
قلت ما ابيع حتى تقطع انفاسي

زانت ايام عمري .. شانت ايامه
مارجيت العزى من رحمة الناسي

من عجز لايدوس الهم باقدامه
لازم انه مع الايام ينداسي

يندمل جرح القلب .. ماتت احلامه
بس ما اظن يبرى جرح الاحساسي

يوم صارت مابين القلب والهامه
وش ابي بالحياة الياانحنى راسي

وسلامتكم.....

 

 

 

 

[معلومات العضو عبدالرحمن الشرافي]

واسمع الحلم يصرخ لحظة اعدامه =رابط الجاش ... ماهز الخبر باسي
يوم صارت مابين القلب والهامه =وش ابي بالحياة اليا انحنى راسي

الله الله

نقلت فأبدعت يا ابو نواف


لا شلت يمناك على هذا النقل والاختيار الجميل والجزل

وصح الله لسان الشاعر


و ننتظر جديدك الجزل يالقرم


وتقبل فائق التحية والتقدير

أخوك / عبدالرحمن بن سالم الشرافي

 

 

 

 

[معلومات العضو ابومبارك الدوسري]

أبونواف

صح لسانك ولسان الشاعر

أخترت فأبدعت

لاعدمتك يالغالي

خالص أحترامي

أخوك

خلف الدوسري

 

 

 

 

[معلومات العضو أبونواف الدوسري]

ألأخ عبد الرحمن الشرافي لك موفور الشكر علي التعليق الطيب...مع تمنياتي لك بالتوفيق أنشاء الله..

أخوك أبونواف الدوسري.