قصيدة للشاعر الدندان الرجباني

[معلومات العضو أبوفهيد الودعاني]

يالله اللي تكسر العظم وان آشا جبــــــــر= طالبينك طلبة مايغّلق بابهـــــــــــــــــــا
طلبة ترجع غصون الهشيم من الشجـــر= ماتجي الرحمة من الما القراح الا بها
هاض مابي هرجة واسمعوا يامن حضر= هرجة منها العذارى رمت باسلابهـــــا
قلتنا اخلص ياردي النصيب ولااعتبــــــر=حجة لارحم ابوها وابومن جابهــــــــــا
ترصخ الجزلا على السيف والما والحمر= والمحبب والمسبب رقيق ثيابهــــــــــا
من حربنا قاسي لان عظمه وانكســــــــر= واصبحت بقعاء تطره بطارف نابهــــــا
حرب تسعين السنه عندنا كنه شهـــــــــر=والحرايب عزنا يوم يفتح بابهــــــــــــا
والله مافي الشضو زود على سبعة عشر= واقعدوا ناس ورود تسن حرابهــــــــا
يانديبي وارتحل حايل فجا النحــــــــــــــــر= عيرة لاروحت يعجبك صّلابهـــــــــــــا
صوب صبيان آل زايد بمردود الخبـــــــــر= سرهم بالعلم لألفيت ياركابهــــــــــــــا
سعد من هم لابته محزم خزن الظفــــــــر= هل فعول من عصور الجهل يدرابهــا
وفي الختام سلام ربي على سيد البشـــر= والصلاة وسنة محمد يثنابهـــــــــــــــا

 

 

 

 

[معلومات العضو تركي ال فنيس]

صح السانك والسان الشاعر والله يرحمه الدندان

 

 

 

 

[معلومات العضو النجم الهاوي]

صح الله لسانك يالبراق على هذا الاختيار من القصائد الرائع

والله يرحم شاعرها ويغفر له ويسكنه فسيح جناااااااااته


لاهنت

 

 

 

 

[معلومات العضو أبوفهيد الودعاني]

تــــركي الودعاني

النجـــم الهاوي

صحت ابدانكم جميع

ومشكورين على المرور والاطراء الطيب ،،،،،

 

 

 

 

[معلومات العضو الشكري]

الله يرحم الشاعر الكبير الدندان

البراق الله لا يهينك

ودايم اختيارك موفق

وفعلا براق

 

 

 

 

[معلومات العضو المبيعيج]

الله لايهينك يالبراق والله يرحم شاعرنا الدندان الشاعر الذي ابهر الهولنديين

 

 

 

 

[معلومات العضو أبوفهيد الودعاني]

المشاركة الأصلية كتبت بواسطة الشكري

الله يرحم الشاعر الكبير الدندان

البراق الله لا يهينك

ودايم اختيارك موفق

وفعلا براق

اررحب يالشكري ولا انت يالغالي


وكم شرفني مرورك،،،،


اخي المبيعيج

ولا انت يالقرم ومشكوور على المرور والرد الطيب ،،،،